ပြန်လည်မွေးဖွားလာသောဧကရာဇ် (book 3)

Arc 3🗡178🗡ဝူအဆင့်၁၀ (ဒုတိယပိုင်း)

Chapter (178) Arc 3
ဝူအဆင့်၁၀ (ဒုတိယပိုင်း)

ကြီးမားသော စွမ်းအားသည် ခန္ဓာကိုယ်အတွင်း ပျံ့နှံ့သွားပြီး သွေးကြောများ ကွဲအက်လာသလို ပြင်းထန်သော နာကျင်မှုဒဏ်ကြောင့် အေးစက်သော ချွေးများ သူ့တစ်ကိုယ်လုံးမှ ထွက်လာသည်။

သာမန်လူ တစ်ယောက်သည် ဤနာကျင်မှုကြောင့် မခံမရပ်နိုင်ဖြစ်ပြီး မေ့မြော သွားနိုင်သော်လည်း လုရွှမ်၏ အမူအရာမှာ နာကျင်နေသူ မဟုတ်သကဲ့သို့ မပြောင်းလဲပေ။

စိတ်ဝိညာဉ်စွမ်းအား ၁.၂ ဖြင့် သူသည် အချိန်မရွေး ရူးသွပ်သွားမည့် စွမ်းအင်ကို အတင်းထိန်းချုပ်ထားကာ သူ့ရှေ့က အတားအဆီးဆီသို့ ပြေးဝင်သွားခဲ့သည်။

ဗုန်း!

မိုးခြိမ်းသံကဲ့သို့ ပြင်းထန်သော ဟောက်သံတစ်ခုက သူ့နားထဲတွင် ပေါက်ကွဲသွားသည်။

အဓိပတိနယ်ပယ်၏ အတားအဆီးသည် တခဏချင်း ပေါက်ကွဲ ပွင့်ထွက်သွားသော်လည်း ဝူအဆင့်၁၀၏ အတားအဆီးသည် လုံးဝ သော့ခတ်ထားသကဲ့သို့ မလှုပ်မယှက် ဖြစ်နေသည်။

"ငါမယုံဘူး!"

သူ၏မျက်လုံးများတွင် ရူးသွပ်သော အကြည့်ဖြင့် လုရွှမ်သည် သူ၏ကြီးမားသော စိတ်ဝိညာဉ် စွမ်းအားကို အသုံးပြုကာ အတင်းအကျပ် ဖိနှိပ်ကာ ဝူအဆင့်၁၀ကို အထပ်ထပ် အခါခါ ထိမှန်သွားခဲ့သည်။

ဝုန်း ဝုန်း ဝုန်း  !

တစ်ကြိမ် ကြိုးစားလိုက်တိုင်း သူ့ခန္ဓာကိုယ်ကို သံတူကြီးဖြင့် ပြင်းပြင်းထန်ထန် ထုရိုက်နေသလို ခံစားလိုက်ရသည်။ အကြိမ်ကြိမ် ဆက်တိုက် သည်းမခံနိုင်တော့ဘဲ ပါးစပ်ထဲ သွေးများ တဟုန်ထိုး စီးကျလာ၏။

ဖူး!

ပါးစပ်ထောင့်မှာ သွေးတွေ စီးကျလာပြီး အတွင်းဒဏ်ရာ ပြင်းပြင်းထန်ထန် ရသွားသည်။

အကယ်၍ သူသည် ယခု သေမျိုးအသွင်ပြောင်းခြင်း နယ်ပယ်ကို ဖြတ်ကျော်လိုပါက အလွယ်တကူ အောင်မြင်နိုင်သော်လည်း ဝူအဆင့်၁၀သည် အမှန်တကယ်ပင် ခက်ခဲလွန်းလှသည်။ ဤမျှလောက် ပြင်းထန်သော ဝိညာဉ်စွမ်းအားနှင့် လုံယန်ချီဆေး အများအပြား ရှိနေသော်လည်း ထိုအဆင့်ကို မဝင်နိုင်သေးပေ။