تحية للبنات اليشاهدن بدون ما يضغطن اعجاب خايبات دوسن هيه ضغطة شتخسرن
__________________________________
"بعد مرور سنة واربع اشهر في ليلة الشهر الخامس"
ود:- حياتي صارت عبارة عن روتين مُمل ماكو تغيير دراسة والمتحانات شكتني شك وكالعادة يجيني مُهند مرة بالاسبوع يشوفني ويروح
بين فترة وفترة اسوي ثواب لـ ماما و بابا وانطي لولد من الشارع يوزعة
زينب
:-يممااااااااا ولجج يمممااااا
ام محمد:-ها ها شبيج تصيحين
ام محمد:-يمه بتي ولج شبيج
زينب
: دخلت عليه امي تركض منصدمة ادك على خدودها تحير شسوي
زينب:-ولج يمه راح اموتتتتتت يممااااا
ام محمد:-ولج يمه شسويلج ما اعرف شسويي هسه هسه اجي
عافتني وراحت واني الوب من الوجع شاغت روحي وابجي بگل قوة
فلاش
زينب:-راسلتني ود تشتكي من الامتحانات اضحك عليها وهيه تبجي عدها امتحانات كلش هواي مرات نتراسل شويه وتروح تدرس امتحنت نصف السنة نجحت بس جابت درجة 97 تريد تسويها 100 وتدخل تخصص جان امنيتها
زينب:-ولج الجدر احترك
ود:-شمسويه عشه ولله جوعانة
زينب:-اوديلج؟
ود:-هوا شنو
زينب:-دولمة
ود:-ايعع ايييعع حشه نعمة لله شلون تاكلونها
زينب:-يا عزه بعينج هوا اكو واحد مايحبها الضاهر انتٍ مو عراقية جنسيتج مزورة
ود:-هههههه ياريت ولله حتى ثاني يوم اطفر من العراق للعلم هيه نيتي اطلع من العراق تدرين لو لا
زينب:-اخذيني وياج اختل بالجنطة
ود:-صار صار بس خل اجمع فلوس ونطفر
زينب:-هههههه تسوينها انتٍ خبلة...... يلا روحي ادرسي اني اروح للجدر هسه نضل بلايه عشة
سديت التلفون من ود طفيت الطباخ صاحني ابوي
زينب:-ها بابا
منذر:-بنيتي حميلي ماي جبت باجة اريد اصلخها
زينب:-ايع بابا ترا ماتنوكل
ام محمد:-مو هوا لهذا السبب هوا يريد يسويها لان تلعب روحج
زينب:-ههههه زين زين
أنت تقرأ
بيننا صلة هوس
حركة (أكشن)مُنذ تلكَ اليلة فقدت كُل أمنياتي بسبب شخص دمرها وقلب حياتي رأساً على عقب سوف نضحك معاً ونبكي معاً ونموت معاً هذا هي معنى القصة التي تتحدث عن فتاة شجاعة تقع في هوس ومع ذلك يصبح يبادلها الهوس بكُل حب تموت كُل عائلتي ولم يبقى لي احدً الا نفسي...
