بيننا صلة هوس

بارت اثنان واربعون

گلبي ضل يدك سريع داخ راسي بشكل قوي هدئت اجاني خمول مو طبيعي حسيت روحي اغمى عليه من الخوف ماعرف شنو

حسيت روحي نشمرت بالكاع وبعد ماحسيت الا و مُهند يضرب على خدوي ويصيح بخوف

فتحت عيوني كلها ملتمه فوك راسي شهكت خايفة حضنت خصر مُهند بخوف وابجي

مُهند:-شبييييج شنزلج، واحد يحجي شبيها ياهو شافها شسوي نزلت

زيد:- خوية انا نايم بالصالة ماسمعت شي

لزم راسي ويحجي بهدوء وتوتر
- احجي ود حبيبي احجي شبيج شصار وياح

احجي وشفتي ترجف
- ءء نزلت نزلت ادور عليك مالكيتك يمي و و ماعرف ماعرف منو خنكني بعد ماذكر شي

ام زيد:- شبيها البنية يمه

فاطمة:- يمه نزلت تشرب ماي واغمى عليها مابيها شي

اخذت امها وراحت حتى لا تخاف كال علاوي
:- اذا نايم بالصالة ماحسيت بيها نزلت؟ شنو فلم هندي

زيد:- خوية والله ما ادري جنت نايم

ود:- خل نرجع للبيت ما اضل هنا والله اخاف ماضل بعد

عُدي:- كوم، شووو كوم اخذها واصعد فوك افتهم منها شكو كوم ويامن احجي انا

نفخ نفس بملل كومني سد باب الغرفة كعدني على الجرباية وكعد تك رجل لازم اديه ويحجي
- فهميني حبيبي ليش نزلتي

- اكلك ما لكيتك يمي انتَ وين رحت؟

- اجاني اتصال من الولد ورحت لغرفة علاوي اخذ منه رقم ولد

- ومن ما لكيتني بالغرفة غير تنزل ادور عليه

- هذا ابن الزمال تأخر يلا لكه الرقم عبالي نايمة والله مادري بيج من رجعت ما لكيتج تخبلت نزلت ركض لكيتج بالمطبخ

- مُهند ولد ولد خله ايده على خصري وباسني هنا لعبت روحي مُهنننننددددد باااااسنيييي هنااااااااا

بالاخير ضليت اصيح بهستيريه كام حضن راسي بعصبية وضوجة عيونة صارن حمر من العصبية

ضليت اشهك وابجي كال:- ماشفتي هدومه؟

- جانت ضلمة بالاول عبالي انتَ بس عطره يختلف عرفته مو عطرك

- عوفي انا ادور عليه دخل الزمه اذا ماصلخته صلخ انا اعلمه، تنزلين للسوك تشترين وي البنات

- ماريد

- بكيفج، لعد خل ننزل يمهم عيب وحدنه كاعدين

نزلت ورا واني نيتي اريد اشم العطر الشميته البارحة حسيت روحي جلب بوليسي

كعدت يم ام زيد بمطبخهم وجناينهم يعزلن بالبيت كلتلها:- اكلج بيبي

- كولي

- باب بيتكم الرئيسي بليل تسدونه لو تخلونه مفتوح

- لا انسده ليش؟