حُبٌ في عالمٍ آخر

٢٦ :الجزء الاول:

السلام عليكم ورحمة الله وبركاته

عُدت ولكن بقلب مُحطم ..قد يقول البعض منكم أني تناسيت ما يحدث بغزه لكن واللهِ إني لم ولن أنسي ما فعلوه فقط أريد إنهاء الروايه في وقتها المحدد لأكون قد أنهيت ثاني أعمالي الكتابيه أترككم مع الفصل لكن قبل القراءه لا تنسوا أخواتنا في غزه من الدعوات..!♡
♡♡♡♡♡♡♡♡♡
كانت تقف في المطبخ تعد الطعام وتتجول هنا وهناك بين الخدم تساعدهم وتُملي عليهم ما يجب فعله لتردف إحدي السيدات بابتسامه بشوشه:"اطلعي يا صفيه يا بنتي ارتاحي مينفعش كده احنا هنحضر كل حاجه"

"لا يا أم سلوي واللهِ ما يحصل لازم اقفل زيي زيكم نعمل الاكل طالما الجماعه في مشوار "

لتنظر لها أم سلوي بنظرات احترام فتلك السيده الحنونه التي لم تتعرف عليها سوا من بضع اسابيع وكانت رمزا للطيبه والتواضع ..

"تمام يا بنتي براحتك بس لو احتاجتي ترتاحي روحي واحنا نكمل "

ما كادت أن ترد عليها حتي جاءت روجينا من خلفهم وهي تردد:
"ممكن نتكلم شويه يا صفيه؟؟!"

"خير يا دُرتي ...نفسك نتعارك ولا ايه؟؟!"

لتنظر لها روجينا بعدما كانت تنكس رأسها لأسفل ليظهر احمرار عيناها ومحاولتها لكتم الدموع لتحتل الصدمه وجه صفيه لتردف :
-"تمام تعالي نتكلم بره في الجنينه براحتنا مفيش حد في البيت غيري"

لتبتسم لها روجينا وهي تسير أمامها

في الحديقه..

"ها كنتي عايزه ايه ؟! لو عايزه جر شكل انا مش مستعده في أكل كتير عايز يتحضر .."

"لا يا صفيه مش هجر شكلك المره دي انا بجد محتجاكِ في موضوع مهم"

"غريبه!! بس عموما ايه هو الموضوع المهم اللي خليتي صفيه تسيب المطبخ عشانه؟!"

قالت صفيه آخر كلماتها ببعض المرح لترد عليها الأخري وهي تردف :"عز..الموضوع هو عز "

صمتت لتكمل عندما نظرة لها صفيه تحثها علي الاكمال:"يمكن الموضوع يبقي غريب وممكن تستغربيني انا ذات نفسي شخصيا بس أنا يا صفيه مش بحب عز ..."

لتنظر لها صفيه بصدمه وهي تهتف :"لما مش بتحبي عز اتجوزتيه ليه ؟؟!...عايزه تدمري حياته وخلاص "

"الموضوع مش كده خالص..انا حتي عز مكنش في دماغي ومكنتش عايزه اتجوزه ...انا بحب واحد تاني واتجوزت عز بالاجبار بس هو مفكر انه اتجوزني بسبب الموضوع اللي انا فبركته"

لتمسك صفيه بيدها وتتجه بها نحو المقعد الذي يتوسط الحديقه الخلفيه حيث لا يوجد من يراهم أو يسمعهم كي تتحدث كما تريد واجلستها وجلست بجانبها وهي تردد:"الموضوع شكله طويل وعايز شرح ...واديني يا ستي سمعاكِ "

لتبتسم لها روجينا بامتنان وهي تردف :"اول لقاء بيني انا وعز كان لقاء عادي جدا في شركة بابا لان كنا احنا الشركه اللي عز هيتعاقد معاها وكأي عميل عندنا كنت بمد ايدي عشان اسلم علي عز لكن هو قالي انه مش بيسلم وقتها احترمته جدا لكن محبتهوش الاجتماع خلص زيه زي اي اجتماع روحت اقابل خطيبي اللي المفروض كنا نبقي متزوجين دلوقتي "