بيننا صلة هوس

بارت التاسع

#بيننا_صلة_هوس

علقن بين الفقرات + دوسن ؏ النجمة + احبجن🤗

«_________________♡________________»

ود:- من بعد ما اغمى عليه ماحسيت بشي بعد، كعدت على راشديات على خدي و وجهي ناكع ماي مسبحيني تسبح

عدلت كعدتي ولميت نفسي وامسح بوجهي

شفت نفسي كاعده بالصاله على القنفه الفرديه مخليني بالنص وضهري للدرج

الكبار كاعدين كبالي على القنفات والحرس داير مداير واكفين فوكاي والباب مفتوح ونص واكفين يم الباب

دك كلبي من شكلهم ومنضرهم اليلعب سبع ارواح عقجت وجهي بقرف شكولهم مثل الشياطين الشعر طووويل والحيه هم و وصخين جنهم افريقين وسود حيل وضخام الواحد لو يركعني راشدي يوديني لله

يتبسبسون بينهم ماحاولت ولا اجرئت احجيلي كلمة خاف يسوولي شي وماعرف نيتهم

حجوا هواي واحد يرد على الثاني بس انا ساكتة واباوع لليحجي والقزم خايف ويباوع الهم جنه قنفذ اول مره اشوفه هيج خايف مالي خلك اضحك

صاح واحد يلعب النفس كمزني
: اااييييرررفث

: يمه شنو هل اسم دخيلك يارب علي

دخل هل ايرفث يركض دنك وايده على كلبه
هذا الضخم رفعله ايده واشره يكعد هز ايده 'لا' وبقى واكف مقابيلنه

كامو يحجون و ايرفث يباوعلي ويهز راسه

طبك اديه لكدام وكال
: نعم يا سيدتي هل تريدين قول شيء

بيني وبين نفسي
- وين راح هذاك المترجم حيل حباب ياربي بس لا قتلو ردت ابجي
اردف مره ثانيه وانا على سكتي ماحجيت

النوب صاح نزيت بلعت الاحرف كلهن
: ها ها شنو شحجي ماعندي شي احجي
احجي، وعيوني تفتر عليهم

: قيل لنا أنكِ تستطيعين ان تعملين معنا هل صحيح هكذا كلام

قلصت عيوني باوعت لشرشبيل يترجاني بعيونه وخايف

عقلي ربط فيشه وحده كلت خل العب بأعصابه مبين اي كلمه مني كبل جق براسه ويموت وافتك منه

ود: لا لا استطيع ان اعمل معكم ليس لدي ادنى فكره عن هكذا موضوع

ابتسمت بخفيه بخبث لشرشبيل وهو يباوع للمترجم شيحجي من كمل كلامه فر راسه عليه بسرعه وصاح

: لمااااذااا تكذبين الم تقولي اعمل معك لكن بشرط ان تخرج البنات من هنا

: كذاب ماقلت هيج قلت لهُ اخرج البنات وا اعمل معك انت وليس مع هؤلاء

: اوه سحقاً، نعم انني اعمل معهم لذلك انتِ سوف تعملين معنا حتى وأن رفضتي هل سمعتِ

تعصبت وكمت صحت بي
: تاااكللل خراااا ماسمعت ولا اشتغل وياكم و باوعت للمترجم يترجم الهم، يريدني اصير جاسوسه واخطف بنات وانا اخاف ما اخطف احدد سمعتتت