حُبٌ في عالمٍ آخر

الثالث والعشرون

السلام عليكم ورحمة الله وبركاته

الحجاب فريضه
فريضه وكفي.....

♡♡♡♡♡♡♡♡
"بس نسيتوني...."

لترد سيرينا بصدمه كبيره:
"ماما تيسير!!؟؟؟.."

"ايوه يختي ماما تيسير اللي حطينها عند اللي ما تتسمي صاحبة سيا عشان اراقبها والبت يا عيني طلعت مغفله زينا ومتعرفش ب المصايب اللي صاحبتها بتعملها..."

لتقول نيره بلوية فم:
"وهل يا ترا لسه فيه شخصيات جديده هتظهر ولا دي *وهي تشير الي تيسير*آخر شخصيه ب الصلاه علي النبي "

نرمين بولوله مضحكه:
"يا بختك المايل يا نرمين يعني يوم ما تخوضي رحله خياليه تروحي مكان كل اللي فيه ملبوسين!!!"

لتقول إلينا بتذمر:
"ملبوسين ايه يا نرمين اله ما احنا كويسين اهو؟؟؟.."

لترد عليها أسماء ببلاهه وهي تشير حيث تيسير:
"اومال مين دي ...؟؟؟!"

"دي ماما تيسير الداده اللي اتولت تربيتنا كلنا "

ليرد عليه أحمد بسخريه هامسه:
"تربيه زفت.."

لترد تيسير بغضب:
"سمعتك علفكره يا حيوااان"

أحمد وهو يبتلع ريقه بتوتر :
"هههه انا كنت بقول كل خير ¡¡"

لتقول نور بغباء:
"ممكن حد لو سمحتوا يفهمنا مين دي عشان اتلغبطنا؟!!.."

ليرد لايد:
"دي ماما تيسير الداده بتاعتنا اتولت تربيتنا بعد موت الملوك كلهم وحبت تساعدنا اننا نحمي المملكه  وراحت تراقب صاحبة سيا المقربه عشان تعرف اذا كانت تعرف حاجه عنها ولا لا.."

لتقول فيروز باستغراب:
"هي سيا كان عندها صديقه مقربه!!؟؟.."

سيدلر بجديه:
"ده المفروض لكن معرفناش بيه انا ولايد غير من فتره صغيره وطلبنا من ماما تيسير أو هي اللي عرضت علينا انها تساعدنا في الموضوع ده يمكن تكون عارفه حاجه عن سيا بس الظاهر انها جات بدون معلومات .."

لتقول سيرينا برفعة حاجب:
"يعني حضراتكم سيبينا انا وإلينا ندور عليها بقالنا شهر ونص في السر عشان في الآخر الست تطلع بتراقب الست التانيه!!!..."

لترد عليها تيسير وهي تلوك الطعام بفمها:
"اكسكيوزمي مسمحش ليكِ انك تغلطي فيا مش معني اني سكتالك عشان جوعانه يبقي تغلطي تؤ تؤ ده بمزاجي علفكره.."

لينظر لها الجميع بغباء لتقول هي بتجاهل نظراتهم تلك:
"عموما مين قال اني رجعت وايدي فاضيه انا راجعه ليكم بخبر لوز اللوز"

لينظر لها الجميع باهتمام لتقول هي بلامبالاه:
"بصوا الاكل خلص وانا جعانه هاتولي اكل وانا هكمل كلام "

لتهتف بها لمياء بحنق شديد:
"اي البخل ده هما كانوا مجوعينك للدرجه دي !!؟؟.."

لتدلف في تلك اللحظه فتاه بأجنحه جميله وهي تقول بتهكم واضح:
"مين دي لمؤاخذه اللي كنا مجوعينها!!؟؟؟..دي كنا بنقوم من النوم نلاقيها واكله نص الاكل ..."