يَا نَجمِي اللي تالِيَ الليل وقَّاد

٥_جيتك وعمري ما تجاوز العشرين ‏و بنيت من صغري معك أمنياتي

بعد شهر ، لازالت الأوضاع نفس ما هي.. جيلان في بيت خالها فهد و سلطان يجي يزورهم كل اسبوع و كل يوم كانت تدخل الفرحة لقلب جيلان و تزيدها سعادة بفضل الله ثم الأشخاص اللي حولها ، و لكن طبعاً ما راح تنسى ابوها و امها المتوفين لأنها كل ما جلست لحالها تذكرهم و تدعي لهم و تصبّر حالها..

في الصباح و في بيت ابو مطلق :

ابو مطلق دخل البيت و نادى بصوت مرتفع نوعاً ما : يا مطلق تعال

مطلق من الدور الثاني : سَمْ يبه هذاني جاي

ابو مطلق : اسمع اليوم عرس اخو اجود انت عارف بهالموضوع لكن ابيك تاخذ ذكرى و جيلان للسوق عشان يشترون لجيلان فستان ، امك جهّزت لنفسها لكن ما جهزت لجيلان فَ حاول تستعجل لأن ما فيه وقت ابد و انا توني اتذكر

مطلق : ابشر الحين اخذهم و بإذن الله بنخلص قبل اذان الظهر

ذكرى بعد ما لبست عبايتها و جابت جيلان معها: يالله طلعنا؟

مطلق : يالله

جيلان: خالة ذكرى حنا وين بنروح

ذكرى بحنّية : بنروح نشتري لتس فستان

جيلان: حق ايش؟

ذكرى: عشان عرس اخو أجود صديقكم

جيلان بصدمة: متى ؟

ذكرى: اليوم ان شاء الله، بس ما عليك راح نخلص بدري

بعد ما وصلوا للسوق و اخذت جيلان الفستان اللي أعجبها

ذكرى: والله بطلة و اختيارتس حلو

جيلان: شكراً خالة ذكرى ما قصرتي

ذكرى: لا اسمع كلمة شكراً ، ما تنقال بين العوايل هالكلمة

جيلان بابتسامة: ابشري

رجعوا للبيت و بدأت ذكرى تجهّز نفسها و أول ما خلصت بدأت تجهز جيلان و شعرها و حطت لها مكياج خفيف يناسب عمرها ولا بالغت ابداً

مطلق دخل: ادعس ادعس وش هالحركاات ، القاها من امي ولا اختي المزة

ذكرى ضحكت

وجيلان ناظرته و تصنعت البرود و اخفت حياها : حنا من زمان حلوين بس انت ما تفتح عيونك

مطلق: هالمغرورة

جيلان : بسرعة يالله أكيد ترف راحت و خلتني

مطلق : ليش بتروحين معها انتِ

جيلان: لا بس عشان نوصل مع بعض

مطلق : الله يصبرني على هالبزر

جيلان لا رجعنا من العرس بوريك الشغل أما الحين ما اقدر اخرب كشختي على وجهك ذا

ذكرى: يالله يالله مو وقت هواش للسيارة كلكم