يَا نَجمِي اللي تالِيَ الليل وقَّاد

٧- أصعب شعور ان جيت تكتب عن فراق ،دمعك حبر و أوراق حبك يتيمة

— في يوم عادي و تحديداً في مزرعة أبو مطلق —

كانوا العيال و البنات يلعبون مع الأغنام و الكل كان مستمتع

ترف : جيلان اركضي اركضي بيجينا التيس

جيلان كانت تدف عربية ترف و تضحك : ماهو جاي تراه دب ما يتحرك بسرعة

هزاع وهو يركض: لا تتشمتين يا غبية ترا فجأة تلقينه وراتس جني هذا

مطلق قال بلهث : اقول تعبت خلونا نطلع

جيلان بدأت تدوّر حولها : وين أجود؟

هزاع : راح يجيب شيء من بيت الشعر بس ما قال لي وش

جيلان : خلاص بخرشة لا تقولون شيء *راحت لبيت الشعر و كانت تدور أجود بس ما لقته فَ طلعت و كانت متوجهة للعيال مرة ثانية لكن شافت شيء خلاها تتجمد تماماً*

جيلان بصدمة و الدموع بعينها: أجود ! وش تسوي !!

أجود انصدم انها جت و رمى اللي كان بيده بسرعة

جيلان : شفتها تراني شفتها!! *راحت له و بدأت تضربه بقهر* وش خلاك توصل له ، ليش تدخن يا أجود ليش يا غبي والله ما تستفيد شيء

أجود بدأ يحاول يمسك يدينها و يهديها: جيلان اهدي و بعدين نتفاهم

جيلان بعصبية و قهر عاتبته: نتفاهم على إيش ؟ أجود انت تبي تذبح حالك نفس ما ذبح أبوي نفسه بهالأشياء !
اذا انتم ما تهتمون لأنفسكم على الأقل اهتموا فينا ! اهتموا بالناس اللي تحبكم و ما تبي لكم الشر .... تكفى يا أجود اتركه تكفى طالبتك طلب والله العظيم ما أطلبك بعده شيء تكفى تفكى اترك التدخين والله العظيم انه دمر كل حياة ابوي و كان سبب لكل الأمراض اللي جته

أجود كانت دموعه تطلع بدون أي محاولة منه بأنه يوقفها ، كان كلامها صح و كانت تقول الكلام وهي مجربته و حاسة فيه *حضنها و قال*: أنا آسف والله آسف وعد اني غير اتركه اليوم قبل بكرة لكن أهم شيء اهدي و الموضوع سهل والله و عادي أقدر عليه انتِ ادعي لي و ابشري

جيلان حضنته و حست انها قست عليه بكلامها فَ بدت تمسح على ظهره

ما كانوا شايفين العيون اللي تناظر و هي في قمة الغيرة
و هي عيون هزاع اللي كان شايف ان جيلان عاجلاً غير آجلاً راح تصير له و كان قلبه يحترق لما يشوفها مع أحد غيره
كأنها خلاص صارت من اشياءه الخاصة اللي ما يحب أحد يجيسها الا هو

هزاع من بعيد عمل نفسه ما يشوفهم و كأنه يدور عليهم : جيلان .... أجود وينكم

جيلان راحت له : حنا هنا

هزاع : وين كنتوا

أجود : هنا بس طولنا كنا نتكلم بموضوع مهم جداً

هزاع لاحظ عيون أجود اللي فيها من الحمار و قال: كأنك باتسي ؟

ضحك أجود : على وش ابتسي