يَا نَجمِي اللي تالِيَ الليل وقَّاد

٦- انتِ سرٍ من أسرار الحياة الجميلة ‏، ما يسولف به العاقل على أغلى اخوانه

-في بيت ابو مطلق-

مطلق ينادي : جيلان يالله امي تنتظرتس

جيلان نزلت و هي شايلة جزماتها *تكرمون* : يالله جيت جيت

ذكرى : يالله يا جوجو تعالي اسوي شعرتس

مطلق قرر ينرفز جيلان : يمة شعرها ما يتعدَّل كشة
وش ناوية تعملين به

جيلان بعصبية خفيفة: خلها تسوي شعري اللي أحسن من وجهك ، وش تبي انت

ذكرى : ما عليتس منه شعرتس ياخذ العقل بس العزيمة كبيرة لازم اكشختس أكثر

مطلق : وين ترا بس كم حرمة

ذكرى : لاا ما تشوف سامية جايبة ثلاث ذبايح و عازمة أغلب حريم الحارة

مطلق ناظر ثوبه: اجل خليني أطلع أغير ثوبي فيه واحد أحسن

ذكرى بعد ما خلصت من شعر جيلان و زينته: يالله بس عاد لا تطول
مطلق و هو طالع : أبشري

-في بيت ابو محمد-

ريحانة : يالله يا أجود باقي ما خلصتوا ؟

أجود : الا يمه جهزنا مجلس الرجال بس باقي الضيوف يوصلون ، كل شيء جاهز

ريحانة: كفو وليدي ، بس روح لخالتك ذكرى و ساعدها بالأغراض اللي معها ، ترامس قهوة و شاهي و صحون حلى

ذكرى دخلت و هي تضحك: ما يحتاج خلاص جينا

ريحانة : والله لو اني جايبة طاري مليون

أجود ركض لجيلان و شالها : هلا والله بأم شعافير

جيلان حاولت تمثّل انها منزعجة بس أجود دايم كان قادر انه يكسر الحاجز عندها 

جيلان و هي تضحك: نزلني يا ورع

أجود ضحك بفرحة انه قدر يضحكها

مطلق : ياليل طيور الكناري انقلعوا اشوف خلوني ادخل

أجود شاته: اقول دز امها انت 

—بدأت العزيمة و وصلوا الضيوف و كان الجو مزعج و ممل بالنسبة لجيلان —

جيلان: توتة نطلع للشارع ؟

ترف: لا طبعاً! ناوية تتصارعين مع أحد ثاني

جيلان: لا لا ما عليتس ما أقدر لأن سلطان موجود

ترف : أجل دام كذا يالله نطلع

جيلان دفَّت عربية ترف و طلعوا للشارع و كان فاضي و ما فيه الا هزاع و مطلق و أجود مع أخوياهم و اللي مان من ضمنهم بندر

بندر من شاف جيلان ابتسم : هلا والله جيلان وش اخبارتس وش علومتس

جيلان بحياء : بخير الحمد لله

هزاع ناظرهم بغيرة: خير ان شاء الله اشوف طلعتي تستحين

جيلان : ليه تحسبني حجر زيك