إختيارى

البارت الخامس والعشرون

البارت اخيراً 

التأخير مش بسببى

 بسبب الكهرباء اللى بتقطع علشان محدش يزعل

...............................

لم يتحدث أحد وقد كان الصمت هو السائد بينهم ، ريان يقف عند الشرفة يتابع حديث جاسر وياسين وقد عزم على التدخل بحال تأزمت الأمور لينظر لجاسر الذى قال بغضب وهو يرى صمت ياسين : أيه هتسكت تانى زى مابتسكت تملى .

لم يجيب ياسين مما أغضب جاسر وهو يقول :ساكت ليه ولا لسه بتفضل الهرب على انك تجاوب

ضم ياسين قبضتيه وأدخلهما في جيبي سترته وهو يحدق أمامه بصمت لايتحدث ليقترب جاسر منه بغضب وهو يقبض على يده بحدة ويقول بصوت حاد : أنت فاكر نفسك بتعمل إيه وهتروح فييين ؟! فاكر بالسهولة دي هتقدر تهرب ؟!

إستشعر جاسر إرتجافة جسد ياسين أسفل يداه ليترك يده ليتراجع هو للخلف على الفور وهو يقول: أنا تعبت مش بهرب أنا عايز أرتاح

جاسر بحدة: فوق لنفسك بقا وأعرف أنت بتعمل فى نفسك أيه ، كفاية غباء وكفاية حركات المعيلة بتاعتك دي

ياسين وهو يهز رأسه ببطىء نفياً ويقول بقهر: : أنا مليش وجود فى حياتكم أنا خسرت حاجات كتير ومعنديش حاجة تانى أخسرها

نظر له جاسر بتهديد وتابع: وناوى بقى تسافر كده من نفسك ولاكأن ليك زفت أخ كبير تسأله قررت من نفسك وخدت القرار إنك تسافر وتمشى فاكر نفسك أيه ، فاكر إنك هتقدر تمشى فاكر إنك هتقدر تخرج من المطار من غير ماأنا أعرف

تنفس ياسين بصعوبة وهو يضم قبضتيه بقوة التى تزداد إرتجافتها أكثر ، حاول جاهداً الحفاظ على ثبات ملامحه لايريد أن يبكى أمام جاسر لايريد أن تظهر دموع عينيه المقهورة لتزيده شفقة من نفسه أكثر مما هو يشعر، عاد يلتفت له بعيون مهتزة، رجفت شفتيه رغماً عنه وهو يُتمتم : لو أنا لسه عندى غلاوة عندك سيبنى أبعد ، أنت مش كنت مش معتبرنى أخوك اعتبرنى كده ، لأ بلاش دى أعتبرنى متت مش أنا كنت ميت أعتبرنى مت والله ماهتفرق وجودى مش هيفرق

يتظر لريان ويقول برجاء : أنت وعدتنى إنك هتساعدنى ، علشان خاطرى قوله يسيبنى والله ماهتفرق ،  أنا مليش لازمة والله ماهيفرق وجودى مع حد.

نظر له جاسر بألم قوى وقد شعر بغصة مؤلمة أوجعته في نهاية كلام ياسين ،مايقوله وإنكساره بتلك الطريقة ينظر له بنظرة غريبة مدهوشة لم تكن دهشته من انكساره أو من صوته الشبه باكي وعيونه المهتزة يشعر إنه المسئول عن ذاته هوالسبب بحالته النفسية تلك هو السبب بإنكساره وشعوره بالدونية بتلك الطريقة

إقترب ريان من مكانهم وهو يقبض على يد جاسر وتابع: تعالى عايزك بره شوية

نظر لياسين وتابع: حاول تنام شوية وصدقنى اللى أنتع ايزه انا هعملهولك بس أرتاح.