بيننا صلة هوس

بارت الخامس عشر

عافني وطلع استغربت شبي توتر شكلت انا

رجعت لبست حذائي لحكته يفتح بالباب بعصبيه ويرجف

رحتله بسرعه اردفت بخوف
: مُهند شبيك...... ما حاجاني اردفت مره ثانيه
: مُهند احجي وياك شبيك ترجف

شفت اصابعه الابهام والسبابه يجرن دم مطنشني ويحاولي يفتح البرغي بأصابعه حيل

ضجت منه سحلت ايده حيل وصحت بي
: شبيكككككك ايدك تجري دم ماتشوف

هدء باوع لايده ضل صافن عليها فر راسه عني واردف وهو يباوع لـ يدة الباب
: كلشي مابيه هدي ايدي

: شهد ايدك شوفها صارت حمره تعال اكعد اسويها الك

تعصب سحبها مني وصاح بيه
: لا تلحكينييييي عوفينيييي نزيت اردف بهدوء
: روحي عني ارد افتح الباب وخري لا اضوجج روحي

: بس مو بأصابعك تفتحه البراغي قويات والجو بارد

سكت رص على اسنانه واردف
: كتلج ماعليج روحي

عفته رحت للمطبخ جبت السجينه اردف
: شسوين

: افتحه للباب

: اطيني انا افتحه لا تشكين ايدج مره ثانيه

باوعت عليه واردفت بـ ثقه
: خاف على ايدك هاي صاحبتي ماتعورني

اردف وهو يمشي للقنفه
: ممم مبين صاحبتج

غلست عنه التهيت افتح بالبراغي ايديه مثلجات من البرد كم مره تفلت مني والزمها

فتحتهن بقى اخر برغي فريت راسي عليه
صافن حيل منتهي لو اخلي السجينه بضهره ماينتبه مخلي اديه على رجليه ومادهن لكدام واصابعه يجرن دم ينكط بالكاع

رجعت فتحت اخر برغي وخرت الجفجير شمرته على القنفه والسجينه هم بصفه
رحت للغرفه جبت العلبه كعدت على رجليه مقابيله والعلبه بحضني فتحتها طلعت شاش ومعقم باوعلي بهدوء عيونه تخوف خوفني خصوص هذا حاله يخوف حيل
اردف بهدوء وصافن بوجهي حيل
: شسوين

تحمحمت وخفت من هدوئه ونضراته الجريئه على حركاتي وعيوني اردفت واني منزله راسي اكص بالشاش
: احم شسمه اريد الف اصابيعك

بقى بنفس كعدته اردف بنفس نبرته
: كومي من كدامي لا اصيح بيج

: ليش تصيح عليه شسويتلك نكلبت عليه الف درجه شبيك

سكت صافن عليه بتمعن عفته صافن مبين شارد بالتفكير

تقربت يمه لزمت ايده سحبها خزرته و رجعت لزمتها مسحت الدم خليت على الگطنه معقم ومسحت الجرح ماتحرك بقى صافن عليه رفعت راسي اله عاقجه حواجبي استغربت من هدوئه اردفت واني عاقجه وجهي
: ماتوجعك؟ ليش مانزيت

عيونه بعيوني اردف بهدوء
: كلبي اليوجعني

كلبي بقه يدك حيل مابينت اله نزلت راسي لفيتهن وكملت ايديه صار بيهن دم رجعت الغراض للعلبه شلت الكطن البي دم بدون ماتلعب روحي ردت اكوم لزم هدومي مدنك راسه واردف
: ليش مالعبت روحج