حُبٌ في عالمٍ آخر

٣(اتفاق)

السلام عليكم ورحمة الله وبركاته

جاهزون يا أبطال!!..

صلوا علي نبي الرحمه

♡♡♡♡♡♡♡♡♡♡
عند أبطالنا في الزنزانة

لمياء بغناء:"جاهزون يا أبطال ..!"

البنات:"هاي هاي كابتن ."

لمياء:"لا اسمعكم !!"

البنات بصوت اعلي أفزع لؤي الذي كان نائم:-"هاي هاي كابتن"

لؤي بغيظ:"اي ي ماما انتِ وهي ؟!هو مفيش حد يقدر ينام في أم الزنزانة دي!، من كتر الفراغ قاعدين تغنوا "

نرمين باستفزاز:"حد كلمك يا أخ؟! وبعدين ما كلهم قاعدين من ساعتها وسامعين هو مفيش غيرك اللي اتكلم ليه؟!"

كريم وهو يمسح وجهه:"لا ده وقته ولا مكانه ابدا انكم تتخانقوا خالص، اهي خناقتكم دي اللي خلتنا نيجي هنا"

نيره بردح:"نعم نعم ياخويا! مين اللي بدأ العركه هاا مش الأخ ده؟" وهي تشير لأحمد :"هو اللي بدأ الخناقه مع البت فيروز! وييجي الأخ ده" وهي تشير ل معتز :"يتعارك مع البت اسماء الغلبانه ؟!والأخ ده" وهي تشير ل حمزه :"اللي عامل نفسه فريزر وواخد نفخه كدابه في نفسه !"

لينظر لها حمزه برفع حاجب ثم يقول ببرود:"لو احنا في مكان غير المكان ده كنت هعرفك النفخه الكدابه دي يا فرقع لوز انتِ"

كادت ان ترد عليه لولا دخول ملكة عالم الجنيات وبجوارها حارستها الشخصيه

احمد:"صلاة النبي أحسن..!"

♡♡♡♡♡♡♡♡♡♡♡
في مقر الشرطه..!

كرم بغباء:"لا وكمان تعرفوا بعض اي الحلاوه دي؟!"

لينظر له أيهم بسخط ثم يقول بهمس ل محمود والذي لم يكن بجواره غيره:"هو مين الأخ ده!؟" وهو يشير ل كرم

محمود :"ده بعيد عنك الأخ كرم او سيادة النقيب كرم!"

أيهم وهو يحدث كرم:"بص يبني! انا عايز مصلحتك، اه واللهِ هو انت دخلوك الشرطه رئفه؟!"

كرم:"أفندم!؟"

أيهم:"ولا تاخد في بالك؛ اسمع وانت ساكت"

سليم بحنان:"عاش من شافك يا نعيم!"

نعيم:"كنت فين يا راجل ده انا من يوم ما نقلت وانا بحاول اوصل ل مكانك مش عارف!؟"

سليم:"ظروف الحياه واللهِ يا نعيم، ظروف الحياه"

كرم:"اعتذر للمقاطعه مقدر انكم ليكم فتره مش شوفتوا بعض ،وغريزة الشوق طلعت مره واحده؛بس علفكره المفروض انتم جايين تعملوا محضر!"

سليم بتذكر:"أيوه صح، انا كنت جاي اعمل محضر في اختفاء حفيداتي"

نعيم:"وانا جاي اعمل محضر في اختفاء احفادي"