រឿង ពន្លត់ចិត្តស្អប់ (GL Story)

Part 22

ភាគទី 22

<< ត >>

ទឹង!ទឹង

កំពុងតែអង្គុយម៉ួម៉ៅក្តៅក្រហាយសុខៗសំឡេងទូរស័ព្ទលើតុក៏បន្លឺនាំដំណើររាងខ្ពស់ទៅទទួលទាំងការងឿងឆ្ងល់ ។

"អាឡូ!អូនភីតឈី!!"បន្ទាប់ពីទទួលការលើករួចរាល់អ្នកនៅប្រព័ន្ធម្ខាងទៀតក៏និយាយ ។

"ប្រហើន!!"គ្រាន់តែបានលឺសំឡេងនឹងសូរស័ព្ទនៃការហៅប៊ែលឡាក៏ដឹងដល់ម្ចាស់សំឡេងបាត់ទៅហើយទើបធ្វេីឲ្យភ្លើងក្នុងខ្លួនកាន់តែឆួលឆេះលើសដើម ។

"ប៊ែលឡាមែនទេ?"

"ត្រូវហើយជាខ្ញុំប៊ែលឡាហើយវាយ៉ាងម៉េច!!"ប៊ែលឡា

"ភីតឈីនៅទីណា យើងចង់ជួបនាង"អ៊ីងហ្វាហាក់មិនបានខ្វល់ខ្វាយពីសម្តីរបស់ប៊ែលឡាបន្តិចសោះតែបែបជាទទូចចង់ជួបភីតឈីទៅវិញ ។

"ជួប??ហាហាស!!មិនស្រួលដល់ម្លឹងទេបងស្រីសំណប់ចិត្ត!!"ប៊ែលឡានិយាយបណ្តើរសើចបណ្តើរបំណងកំពុងតែបញ្ឈឺចិត្តរបស់អ្នកខាងនោះឲ្យឆេះឆួលព្រមនឹងសម្តីផ្អែមល្ហែមតែសង្កត់ខ្លាំងៗបង្កប់ដោយអត្ថន័យ។

"ខ្ញុំនិយាយម្តងទៀត ឈប់មករញ៉េរញ៉ៃជាមួយមនុស្សរបស់ខ្ញុំ!ពុំនោះទេជីវិតរបស់បងខ្ញុំក៏មិនហ៊ានធានាដូចគ្នា"ប្រព័ន្ធទូរស័ព្ទត្រូវបានកាត់ផ្តាច់បន្ទាប់ពីពាក្យសម្តីគំរាមគំហែងរបស់ប៊ែលឡាបញ្ឈប់ទៅ ។

នៅសាលទទួលទានអាហារខណៈពេលនេះម្ចាស់ភូមិគ្រឹះកំពុងតែអង្គុយរង់ចាំការទទួលបម្រើម្ហូបអាហារពីសំណាក់អ្នកបម្រើឬអ្នករៀបចំផ្នែកនេះ ។

អុីសាប៊ែលឡាអង្គុយរង់ចាំគេលើអាហារដាក់លើតុទាំងស្ងៀមស្ងាត់តែផ្ទុកទៅដោយកំហឹងខណៈភ្នែកកំណាចទាំងគូរសម្លឹងសម្លក់រាងស្តើង(ភីតឈី)ដែរកំពុងមមាញឹករៀបចំអាហារនោះឥតព្រិចទាល់តែសោះ រហូតដល់អាហារពេលល្ងាចត្រូវបញ្ឈប់ទៅប៊ែលឡាក៏និយាយប្រាប់ទៅកាន់នាង។

"ឆាប់ឡើងទៅជួបយើងនៅបន្ទប់ធ្វេីការ!!"ប៊ែលឡានិយាយប្រាប់ដោយសម្តីរៀបស្មើរដូចផ្លូវថ្នល់រួចក៏ក្រោកពីតុអាហារចាកចេញទៅបន្ទប់ធ្វេីការរង់ចាំនាងតាមទៅពីក្រោយ ។