ပြန်လည်မွေးဖွားလာသောဧကရာဇ် (book 3)

Arc 4🗡80🗡ဘယ်သူက ပိုပါးနပ်မလဲ

Chapter (80) Arc 4
ဘယ်သူက ပိုပါးနပ်မလဲ

ထိုသူတော်စင်တစ်ပိုင်း ကျင့်ကြံသူသည် သူ့လက်ထဲ ဆေးလုံးကို ကိုင်ပြီး ပြေးထွက်သွားလေ၏။

သို့သော် ရုတ်တရက် သူ့လက်ထဲက ဆေးလုံးက လှုပ်လာတာကို ခံစားလိုက်ရပြီး အံ့အားသင့်သွားကာ ကောင်းကင်ကို မော့ကြည့်လိုက်တော့ တောက်ပတဲ့ အဖြူရောင် အလင်းတန်းတစ်ခု ကောင်းကင်ကနေ ထိုးကျလာခဲ့တော့သည်။

သူ မလှုပ်နိုင်တော့ပေ။ နောက်ဆုံး အတွေးထဲကို ရောက်လာခဲ့တဲ့ စကားလုံးကတော့ သူ လှည့်စားခံရပြန်ပြီ!

အဖြူရောင် အလင်းရောင်သည် ပြိုးပြိုးပြက်ပြက်နှင့် ကြောက်မက်ဖွယ် ကောင်းလှသည်။ အဖြူရောင် အလင်းရောင် မှိန်ဖျော့သွားပြီးနောက် လူတိုင်း ကြောက်လန့်နေသော ကလေးများကဲ့သို့ နောက်သို့ အသည်းအသန် ထွက်ပြေးကြသည်။

ဤတစ်ကြိမ်တွင် ကောင်းကင်ယံ၌ မိုးခြိမ်းသံသည် ပိုမိုပြင်းထန်လာပြီး မိုင်ဝက်အကွာအဝေးကို ဖြတ်ကျော် ဝင်ရောက်လာခဲ့သည်။ လူတစ်ယောက်အပေါ် တိုက်ရိုက် ပစ်ချလိုက်သောကြောင့် ယခင်ကလို တွင်းနက်ကြီး ဖြစ်မလာခဲ့ပေ။

အသက်ရှင်နေသေးသော သူများသည် လုရွှမ်ကို ထိတ်လန့်စွာ ကြည့်နေကြပြီး သူတို့၏ မျက်လုံးများထဲတွင် ကြောက်ရွံ့မှု အလင်းရောင်များ ပြင်းထန်စွာ တောက်ပနေ၏။ ဒီလိုလူဟာ ထူးထူးခြားခြား ဉာဏ်ရည်ဉာဏ်သွေးနဲ့ ခွန်အားတွေ ရှိပြီး သူ့ကို စော်ကားမိရင် တကယ်ပဲ ရလဒ်ကောင်းတွေ ရလာမှာ မဟုတ်ချေ။

လူတိုင်းရဲ့ နှလုံးသားတွေက လွင့်မျောနေသလိုပဲ တချို့လူတွေက အလွန်အမင်း ကြောက်လန့် တုန်လှုပ်နေကြ၏။ သူတို့ရှေ့က အခြေအနေ အောက်မှာတော့ မကြောက်တဲ့သူ ဘယ်သူမှ မရှိဘူးလေ။

လုရွှမ်ရဲ့ နှုတ်ခမ်းထောင့်စွန်းက လှောင်ပြောင်သံ တစ်ခု ထွက်ပေါ်လာပြီး သူဟာ လူတိုင်းအတွက် ပို၍ပို၍ လျှို့ဝှက် ဆန်းကြယ်လာခဲ့သည်။ သူတော်စင်တစ်ပိုင်း သခင်တစ်စုပင်လျှင် မည်သူမျှ အလျင်စလို မပြေးဝံ့ချေ။

လူတိုင်းက လုရွှမ်ကို သူတော်စင်တစ်ပိုင်းကို သတ်နိုင်သူလို့ သူတော်စင်တစ်ပိုင်းနဲ့ တန်းတူပဲလို့ မှတ်ယူနေကြပြီ ဖြစ်သည်။