يَا نَجمِي اللي تالِيَ الليل وقَّاد

١٤-أطمَع فيك و مَا أشبعك لو كل وقتي معك

تذكير :

ابو هزاع ابتسم: ودي ادخل بصلب الموضوع و اشاورك بشيء

سلطان : آمر وش بغيت

ابو هزاع : ما يامر عليك عدو ، حنا نبي نطلب بنتكم جيلان لـولدي هزاع على سنة الله و رسوله

سلطان : هذي الساعة المباركة و هزاع رجال ينشَد فيه الظهر ، و راح اسأل البنت و أرد لكم

عامر كان جالس و يناظر بصدمة لأنه ما توقع ان كلام هزاع يكون صدق

سلطان : مطلق ضيّف الرجال على ما أجي

مطلق : سَم

راح سلطان و دخل لجيلان و شافها تتفرج على جوالها بملل

جيلان شافته و قامت: سوسو وين الحريم ما جوا شكلهم بطَّلوا

سلطان ضحك: لا لا ما عليك بيجون لكن ينتظرون شيء

جيلان: ياليل شكلهم مطولين

سلطان: جيلان بسألك

جيلان: لبيه

سلطان جلس عندها و هو يلعب بشعرها و يتكلم : تقدم لك واحد

جيلان خافت انه يكون عامر: من هو؟

سلطان: هزاع ، اعطيني رايك

جيلان فز قلبها و كانت بتطير من الفرحة بس قالت : خلني أفكر بالموضوع

سلطان ضحك لأنه داري انها موافقة اصلاً: على ما تفكرين انا بروح اقول لهم انتس موافقة

جيلان: بس انا ما قررت

سلطان ضرب راسها بخفة: و مسوية ثقيلة بعد
*وراح جلس في المجلس ثم قال*: البنت موافقة

هزاع ما قدر يكتم ضحكته فَ قعد يضحك و يقول : الله يبشرك باللي يسرّك

عمر : خفيف خفيف

ابو هزاع ابتسم: الحمد لله ، و متى ودكم تكون الخطبة و العرس

سلطان: انا اشوف ان انسب وقت للخطبة بعد شهر و الزواج بعد الخطبة بشهر

هزاع انصدم و قال بقلبه*حسبي الله يعني بنتظر شهرين بدون ما اشوفها ولا اقابلها*

ابو هزاع: زين ما اخترت ، خلاص اتفقنا .. الله يتمم لكم و يجمع بينكم على خير يارب

هزاع ابتسم: اللهم آمين يارب العالمين

—————————————————————

عند جيلان ، كانت طايرة من الفرحة و بنفس الوقت خايفة و متوترة و كانت تنتظر الحريم اللي قال عنهم سلطان يجون بس ما جاء أحد

بعد دقائق انفتح الباب و دخلت ريحانة و سامية و ذكرى و هم يصفقون و يصارخون
و جيلان من الصدمة كانت مبتسمة و ما تدري وش السالفة
إلى ان بدأ الكل يهنِّيها على خطبتها و هنا بدأت تستوعب الموضوع