حُبٌ في عالمٍ آخر

الثاني والعشرون

السلام عليكم ورحمة الله وبركاته

لا تيأس من التوبه
توب مره والتانيه والتالته
لا تيأس من الرجوع الي الله
ارجع مره والتانيه والتالته والمره المليون اهم حاجه متبعدش عن ربنا
♡♡♡♡♡♡♡♡♡♡
كان الجميع يجلس في غرفة الصالون فقط النظرات هي الشئ الوحيد التي كانت بينهم..تحدي خوف توتر غضب هدوء بلاهه ...

فلاش باك
أخذت تتراجع الي الخلف وهي تتحدث بتلعثم:
"مش هتقدري تيجي ناحيتي ولا هتقدري تعملي حاجه"

"هو ايوه انا مش هعمل حاجه انا هعمل حاجات ...عايزه تاخدي مني جوزي يا مسهتنه انتِ ده انتِ شبه عود القش يا مسهتنه يا مسهتنه.."

لتتراجع للخلف بشده وهي تشهق بصدمه:
"مين دي يا عنيا المسهتنه علي الاقل عود فرنساوي و..."

لتصمت بسبب اصطدامها ب سفره ذات عجلات من الحديد يستخدمونها لنقل الطعام لتتحرك تلك العجله بسرعه شديده في احد الاتجاهات ليصمت الجميع فجأه وهم يراقبوها كيف تتحرك وإذا بها تصطدم بما يسمونه"نيش"لتقوم بإيقاع آخر رفان به

نورسين*والدة حمزه*بصراخ:
"نيشييييييييييي.....آآآه يا نيشي عملتي ايه يا سلعوه كسرتي نيشي واستريحتي ده مفيش حد هيحوشني عنك النهارده"

لتندفع ناحيتها فجأه لتصرخ جيرينا عند شعورها ب عصا المكنسة تهبط علي أسفل ظهرها من الخلف :
"عاااااااااااا يا متوحشه انتِ ابعدي عني انا هقول ل عزوز عليكِ انتِ مستحيل تكوني بني آدمه"

"انا هوريكِ اللي مش بني آدمه دي هتعمل ايه ده انا هطلع عينك ده انتِ يومك ابيض يووووومك ابيض"

لتقول كريمه بتوجس وهي تلوك قطعة الجبن بفمها:
"فكركوا نروح نحوش عنها ولا هي تستاهل ..؟؟!"

ميرفت وهي تغمس خبز بالجبن وتتحدث بتهكم:
"لا سيبيها حلال فيها اللي بيحصل ده بيني وبينك انا فرحانه فيها بطريقه لا يتخيلها أحد"

لتقول أماني *والدة معتز*بغمزه:
"طب واللهِ نورسين هتقوم بواجب صفيه وأكتر كمان"

لتقوم صفيه بأخذ طبق فاكهه من الثلاجه المجاوره وهي تتحدث بمرح:
"صراحه كنت تعبانه وناعيه هم هضربها ازاي واهي نورسين ريحتني هدعي ليها من هنا ل السنه اللي جايه ازحزحي كده شويه يا كريمه ايوه كده الله ينور عليكِ...وبعدين هي تستاهل اصلا.."

ليتعالي صراخ جيرينا تحت يد نورسين التي قامت بأخذ مياه بارده جدا من الفريزر لتقوم بسكبها عليها وهي تقول بتشفي:
"مش خساره فيكِ هو دور سخنيه وبرد هيخسفوا بيكِ الأرض ولما تصعبي عليا هديكِ علاج تبقي تصحي...انتِ عارفه يا مقشفه انتِ النيش ده مش مهم عندي بس انا مغلوله منك اصلا عشان كده بضربك بحجة النيش وكويس انها جات من عندك..."

"عااااااااا انا هعمل فيكِ بلاغ انتِ لازم تتسجني ابعدي عني يا بتاعه انتِ"

لتشهق نورسين بصدمه مصطنعه وهي تنظر الي النساء وتقول :
"انا بتاعه ..؟؟!"