بيننا صلة هوس

البارت الثامن والاربعون

ود:- محد فتح حلكه وكال شي الكل مصدوم

انوار:- ابوي ماراح يقبل بتصرفك

مُهند:- انا من زمان جان ابالي اطلع بس باقي لخاطره هسه ماعندي سبب اضل اخذ مرتي وابني واروح اعيش حياتي بعيد عن مشاكلكم

ضلن وحده تباوع بوجه الثانية مصدومات كالت ام سجاد:- بعدك ما معرس شلون حامل

مُهند:- شي يخصنه مايخصكم انا اجيت ابلغكم ما اخذ رئيكم

ام سيف:- جان خليتها لمن تعرس شموازيك تلحك على الخلفه

ضلن يحجن هواي والكل اعترض بس اني ساكتة صاح علاوي:- كاااافيــــــــــــي

فرقد:- القرار يعود لـ ود

كال هيج متعمد لان شافني ساكتة وخايفة منه من بعد ماشاف حالتي البارحة

مُهند باوعلي بدون مايحجي كالت هديل
:- ماتجبرها اذا تريد تضل يمنه تضل

مُهند:- ود

اعصر بديه مدنگه راسي ما اباوعله لان ماكدر اباوعله احس روحي اكرها لو يجيني احساس خوف كلش قوي واضل ارجف

اردفت بهدوء واني مدنگه راسي:- ما اروح وياك

صار هدوء والكل سكت ضاج حيل ضل صافن عليه شوية وكال:- ليش؟

ود:- مايخصك تعرف

مادري بروحي شكلت وفشلته كدامهم وهو انصدم من ردة فعلي

اسيل:- شبيج ترجفين

هديل وكفت يمي حضنت اكتافي وكالت
:- خليها تفكر بالموضوع وتكلك هسه مو بوعيها وخايفه منك

ام علياء:- غير رجلها تخاف منه ليش

هديل:- خالة كلساع نكرر ونعيد البت كالت من قبل وخايفه منه لحد يدخل بحياتهم

علي:- منين خايفه؟ ود ماتحجين شبيج ولج جنج راح يعدمونج

قاطعتنه زمن طبت تصيح جنها مسودنه

زمن:- ماااااا تسجنووون ابوووي وهسهه اطلعه..... يلا اسحب شكوتك وسد السالفة وعلي شايفينه علي اذا مات ابوي اگلب الدنيا على راسكم واخليكم ماتعرفون ايدكم من رجلكم

متت من العصبية تلفت اعصابي حسيتها اجت من الله على الله

سحبت روحي من هديل ولزگتها براشدي ودفعتها حيل طاحت بالكاع صعدت عليها واضرب بوجها بعصبية واملخ بشعرها

اتهسترت بشكل مو طبيعي ماحسيت بروحي ولا ادري مو بوعيي خليت الدم يطلع من جميع وجهها وخرمشت رگبتها بأضافري

محد وخرني واني تزيد حرگتي وما ابرد تسودنت حسيت روحي خبله

سحبني علاوي وضربني راشدي حيل لزمت خدي بصدمة، مُهند ركض ولزك علاوي ابوكسي شمره على القنفة