ပြန်လည်မွေးဖွားလာသောဧကရာဇ် (book 3)

Arc 3🗡229🗡ထွက်ခွာရန်ပြင်ဆင်ခြင်း

Chapter (229) Arc 3
ထွက်ခွာရန်ပြင်ဆင်ခြင်း

၃ရက် ကြာပြီးနောက် လုရွှမ် တံခါးပိတ် သန့်စင်နေရာမှ ထွက်လာခဲ့သည်။

အခန်းရှေ့တွင် လဲလျောင်းနေသော တောင်​ဖောက်နဂါးကို တစ်ချက် ငုံ့ကြည့်လိုကိသည်။ သစ္စာရှိရှိ စောင့်ကြပ် ကြည့်ရှုပေးလို့ လုရွှမ်လည်း အနီရောင်တောက်တောက် အနီရောင် ဆေးတစ်လုံးကို ထုတ်ယူလိုက်သည်။

သားရဲ ယွမ်ဆေးပင်။ သေမျိုးအသွင်ပြောင်းခြင်း နယ်ပယ် အဆင့်၉ ရှိကာ ၎င်းတွင်ရှိသော အဓိက ဆေးအာနိသင်မှာ ဝိညာဉ်သားရဲများ၏ အောင်မြင်မှုအတွက် အသင့်တော်ဆုံး ဖြစ်သည့် စွမ်းအင်ပင်။ ပေရွှီး တော်ဝင်မိသားစု၏ ရတနာအခန်းမှ စုဆောင်းရထားသော ဝိညာဉ်သားရဲ အနှစ်သာရသွေးဖြင့် သန့်စင်ထားခြင်း ဖြစ်သည်။

"ပါးစပ်ကိုဖွင့်လိုက်!"

သားရဲယွမ်ဆေးလုံးသည် အနီရောင်တောက်တောက် ဖြစ်ပြီး လူ့နှာခေါင်းကို သွေးထွက်စေတဲ့ အထိ ပြင်းထန်သော အနံ့ရှိသော်လည်း ၎င်းသည် သားရဲ၏ နှာခေါင်းထဲတွင် အလွန်မွှေးကြိုင်ပြီး စွဲမက်ဖွယ်ကောင်းလှသည်။

ဆေးလုံးကို ထုတ်ယူလိုက်သည်နှင့် တပြိုင်နက် တောင်ဖောက်နဂါးသည် ချက်ချင်းထ၍ ၎င်း၏အမြီးသည် တစ်ဖက်မှ တစ်ဖက်သို့ ပျော်ရွှင်စွာ ဝေ့ယမ်းနေ၏။ ခွေးလေးတစ်ကောင်က သူ့သခင်ကို စိတ်ကျေနပ်​စေဖို့ စိတ်အားထက်သန်နေသလိုပင်။

ဆေးလုံးကို တောင်ဖောက်နဂါးရဲ့ ပါးစပ်ထဲကို အတိအကျ ပစ်ထည့်​ပေးလိုက်သည်။

ကြိမ်ဖန်များစွာ ပြင်းပြင်းထန်ထန် ဝါးစားပြီး မျိုချလိုက်ပြီး မကြာမီပင် မရေမတွက်နိုင်သော အနီရောင် အခိုးအငွေ့များသည် တောင်ဖောက်နဂါးကြီးဆီမှ တဖြည်းဖြည်းနှင့် ထွက်ပေါ်လာခဲ့သည်။

အနီရောင် အခိုးအငွေ့များသည် အမြင်အာရုံကို ပိတ်ဆို့ရုံသာမက လုရွှမ်၏ ဝိညာဉ်စွမ်းအားဖြင့် သိရှိနိုင်မှုကိုလည်း ပိတ်ဆို့သွားသည်။

နီရဲသော မြူခိုးများကြားတွင် ရံဖန်ရံခါ နိမ့်ကျသော ခပ်မှိုင်းမှိုင်း ဟောက်သံများကို တောင်ဖောက်နဂါးကြီးထံက ကြားနေရ​လေသည်။