بيننا صلة هوس

بارت هدية

احداث 2024 / 1/ 1

ود:- مُهند اكعُد فضل مايقبل ينام

جان متغطي كعد بنعاس واردف:- شبي؟

- ماعرف يريد يلعب واني تعبت نفسيتي قسم بالله انتَ يا نايم يا بالشغل وتعبني

مد اديه واردف:- جيبي

كمت اطيته اله خلا على رجلية ويحجي ويا
:- ليش متعب ماما ولك؟

فضل:- ننا

باوعلي وكال:- يريد ياكل

- لا عيني يريد يرضع شكني شك اربعة وعشرين ساعة يرضع اشتريله حليب وخل ابطله من الرضاعة والله صرت جني سلبوح سيان

ضحك وكال:- اشتريله يابه سهلة بس لا تصيرين سلبوح سيان اريدج مربربة تفيديني

ثاني يوم كعد يبجي غسلتله ونزلت وعفت مُهند نايم نزلته من على الدرج وراح يمشي

ود:- عزااا هاي شنو شهل عسل هذا

زهراء:- ههه شبيج قابل اول مره اكعد

ود:- لاا لج هذا الابسته يجننن

علي:- مو مالها ههههه

خزرته وكالت:- صوجي احجيلك

هديل:- ليش هيج ليش ههههه

ود:- وين نفوسه

هديل:- نايمة توها نامت واليل كله تبجي على راسي

اسيل:- شنو رئيج نطلع براس السنة اني كلت لـ سرمد وكال شوفي البنات و مُهند ياخذجن هو عنده شغل

كعدت اكل واحجي
:- امداني ذب روحه ميت البارحة كله لازمين السيطرات عن لا الشباب يشربون لزمو خمسة يكبسلون

علي:- ههههههه خرب يومج شذكرتيني واحد منهم فحطني مُهند يكله ليش سكران؟ تدرين شيكله...... يكله لان بكيفي هههههههه

نور:- طارت جبهة مُهند

ود:- كبر هذا مو مال واحد يسجنه

مُهند:- انسجن واليريد ينسجن انا بالخدمة

فريت روحي كمت وكلت:- علاوي يضحك عليك

علي:- طركاعة طاحت على راسج

زهراء:- تفترين على زوجي حيه

مُهند باوعلي وكال:- شيكول.. وغمزلي

ابتسمت كال علاوي:- اثكل يمك بنات

زهراء:- شحارك خبزك

الكل ضحك علاوي كام وكال:- الحكيني للغرفة

صاح مُهند:- هوووو هووو هاي كلمتي لا تخمط لا اخبزك خبز

علي:- ما اعيد

ضحكت حيل باوعلي رافع حواجبة وصدك راح للغرفة كلتلها:- الحكي وغمزتلها

كامت وكالت:- هسه يكلي جبتج ادافعيلي لو تضحكينهم عليه كلماته المعتادة