حُبٌ في عالمٍ آخر

الواحد والعشرون

السلام عليكم ورحمة الله وبركاته

اجلس مع نفسك دائما إجعل تلك الجمله علي لسانك ب كل وقت

بأي وجهٍ نلاقي الله

بأي وجه نلاقي الله

♡♡♡♡♡♡♡♡♡♡♡
"والدة مين لمؤاخذه؟؟!"

"عارفين انها صدمه كبيره ليكم يا ضياء بس فعلا اللي كانت تحت حمايتنا دي تبقي والدتك انت ونيره ونرمين"

"لا واللهِ وايه اللي هيجيب والدتنا هنا ...؟؟!"

ليرد سيدلر بتوتر:
"والدتكم لما كنا في مصر كنا تحت وصيتها يعني كانت بتاخد بالها مننا لان ..."

لتقول نرمين بتوجس:
"لان ايه ؟؟؟!"

لترد تلك المره سيرينا :
"لان والدتكم تبقي أخت ملك عالم الجنيات السابق يعني والدتك مش بشريه أصلا يا نرمين"

لتقول نيره بصدمه :
"لا اكيد انتم بتهزروا يعني كل ده وكل الرحله دي كلها مُدبره أصلا!!!"

ليقول لايد بارتباك :
"احنا هنشرح ليكم كل حاجه الحكايه بدأت لما والدتك كانت لسه عايشه معانا في العالم ده يعني كانت الأميره الصغيره ل عالم الجنيات كانت البنت الوحيده وسط خمس رجال وحصل حروب كتير اضطر وقتها والدي ووالد سيرينا وسيدلر ووالد إلينا انهم ينقلوا والدتك ل عالم البشر واختاروا مصر بالتحديد وبالفعل تم نقل والدتك ب نجاح استمرت الحروب عشر سنين في العشر سنين دول والدتك اضطرت انها تتعامل مع البشر وتروح الكليه وتتعلم وتبقي جنسيتها مصريه واختارت اسم بديل لاسمها لان اسمها كان توفانا واللي كان معناه اول قطرات من قطرات المطر ..."

اكملت سيرينا بهدوء :
"اختارت اسم زهره واتعاملت عادي جدا وقابلت والدك وقتها هي حبيته ودخلت الإسلام بسببه وبعدها ب فتره بعد انتهاء الحروب وصلنا خبر ان عمتو توفانا تم زواجها من بشري اسمه محمود سليم ووقتها جدو اتعصب هو وبابا والباقي وأمروا ب إحضارها وتم إحضارها كانت عمتو وقتها حكت ل والدك الحكايه كلها وايه هي حقيقتها وهو تقبل الحقيقه دي ...وكمان وقت ما رجعت مكنش حد موافق انها ترجع للعالم البشري تاني وكانت هتفضل طول عمرها هنا في عالم الجنيات لكن هي أصرت وعاندت ومع الوقت وافق الكل انها ترجع عالم البشر تاني بس مع عهد ان اول احفاد ل عيلة سليم الدمنهوري جميعهم هينتقلوا ل عالم الجنيات يشاركوا في الحرب اللي هتكون علي وقتهم وبالفعل عمتو عقدت الاتفاق ده ورجعت ل عمو محمود وبالفعل مع اول احفاد ل عيلة الدمنهوري واللي كانوا بنات كلهم ما عدا شخص واخد واللي كان شاب كده بدأت أول خطوه في تحقيق الاتفاق وقتها عمتو خافت عليكم ولما رجعت هنا عشان تكلمهم انهم مينفذوش الاتفاق ده ملحقتش توصل عشان والدة سيد أو والدتي انا وسيد ومعاها أحد زميلتها طلعوا متعاونين مع عالم الاشرار وأخذوا عمتو توفانا وعطوها ترياق يخليها نايمه ل فتره طويله وعملو تمثيليه انها توفت واكيد مش صعب عليهم انهم يبعتوا جثمان شبه جثمان عمتو بالظبط ل والدك والعيله مع العلم ان العيله كلها عارفه ان والدتك من عالم الجنيات ووقفوا جمبها ودعموها ولما حبينا نجيبكم هنا كنا هنجيبكم سواء بالآله اللي نقلتكم أو من غيرها كنتوا هتيجوا بس مجئ الشباب معاكم كان صدفه بس مننكرش انه ساعدنا جدا ...."