بيننا صلة هوس

بارت واحد وعشرون

انصدمت من شفته وهوا هم انصدم على صدمتي اردف
:انتي ود؟

ود: عمووووو

رحت ركض حضنته حيل ضحك بصوت واردف
: شوكت كبرتي بابا صايره مره

وخرت عن حضنه واردفت مبتسمه والضحكه ماليه وجهي
: من زمان عمو..... مشتاقتلك

: ولله انا هم صار هواي ما شايفج من جنتي بالمدرسة

:عمو...... بابا مات

: اي بويه دريت لله يرحمه ولله انكسر ضهري عليه ردت اجي اشوفج بس مافرغت اعذريني بويه

: لا شنو السالفه عمو ميخالف

اردفت عمت مُهند
: لله يساعدك خويه

: ويساعدج اشكرج..... شلون صار مُهند ماخلصو

: لا ولله تأخرو

كامت اخته تبجي تقربت يم قائدهم واردفت بتوسل
: فدوه كللهم خل يطلعونه فدوه سوي شي ماعندي غير مُهند ولله

: انشاء الله بنتي انشاء الله هسه يطلع سبع هوا ما تعرفينه بطل ما تهزمه عمليه

شفت محمد ملامح وجهه لعبانه روحه منه وضايج تقربت يمه واردفت بهمس
: هو هذا اليحجي عليه مُهند رئيسكم

: مع الاسف

كرصته واردفت
: شنو سالفتك وي مع الاسف..... على يوم اكولها بفاتحتك' مع الاسف مات محمد

اردف بضوجه وهو يباوع عليهم
: وين تعرفينه

: هه هاا شسمه هذا ص........

طلع الدكتور و ورا بنيه و ولد بت الخرا ولله حلوة البنيه
الكل كام مفزوع لزمت گلبي غمضت عيوني متحلفه بفخريه اردف
: الحمد الله على سلامته

ماي بارد ونزل على گلبي خفت يموت وتصير براسي السالفه لان بسبي اكل

واحد يحضن بالثاني حيل فرحو اردف القائد للدكتور
: ماكو اعراض جانبية غير

الدكتور: هيه ماكو بس صارت معجزه اول مره اشاهدها وانا بهذا عمري

الكل صار انتباهه على الدكتور ابتسم واردف وهو ينزع الكفوف
: مع الاسف صار نزف اثناء العمليه وماكدرنه نسيطر عليه ما عرفنه مكانه منين لكن ثواني ما وكف وحده بدون اي تعب من عدنه الفضل يعود لـ رب العالمين كاتبله حياة جديده

القائد: مشكور دكتور ماقصرت هواي تعبناك تستاهل لقب الدكتور

ابتسم اردف
: هذا واجبي تدلل....... عافنه وراح

محمد فرحان حيل اله شويه يحضني من الفرحه اردف واحد من الجنود
: هوا شنو سالفته امي يمي كلشي مابي شو بساع بساع

عمته: اي ولله وليدي جان يمي يضحك كلشي مابي

اخته: هوا كال متسمم جان ماكل اكل بايت