بيننا صلة هوس

بارت السادس

البارت الخامس صار بي اخطاء هواي حاولت اعدلهن بس انحذف بالغلط بس الحمدلله مابي شي مهم يعني بس كلام وحركات داخل البيت ماكو احداث اطمئنن من راح تكملن البارات البقية راح تفهمن الوضع نفسه ما اتغير
~~~~~~~~~~~~~~~~~~~~~~~~~

ود:-

لثاني يوم والدنيا مخبوصة على هذا القتلناه وكلساع جاي واحد ينشد منو قتلة وماشفتن واحد!!

انحصرت وكمت ابول بنص الليل، احس تعلمت ع البيت احسه بيت اهلي شنو هل عيارة مادري

وجان ينشف دمي من الشفتهه!!

شفت واحد يباوع من الشباك الي بالصالة النايمين بيها ملثم بس عيونة يلمعن احس حتى رجليه كامن ما يشيلني رجعت للغرفة ركض واني ارجف

همزين شمس شفتها كاعدة سولفتلها الصار وضلت تتشهك عليه من الخوف

كومتها وياي حتى نتأكد ماكدر اكعد واسكت بلكي يطلع واحد عراقي ويساعدنه

طلعنه للممر وكامت تتلفت وقوت ايدها على زندي وترتني واني منا ارجف

صحت بيها بفحيح بين اسناني
:شبييييج يجوز راحح وخري عني توترت وله اكلج ادخلي اي ولله ادخلي للغرفه حتلو محد كعد انتِ اجفصين

بعدها تتلفت ومجلبه بيه
: لا لا ما اعوفج

ود: شو زين باوعي عليه، بااااوعي عليه شمس

شمس: شبيج ها باوعت شكو

ود: اثبتي وياي وخلي عيونج عليه اي حركه اسويها سوي مثلي واذا جمدت تعرفين شغلج خوووش

شمس: خوش خوش

ود: هسه شنسوي وين نروح

شمس: ه ه ها؟

ود: اكلج روحي مدي راسج من طرف الدرج انا انرعبت بما فيه الكفايه

شمس: ها شني تعلمتي ع الفصحى

ود: حبابه روحي زحف بس باوعي للشباج شوفي بعده لو راح ديري بالج واحد يشوفج

شمس: واذا شافوني

ود: اعوفج واشرد

شمس: هم صح جا بحالي انت

هواي سولفت راح يصبح الصبح واحنه نسولف خزرتها واشرت بعيوني يلا

عيني عليها متردده خزرتها، مدت راسها ثانيتين فرت راسها ع السريع وخلت اديها ثنينهن على حلكها وعيونها حمر

دنكت امشي على اركبي ورحتلها

ود: شفتي شفتي الولد شفتي لو شنو

تشهك وتهز براسها لا لا ودموعها تنزل

ود: و وخ وخريي وخري ايدج واحجي شبيج

شمس: خل خل خلنفوت جوه فوتي فوتي

لزمت ايدها يلا سحبتها مني بخوف وترجف
ود: شبيج بت الخرا صوجي والعباس صوجي صحتج