بيننا صلة هوس

بارت الواحد والاربعون

اخذ مني الصحن وكال:- الحكيني

أشرت على السنگ بأيدي بدون ما احجي رفع حواجبة وكال:- ثواني اذا تأخرتي اطيح حضج

وراح، عزلت المطبخ سمعت صوت شسمه بغرفة هديل من الفشله صعدت ركض بدون ما التفت

طبيت للغرفة ركض وسديت الباب وايدي على گلبي ليشوفني يكول فقيرة متعيني

كام مُهند مخروع وكال:- شكو

امشي بأتجاهه ابتسم جذب واحجي بتوتر
- ءء هه شسمه هاي نزيت سمعت صوت بزونه بالبيتونه لهل سبب شسمه هااي خايب خفت خفت

عقج حواجبة ما مصدكني هز راسة وهمس
:- تحجين تحجين

- ها طيبه؟

- مو طيبه ولا تسوين بعد مكيفه الخايسة تسوي لعلاوي وانتو ياهو مالتج والله اذا شفتج تسوين مره ثانية اغط راسج بالبسكت سمعتي؟

- شجاك ياا شنو نبطل ما ناكل

- اييي بطلي اي لا تاكلين اكو اسواق واكو محلات واليريد يروح يشتري

تقربت يمه وهمست بمياعه وايدي على صدره
- شصار وياك ما سولفتلي

- بخصوص شنو

- شبيك مُهند انت وين جنت مساع غير رحت وي عمو منذر

- هااا نسيت، اي رحنه ولزمتلج هل منذر كلتله شوف ولك شفت شيخهم وحجيت ويا وطلع خوش ولد اذا مارضيتو اسويها عشاير كال لا عمي هذهو بكيفكم بعد

- احلف؟ يعني رضو؟ ياااااايييي فرحتنييي ههههههههه

ابتسم رجع كعد وياكل كلتله:- خليلي وياك مو تكول مو طيبة

- من سمعت ضحكتج صارت طيبة

كعدت بصفه اعصر بديه باوعلي وهو ياكل كال بصوت مخنوك:- اممم احكي

- ضحكت، ابلع ابلع

خله الصحن على الميز اشرتله بعيوني يعني جيبه، اخذه انطانيا خليته بحضني اكل واني مدنكه راسي واحجي

- شسمه راح يصير عدنا بيبي ثاني

همس بهدوء قوي:- ها؟

باوعت عليه مضيق عيونة حالته متوتره ماعرف شبي وجهه صار اصفر كلتله:- شبيك

- ياهو راح يصير عده بيبي؟

دنيت راسي يمه وهمست بضحكة:- هديل وفرقد

غماني بگصتي حيل لدرجة رجع راسي لورا لزمت راسي واردفت:- لييييش

- نعلعله يومج طيحتي گلبي شعلينا بنعول عبالي انتِ

- هههههه ولك سمعتهم والعباس يبوي شكد عيب

عدل كعدته كعد مقابيلي وهمس:- شسمعتي

- اممم علساس ماتعرف

- اعرف اعرف بس اريد انتِ تحجين

- ههههه شسمه هذاك الصوت من شسمه، ياا ترا عيب نصنت على الوادم باجر واحد يصنت النه ترا الدنيا دوارة