بيننا صلة هوس

بارت الثاني

بنات من هذا البارت راح يصير بعض الكلام فصحى خاف ناسيه كلمه لو غلطانه بيها اعذرني دايخه مو تضحكن على الفصحى حاولت هواي اكتب مثل كلامهم بس انسه

‏( واذكر ربك اذا نسيت)
_ سبحان الله
_ الحمدالله
_ لا اله الا الله
_ الله أكبر
_ استغفرالله
_ اللهم اجعل القرآن ربيع قلوبنا

قراءة مُمتعة
~~~~~~~~~~~~~~~~~~~~
فتحت عيوني واني بغرفه ويمي بنات هواي وحده هيج
وكلهن يبجن و شعرهن مكفش ويرجفن وحده تباوع بوجه الثانيه

همزين صادفت لابسه لبس عريض بوقتها هيج ربيع ماعرف شنو الجو بس جان بوقتها مخلص الصيف وبدايه شته فـ جنت لابسه تيشيرت طويل بي كبوس وبنطرون كابوي ازرك

نص بيهن نايمات ماعرف اغمى عليهن والبقيه صفنن عليه ويرجفن اني الوحيده الي مابجيت

كمت عدلت شالي ونكثت ملابسي

شفت وحده نايمه على وجها وعلى رجليها دم كمزت رفعت راسها ما تتحرك خليت ايدي على خشمها ارتاحيت من شفتها تتنفس

باوعت الهن كلهن يباوعلي صحت بيهن كلهن فزن

-شبيهاااااا منينننن هذا الدمم ليش ماتتحرك

كامن يبجن بالزايد خبلني اريد وحده تحجي ماكو كلها تبجي

شفت وحده بالاخير خانسه وبس تباوع وخرت البنيه من حضني ورحت الها فزت وكامت ترجع لورا

وكفت استغربت
:: شبيجن شنو اني ولد ومادري بروحيي ترا بنيه حالي حالج ليش خايفات منييي

ادرفت وحده وهي تشهك

: اء اء واحد شكله يلعب نفس ك كا كال تحجي وتشهك كال لحد تحاجيها وبس تكعد خل وحده تكلي والي ماتكله يذبحها كامت تبجي بالزايد

رحت اسكت بيها

ليش يريدني؟
كعدت افكر وافكر ادور حل ماكو محد تحجي وياي كلهن خايفات عبالهن اني وياهم

بويه شلون اخذوجن وين لكوجن محد تحجي لله ذب عليهن بجي

رحت للبنيه الي جانت بحضني شفت ايدها تحركت بسرعه رحت ركض فزن

خليتها بحضني كمزت تبجي وتعيط خليت ايدي على حلكها من شافتني بنيه سكتت

كامت تتلفت وتلم بنفسها وتشهك

حاولت احجي وياها ماكو كومتها كعدتها على جربايه حديد

تقربت يمها شورتها :- عليج الشهريه؟؟

شهكت وهزت راسها بمعنى'لا

: جا شبيج

حضنتني وكامت ترجف وتحجي بلكوه فهمت من كلامها انو واحد معتدي عليها هيه حيل حلوة بيضه حيل وشعرها ماي

شهكت وخليت ايدي على كلبي اول مره حسيت هيج خفت اذا الشغله بيها اغتصاب كلنه راح يصير بينه مثلها