حُبٌ في عالمٍ آخر

٢٦:الجزء الثالث والأخير:الأخير

السلام عليكم ورحمة الله وبركاته

ما كُنا للدنيا وما كانت الدنيا لنا ..فتأدبوا وارجعوا الي الله

♡♡♡♡♡♡♡♡♡♡♡♡
انتفضت بفزع وهي تتصبب عرقا وتلهث بأنفاس سريعه وثقيله كأنها خاضت إحدي المعارك أثناء نومها ليُفزع ذلك النائم بجوارها وك ردة فعل طبيعيه أخذها بين ذراعيه يحتضنها بحنان ولهفه وهو يهتف بقلق:"بس اهدي مفيش حاجه ده كابوس،مالك يا سيري؟!"

خرجت من أحضانه وهي تردد بفزع ولهفه:"لايد بالله احنا لازم نرجع دلوقتي فورا،المملكه في خطر مينفعش نفضل لحظه واحده هنا"

وضع احدي يديه علي وجنتيها وهو يمسح علي خصلاتها باليد الأخري بحنان ويردد باستغراب:"نرجع ايه بس دلوقتي!!انتِ مش شايفه الساعه كام وبعدين مفيش حاجه حصلت تستدعي اننا نرجع عشانها!!"

"لا،لا واللهِ انا شوفت حلم لا ده كابوس!!سيا واخده جيشها ورايحه المملكه وماما تيسير ...ماما تيسير شوفتها لوحدها هناك؛فضلا يا لايد إحنا لازم نرجع دلوقتي وبعدين التوقيت هناك بيبقي عكس التوقيت هنا"

ليلثم جبهتها بحنان وهو يردد :"خلاص هنرجع دلوقتي حالا،بس اهدي قومي نصحي الشباب والبنات عشان نروح "

نظرت له بامتنان ثم نهضت بسرعه وهي تسرع في خطواتها خارجه من الغرفه

ضم حاجبيه بقلق وتوجس وهو يردد:"الحرب بدأت!!يارب تعدي علي خير مش هستحمل اخسرها أو اضطر اخسر حد بحبه"
♡♡♡♡♡♡♡♡♡♡
كانوا ينعمون جميعا بنوم عميق غير عابئين بأحد كل منهم ينام بين يدي معشوقته ليقطع عليهم تلك الراحه صوت طرقات سيري علي غرفة كل منهم وهي تصيح بهم أن يستيقظوا لِ تتململ في نومها بقلق وضجر وهي تردف:"مالها البت سيري؟؟هي اتعبطت ولا ايه!!هو ده وقت تخبط فيه علي الولاد"

تحدث بيأس وكانت علامات النوم تظهر بوضوح علي وجهه :"اتهدي يا صفيه يا حبيبتي لما اقوم اشوف في ايه؟!هي عيله فقر من يومها وبدل ما ييجي حد عاقل يعقلنا كلنا جه أهبل مم أفراد العيله "

نظرت له بحنق وهي تردد:"بقولك ايه،رجلي علي رجلك هنطلع سوا نشوف في ايه بدل فيران المجاري ما تفضل تلعب في عقلي "

ليرفع أطراف إحدي جوانب شفتيه بتهكم وهو يردد:"علي اساس اني لما قولت اتهدي كنتي هتتهدي يعني!؟متبقيش صفيه يا روحي "

نظرت له بتكبر مصطنع ثم تجاهلته وهي تنهض ترتدي الاسدال وعليه خمارها وتخرج من الغرفه ليردد هو بيأس:"كانت ناقصه هبل؛عشان صفيه تطلع تكمل "

"سمعتك علفكره بس مش فاضيه ارد عليك دلوقتي"

كانت كلمات مُقتضبه عاليه صرخت بها صفيه من خارج الغرفه ليضحك بينما يهز رأسه بيأس

♡♡♡♡♡♡♡♡♡♡♡
"ايه ..في ايه؟!في حد يصحي حد كده يا سيري؟؟"

نطقت إلينا بتلك الكلمات المُقتضبه وهي تطالع سيرينا بنظرات حانقه لتسارع سيرينا بالرد وهي تردد:"مش وقته نوم،حصلت مصيبه!!لا مش مصيبه دي كارثه"