ပြန်လည်မွေးဖွားလာသောဧကရာဇ် (book 3)

Arc 4🗡27🗡ယွမ်စံအိမ်အား ညအချိန်တွင် ဝင်ရောက်စီးနင်းခြင်း

Chapter (27) Arc 4
ယွမ်စံအိမ်အား ညအချိန်တွင် ဝင်ရောက်စီးနင်းခြင်း

တံခါးဝသို့ ဝင်ပြီးနောက် အရိပ်လူသတ်ခန်းမ၏ မရေမတွက်နိုင်သော အဖွဲ့ဝင်များသည် ပြေးလာကာ လုရွှမ်နှင့် အခြားလူများကို ဝိုင်းထားကြသည်။

သူတို့အမြင် အရတော့ ဒီလူငယ်ဟာ သူတို့ရဲ့ခေါင်းဆောင် ရှီးမန်ဝေ့ကို သတ်ပြီး ပြန်ရောက်လာပြန်တာက မစဉ်းစားစရာ မလိုအောင် သူတို့ကို ကျူပင်ခုတ် ကျူငုတ်မကျန် သုတ်သင်ချင်နေတာပဲ ဖြစ်ရမယ်။

အရိပ်လူသတ်ခန်းမရဲ့ ခေါင်းဆောင်အဖြစ် လုရွှမ်က ဆက်ခံလိုက်တာ ယွမ်စံအိမ်မှ မတိုင်ခငကမှ ဆုံးဖြတ်လိုက်ခြင်း ဖြစ်လို့ ဒီလူတွေကတော့ ယင်းအကြောင်းကို မသိခဲ့ကြ​​သေးပေ။

"သူ့ကိုသတ်လိုက်.... ခန်းမသခင်အတွက် လက်စားချေရမယ်!"

လူအုပ်ကြီးထဲတွင် မှော်အဖွဲ့၏ အဖွဲ့ဝင်ငယ်များ ပါရှိပြီး ထိုလူများက စတင် အော်ဟစ်ခဲ့ကြသည်။

"မှန်တယ်! မဟုတ်ရင် ငါတို့ သေရလိမ့်မယ်... ငါသူ့ကိုတိုက်ကူမယ်!"

"အရေးကြီးတာက ငါးသေပြီး ပိုက်ကျိုးသွားဖို့ပဲ.... ဒီနှစ်တွေထဲ ဓားအစွန်းမှာ သွေးတွေ စို့နေခဲ့တာ မင်း ငါတို့ကို သတ်ချင်ရင်တောင် ဒီလောက် မလွယ်ဘူးဆိုတာ သိအောင် ပြောပြရမယ်!"

တစ်စုံတစ်ယောက် ဝင်လာတာနဲ့ လူအုပ်ကြီး၏ ထိတ်လန့် တုန်လှုပ်သွားခြင်း နှင့်အတူ ချက်ချင်း ရုတ်ရုတ်သဲသဲ ဖြစ်သွားကာ လုရွှမ်ကို မုန်းတီးစွာ ကြည့်နေ​ကြလေသည်။

"အားလုံးအတူတူ တိုက်ကြရအောင်!"

လူအုပ်ကြီး စတင် လှုပ်ခတ်သွားသည်ကို မြင်သော် ပထမဆုံး စကားပြောဆိုသူ မှော်အဖွဲ့ရဲ့ အဖွဲ့ဝင်က ကျယ်လောင်စွာ ဟောက်ကာ လုရွှမ်ဆီကို ပြေး၍ ဓားဖြင့်ဦးစွာ ထိုးချလိုက်လေသည်။

ဓားသည် ရေအလင်းကဲ့သို့ တောက်ပနေကာ လေအေးတွေက ဓားတစ်ခုလုံးကို လွှမ်းနေသည်။

"အဟဲ!"

တစ်စုံတစ်ယောက်ကတော့ သူ့ဒေါသကို လာစမ်းနေမှန်း သိလိုက်သော်လည်း လုရွှမ် ပေါ့ပေါ့ပါးပါး ပြုံးလိုက်ပြီး သူ့ရဲ့ စိတ်ဝိညာဉ်စွမ်းအားကို လွှတ်ထုတ်လိုက်သည်။