يَا نَجمِي اللي تالِيَ الليل وقَّاد

٨-من سمع منك المراحب ولبّيه وتمون ، كنّه اللي جرّب الفقر بعدين اغتنى

[الآن راح تصير أغلب الفقرات تسريع للأحداث ، يعني راح نعدِّي سنوات كثير في هذا البارت ]

___________مرَّت الأيام أو بالأصح الشهور و مشت فينا لِـبَعد سنة كاملة و جاء وقت العودة و وقت شوفة جيلان لأحبابها اللي فاقدتهم ___________

سلطان : هاه لولو استعديتي؟؟

جيلان و هي تنزل شنطتها: ايه ايه خلصت

سلطان: يا ما شاء الله يالسرعة ما خبرت والله ههههه

جيلان بفرحة: من الوناسة صرت أسرع بمرتين

سلطان: تعالي ازين شعرتس

جيلان جابت المشط و أغراض الكيرلي و راحت لسلطان

سلطان : عاد يالله خليهم يشوفون شعرتس الحقيقي

جيلان : أحسن شيء سويته بحياتي اني قررت أرجع معك

سلطان باس جبهتها : يا بعد تسبدي و حياتي انتِ ، ايه والله انه أحسن قرار

بعد انتهاء التجهيزات ركبوا السيارة و كان طريق السفر سعيد لأول مرة

جيلان : متحمسة أوري ترف شكلي الجديد

سلطان ضحك: والله لو انتس وش ، ترا بس زينتي شعرتس

جيلان تذكرت: سلطان وين بخور السيارة ؟

سلطان شغَّل لها البخور و بدأت تتبخر و تبخره معها

سلطان: عاشت بنيتي عاشت بسيستي

جيلان: لا يسمعك أحد و انت تقول بسيستي و انت طول و عرض

ضحك سلطان: وش بها يوم أدلع اختي

بعد أكثر من ساعة وصلوا و أخيراً لبيت خالهم فهد و كان الإستقبال أفضل من أي شيء توقعته جيلان 

كان مطلق مجمع العيال و ترف و واقفين ينتظرونهم بأبهى شكل و أجود كان جالس يوثق و يصور لحظة وصولها

جيلان نزلت تركض و حضنت مطلق

مطلق بصراخ : يمه  جيلان وصلت ، يا هلااا بأختي يا هلاا

جيلان ضحكت و راحت لترف و حضنتها و ترف كانت تبكي

ترف ببكاء: يا حيوانة و أخيراً جيتي تراني اشتقت لتس

جيلان ضحكت : و انا اشتقت لتس يا بعد عيني

هزاع و أجود كانوا مستحين يسلمون عليها
لكن جيلان كسرت ابو حياءهم و ضمتهم كلهم لكن هزاع ما قدر يمسك حاله و يوم ضمها رفها و دار فيها و كانوا كلهم يصرخون بفرحة انها رجعت و أخيراً بعد غيبة طويلة
و طلعت ذكرى وضمتها بشوق و فرحة 

ترف كانت تلعب بشعر جيلان: جيلان شعرتس يجنن تبارك الله كيف تسوينه كذا

جيلان استانست انه اعجبها : سلطان يعمله لي كذا لأن شعري نوعه ملفلف
ملفلف=كيرلي