[ في العصر ]
ذكرى نادت مطلق و جيلان:
ذكرى : اسمعوا حنا بنروح مشوار لمنطقة ثانية و بنجلس فيها ثلاث أيام عشان شغل فهد و اذا خلصنا بنرجع
مطلق قالوا له من قبل انهم بيروحون للعزاء فَ كان عارف
و جيلان كانت تتظاهر انها ماهي عارفة بينما هي فاهمة كل شيء
ذكرى كمَّلت كلامها: و ابيكم تنتبهون لبعض و انت مطلق عينك على جيلان و خلها تنام بالفجر لا تسهر
مطلق : ابشري ان شاء الله
ذكرى حضنتهم و ودعتهم ، ثم راحوا
مطلق قال يونس جيلان شوي لذلك قرر انه ياخذها يتمشون في المزرعة
مطلق : وين تبيننا نروح؟
جيلان : اول نروح ناخذ اجود و هزاع و ترف
مطلق : وش يعني ما اكفي انا ؟
جيلان: لا لازم اكثر
مطلق : انا اوريتس يالجاحدة
راحوا مرَّوا هزاع و اجود
أجود: اشتقتوا لي على طول شكلكم
جيلان: تعقب
هزاع: اجل اكيد اشتقتوا لي انا
جيلان: لا والله لا انت ولا انت ، انا اشتقت لتوتة
مطلق : يعنني بنات و نشتاق لبعض
جيلان : اجل تبيني اشتاق لخشتك؟
هزاع: عاد ترف بسابع نومة ولا درت عنتس
أجود : وين تبوننا نروح؟
جيلان: عندكم بقالات هنا؟
هزاع: فيه وحدة بس بعيدة شوي
جيلان : اجل مشينا يالله
طبعاً اكيد كلنا مستغربين من تغير جيلان المفاجئ و كأنها ماهمها وفاة ابوها بينما هي ما مرت ولا ثانية من غير ما تفكر بأبوها لكن تحاول ما تثقل عليهم لأنها عارفة انهم مهمومين و ناقلين همها اكثر منها فَ قررت انها تحاول تأجل حزنها لوقت وحدتها
أجود: نروح كعَّابي؟
هزاع: ليش لا
*مشوا لين وصلوا للبقالة*
دخلت جيلان و وراها العيال
مطلق : انتِ من وين لتس فلوس ؟
جيلان: من قال لك اني راح ادفع اصلاً
أجود : تبين تسرقين ؟ يالله و انا بساعدتس
هزاع: ورع لا تخرب عقلها
جيلان طلعت من جيبتها خمسين ريال: والله انكم دروج
اشترت اللي تبي و اشترت لهم على حسابها و حطت كيس لحاله به حلويات و بطاط و حلابيس
أنت تقرأ
يَا نَجمِي اللي تالِيَ الليل وقَّاد
Romanceروايتنا تتكلم عن جيلان اللي تكون عايشة مع ابوها بعد وفاة أمها و لكن فجأة يتعب ابوها بلا سابِق انذار ، فَ يضطر انه يرسلها مع خالها اللي عايش في منطقة ثانية و يكون بيته في وسط مزرعة، و من هنا تبدأ أحداث الرواية الكاتبة: فَرد الجُمان
