بيننا صلة هوس

بارت التاسع والثلاثون

ضايج  عاقج حواجبة ويفتر متخصر بضوجة شافني تقربت يمه بسرعة غير ملامح وجهه وابتسم جذب

وكفت يمه وهمست:- شبيك

- ليش طلعتي

- تأخرت وطلعت اشوفك، شبيك مُهند صاير شي خوفتني

- شسمه خابرني محمد يكول هذا، حك راسة ويدير بعيونة عني لزمت ايده واردفت بهدوء وخوف

- شيكول زينب بيها شي؟

- لااا لا مو زينب شسمه بس لا تصيحين، بيتكم...... لزم ايدي ويباوعلي

- شبي بيتنا؟

- احترك

- ها؟ شتحجي مُهند احترك شنو شحركه من حركه شلون احترك؟، كله كله احترك؟

- شوفي الفجر احترك محد يدري منو حركه الشرطه حاليا بمنطقتكم كالت محروك عن قصد لان بي بانزين

اجاني هدوء مو طبيعي منكد ما انصدمت مابدرت مني ولا كلمه ولا حركة بس صافنة لزم اكتافي وهمس بتوتر:- لا تسكتين

- خل اشوفه

- بدلي

رجعت امشي علكيف صافنه وروحي مو بجسمي احسها ماتت روح بلايه جسد بس الغصه لازمه بلعومي

دخلت و وكفت ماتحركت كال مُهند:- يلا

ما حاجيته اتحرك خله فستاني على كتفه ويفتح دكم القميص بتوتر ايده ترجف خايف اصيح عليه

نزعانيا بقيت بس بالداخليات ماهتميت اصلا بالي مو يمه بس اريد اشوف البيت روحي ضلت تلوب

لبسني الفستان لم شعري مايلتم ينفتح سوالي ضفيره انفتحت من جوة بس غلس ملتهي بيه

لبسني العباية لزم خدودي وهمس:- احجي شي

- اخذني لبيتنه

- اخذج بس لا تسكتين احجي شي

- اخذنيييييييييييي

نز هز راسة طلعني ورجع كلشي لمكانة قفل الباب واخذ المفاتيح ثنينهن ويا باوع على المكان خاف ناسي شي

باوعلي وهمس:- يلا

وهو يمشي اتصل على ولد كال........

- خلصت اجازتك ارجع للأسطبل ورجع الحصان وياك، وسد التلفون وخلا بجيبه

طول الطريق ساكته بس احس روحي ماتت واخر شي جان يجمعني ويذكرني بيهم اختفى ومنو؟ راح اعرفه منو

يسوق ويحجي بتوتر
- سويت فد شغلة وسحبت فلوس قيصر كلهن الـ بالبنگ واتهمته بالسرقة قبل لا يذبها براس ابوي وبراسج صارت براسه

باوعت عليه يعني كمل، كال:- شسمه يعني يجوز هو اله ايد بالحرك

- اطلعه من جوه الكاع الحركه اطلعه من جوه الكاع