ပြန်လည်မွေးဖွားလာသောဧကရာဇ် (book 3)

Arc 4🗡45🗡ချိုင့်ဝှမ်းထဲကတိုက်ပွဲ

Chapter (45) Arc 4
ချိုင့်ဝှမ်းထဲကတိုက်ပွဲ

ရှေ့တစ်လမ်းလုံး ငါးမိနစ်ထက် မနည်း လမ်းလျှောက်ပြီးနောက် မော့ကောင်းရွှမ်း အနီးတစ်ဝိုက်တွင် တိုက်ခိုက်နေသော လူတစ်စုကို ရှင်းရှင်းလင်းလင်း တွေ့လာရသည်။ သေမျိုးအသွင်ပြောင်းခြင်းနယ်ပယ် အဆင့်၈ ကျွန်စစ်သား ဒါဇင်ပေါင်း များစွာသည် တင်းကျပ်စွာ ဖွဲ့စည်းထားပြီး တိုက်ခိုက်ရေး အင်အားကို အာရုံစိုက်ကာ မော့ကောင်းရွှမ်းနဲ့ အညီအမျှ တိုက်ခိုက်နေကြသည်။

မြေပြင်ပေါ်တွင် ဒါဇင်ပေါင်းများစွာသော ကျွန်စစ်သားများ ရှုပ်ပွနေကာ အားလုံးနီးပါး ဒဏ်ရာပြင်းထန်စွာ ရထားကြသည်။

နောက်ထပ် သေမျိုးအသွင်ပြောင်းခြင်း နယ်ပယ်က ကျွန်စစ်သားတစ်စု ရောက်ရှိလာသည်ကို မြင်လိုက်ရသဖြင့် မော့ကောင်းရွှမ်း၏ မျက်လုံးများသည် ရက်စက် ကြမ်းကြုတ်သော အကြည့်များဖြင့် ရုတ်တရက် ကြီးကျယ်ခမ်းနားသော အင်အားကြီး တစ်ခုကို ထုတ်လွှတ်၍ အင်အားစုအဖြစ် ဖွဲ့စည်းထားသော ကျွန်စစ်သားတစ်စုကို တိုက်ခိုက် သတ်ဖြတ်​တော့သည်။

ဗုန်း!

ကျယ်လောင်သော အသံတစ်ခုထွက် ပေါ်လာပြီး လုရွှမ် မျက်လုံးရှေ့က ကျွန်စစ်သား နှစ်ယောက်သည် ယိမ်းနွဲ့ လဲကျသွားကာ ပါးစပ်မှ သွေးများကို အန်ထုတ်လိုက်ကြသည်။

ချက်ချင်းပင် တစ်စုံတစ်ယောက်သည် သူတို့ဘက်သို့ လှမ်းအော်လေ၏။

"ဟိုမှာ လူနည်းနေပြီ မြန်မြန် သွားကူလိုက်!"

ထိုစကားကို ကြားတော့ လုရွှမ်၏နောက်မှ ကျွန်စစ်သားများသည် အရှိန်အဟုန်ဖြင့် အရှိန်မြှင့်လိုက်ကြသည်။ လုရွှမ်သည်လည်း ၎င်းတို့နောက်မှ လိုက်သွားကာ ကျွန်စစ်သားများ မော့ကောင်းရွှမ်းအား တိုက်ခိုက်နေသော ကျွန်စစ်သား အုပ်စုဆီသို့ လျင်မြန်စွာ လျှောက်သွားလေသည်။

လမ်းလျှောက်ရင်း လုရွှမ်မှာ တစ်ခုခု မှားနေပြီဟု ခံစားလိုက်ရသည်။ မော့ကောင်းရွှမ်း၏ မျက်နှာသည် အစောက ရိုက်ချက်ကို ထိုးနှက်ပြီးနောက် အနည်းငယ် ဖျော့တော့သွားကာ မတ်တပ်ရပ်ရင်းပင် အသက်ပြင်းပြင်း ရှူလိုက်​နေရသည်။