ပြန်လည်မွေးဖွားလာသောဧကရာဇ် (book 3)

Arc 3🗡168🗡ရှောင်းချင်ထျန်း မျက်နှာပျက်သွားပြီ

Chapter (168) Arc 3
ရှောင်းချင်ထျန်း မျက်နှာပျက်သွားပြီ

"ကောင်းပြီ.... ဒီမှာ ရတနာတွေ အားလုံးနီးပါး စုဆောင်းပြီးပြီ ဆိုတော့ အရင်ဆုံး ထွက်ကြရအောင်!"

ကျီးကန်းသည် အတောင်များကို ခတ်ကာ ဆက်မပြောတော့ပေ။ လုရွှမ်လည်း နောက်က လိုက်သွား၏။

မြို့သခင်၏ ရတနာစံအိမ်မှ ထွက်လာသည်နှင့် လူအများအပြား အပြေးအလွှား ဝင်ရောက်လာသည်ကို တွေ့လိုက်ရသည်။ ၎င်းမှာ ရှောင်းချင်ထျန်း နှင့် အခြားသူများ ဖြစ်သည်။

"အိုး.... ညီငယ်လုရွှမ်ကိုး ငါတို့ထက် စောပြီး ရောက်နေမယ်လို့ မမျှော်လင့်ထားဘူး"

လုရွှမ်ကို အနီးကပ် စိုက်ကြည့်ရင်း ရှောင်းချင်ထျန်းသည် တစ်ဖက်လူရဲ့ ခန္ဓာကိုယ်မှာ ရတနာတစ်ခုခု ရှိမရှိကို သိလိုသည့် ပုံစံပင်။

"ကျုပ်လည်း အခုမှရောက်တာ!"

လုရွှမ်က တစ်ဖက်လူ တွေးနေတာကို သိတာကြောင့် သူ့အမူအရာက ဘာမှမထူးခြားစွာဖြင့် ပြန်ဖြေလိုက်လေသည်။

"အခုမှရောက်တာလား? ဒါဆို ဒီရတနာစံအိမ်ထဲကို မဝင်ရ​​သေးဘူးလား?"

ရှောင်းချင်ထျန်းက အပြုံးမပျက် ပြောလိုက်၏။

မြို့သခင်၏ ရတနာစံအိမ်သည် ရှေးဟောင်းမြိုတစ်ခုလုံး၏ အရေးကြီးဆုံး နေရာဖြစ်သည်မှာ သေချာသည်။ ရှောင်းချင်ထျန်း နှင့် အခြားသူများ ရှေးဟောင်းမြို့ထဲသို့ ဝင်လိုက်သည်နှင့် ဤနေရာဆီသို့ တည့်တည့် ဦးတည်လာခဲ့ကြသည်။

ထိုအခိုက် လုရွှမ် ထွက်လာသည်ကို မြင်ရန် မမျှော်လင့်ထားခဲ့ကြပေ။ ရောက်သည်နှင့် တပြိုင်နက် ထုံးစံအတိုင်း သံသယများ ပြည့်နှက်လာကြသည်။

"ရတနာစံအိမ်ရဲ့ ပတ်ပတ်လည် အခင်းအကျင်း ဖွဲ့စည်းပုံက အားကောင်းလွန်းတယ်.... ကျုပ်မချိုးနိုင်ဘူး! ခေါင်းဆောင်ရှောင်း ဝင်ချင်ရင် ဒါကို သေသေချာချာ လေ့လာရမယ် ထင်တယ်... ကျုပ် တခြားနေရာတွေကို အရင်သွားကြည့်ဦးမယ်... ပစ္စည်းတွေ ရလိုရငြားပေါ့!"

လုရွှမ် သူ့လက်ကို ဝှေ့ယမ်းလိုက်သည်။

"နေဦး!"