السلام عليكم ورحمة الله وبركاته
دع انتشار النور حولك يغيب ساعاته التي يغيبها ثم أخرج الي سطح منزلك تأمل إبداع الخالق سماء ونجوم وقمر وهواء رطب وسحاب أشكاله مبهجه هل يستطيع بشر خلق هذا والعياذ بالله لذا قُل دائما سبحان الله رضيت بالله ربا وبالإسلام دينا وبمحمد صلي الله عليه وسلم نبيا ورسولا
أحداث انتهت واحداث هتبدأ حرب قربت والغاز هتتكشف اللي في غيبوبه هيقوم والشرير نهايته غير متوقعه أحداث الفصول الجايه حماس ف احنا علي وشك الإقلاع
♡♡♡♡♡♡♡♡♡♡
جري ضياء علي أخته ليحملها منهم ثم يضع رأسها برفق علي إحدي الصخور
"فين مضاد السم يا ضياء لازم تاخده بسرعه حالتها بتسوء"
"مع حمزه يا نرمين هاتيه بسرعه"
أسرعت تأخذه منه ثم أعطته ل ضياء ما كاد أن يضعه في فم أخته لتقاطعه سيرينا:
"هات يا ضياء مش هتعرف تديهولها لازم تاخده بحذر"
اعطاها ضياء المضاد ومازال يضع يده تحت رأس أخته حتي لا تتأذي من خشونة الصخره
"هي مش بتفوق ليه مش المفروض اول ما تاخده تفوق"
"لا هتفضل طول اليوم النهارده نايمه بكره هتكون أحسن "
هذا ما نطقت به إلينا ترد علي سؤال أسماء المتلهف
حمزه ببرود وعيناه متعلقه ب نيره
"احنا لازم نمشي من هنا أظن وجودنا هنا خطر"
لايد:
"حمزه معاه حق احنا لازم نمشي"
حمل ضياء نيره لتسير بجانبه نور وهي تتفحصها لتري جرح يد ضياء الناتج عن وضع يده علي الصخره ل تقول بفزع
"ايدك يا ضياء"
"دي حاجه بسيطه يا نور بعدين هبقي اداويها"
"طب استني اشوفها يمكن ميكونش جرح سطحي"
ليرد عليها بحده شديده:
"ما قولنا خلاص يا نور هو لازم اعيد كلامي مرتين يعني"
أومأت له نور لتذهب وتسير بجوار نرمين بدموع
نرمين بابتسامه :
"خلاص يا بت اله ما انتِ عارفه ابو الهول ده لما بيبقي متعصب مش بيشوف قدامه"
"بس انا كنت خايفه عليه يا نرمين "
"بعيدا عن انك غلطانه عشان المفروض لما يقولك بعدين يبقي بعدين بس لازم تعلميه الأدب عشان يبطل عصبيته دي"
"اله في ايه يا اسماء انتِ بتدعميني ولا ايه بالظبط"
"انا لا معاكِ ولا معاه يختي بس بقولك كده لمصلحتك مش كل مره يزعلك فيها مجرد ما يقولك كلمه واحده تروحي مدلوقه وتسامحيه علطول"
لترد عليها بعد تفكير:
"اعمل ايه من رايك"
"ما تسكتي يا اسماء وخليكي محضر خير"
أنت تقرأ
حُبٌ في عالمٍ آخر
Gizem / Gerilimمن أماكن مختلفه ولكن ستجمعهم رحله خياليه!! الشخص لا يختار من سيكمل معه حياته ويصبح نصفه الآخر .. لكن القلب هو من يحدد نصفه الآخر من بين الآلاف!♡ أرحب بكم في روايتي حيث تجمع بين الخيال والحب الاخوه ستجدون كل ما تحبون ..دُمتم سالمين بقلم :أمة الله منه...
