بيننا صلة هوس

بارت اضافي

بارت_اضافي

بقلمي حوراء✍️

صار زمان على قصتنا الحلوة الي حبيناها 🥹+ فكرنه اني و ود ننشر الجن بارت بسيط نفرحجن بي مو تفشلني علقن بين الفقرات ♥.

هذا يوزر حسابي الانستا
Haore_Neaim
~~~~~~~~~~~~~~~~~~~~

ود:- من ورا ماحبلت بـ فضل ولليوم اني و مُهند صايرين عرك هدني وهدك وفضل يضحك علينا وهو سبب المشكلة...

ود:- مُهند اريد انشر قصتي

:: ود انجبي

:: والعباس انشرها ديلا

:: نعلعلا ولج ياقصة منيلج قصة

عدلت گعدتي وحجيت بهدوء
:: شوف حبيبي من اول مارحت للزيارة وانخطفت وشلون نقذت البنات وشلون ساعدتهم وشسويت وشلون البنية هيه قوة لنفسها واحجي عن الثقة بالنفس والذكاء والنوب تعرفت عليك وحبيتك ونهوست بيك وانت هم غصبا ماعليك نهوست بيه واحجيلهن عن قصة حبنا وعن انتَ شلون سحلت روحك بس حتى تزوجني

:: لا والله؟

:: وداعتك حبيبي

جان كاعد كام وحجه
:: بطلي هاي سوالفج ولا تسويلي سالفة وتخلين الوادم تضحك علينا

كمت وكفت كدامه وحجيت
:: محد يضحك وليش حتى يضحكون علينا بالعكس اصلا ماكو ولد بس بنات وبس كلام يعني اكول بس رحت هيج وسويت هيج ما احجي كلشي

:: بشرط

صفكت حيل وكمزت
:: يجرالك اي شي اتشرط حبيبي انتَ

:: ماكو موضوع عن الشغل مالتي ولا اسامي ربعي ولا المناطق يعني مضرطي بس بحياتج لا تفوتين بحياتنا

:: والله لا تزعل مني بس انتَ التمضرط لعد شخليت للقصة غير اكتب هيج شغلات حلوات

تخوصر وحجه بضوجة
:: وانتِ وين تعرفين هل سوالف واكتب وماعرف شنو

:: مو شوف انتَ مو قبل تشوفني اضحك بالتلفون واقرة هواي و مرات اهمل نفسي وانساك هوَ اقره بهيج قصص مال حياة البنات

:: شمعرضني بسوالفجن سطرتيني سطر شترديت تسوين سوي بس قبل لا تنشرين مدري شتكتبين خل اقره واتأكد يلا

:: نعم نعم؟. لا حبيبي بطلت

كال:- بعد احسن....... وطلع من الغرفة

ود:- هوَ مادام وافق وكال شسوين سوي يعني بكيفي خيولي شعليه بي يااا والله يالله، ضحكت وي كمزه بفرح

ورا فترة اثناء ما اني اغسل ملابس سمعت صوت موسى يصيح تركت الملابس من ايدي بفزع وكُمت ركض ضل بالي يم فضل لان انزله يمهم يلا انظف لان يشلع گلبي

تلاگت وياي زهراء تمشي علكيف وايدها على بطنها عاقجة وجهها بألم

ود:- سمعتي صوت موسى يصيح لو بس اني؟