بعد أربع أيام و تحديداً في بيت ابو عمر:
كانوا جالسين العيال بالحوش و معهم البنات و يسولفون
هزاع: ايه صح ترف امي وش كانت تبي قبل شوي
ترف : كانت تبي جيلان، تعالي نروح لها تبي تشوفتس
جيلان استانست و راحت لمطلق: شكللي زين ؟ شعري حلو؟
مطلق ضحك: اقول توكلي بس يالبايخة
هزاع : يارجال والله انك ورع، لولو ما عليتس منه تهبلين
جيلان عطته نظرة: وضعك مريب بس شكراً
هزاع ضحك: عفواً
دخلوا جيلان و ترف على ام هزاع اللي اسمها "ريحانة"
ريحانة ابتسمت اول ما شافتها: ياهلا ياهلا بجيلان *حضنتها* ما شاء الله تبارك الله وش هالزين
جيلان كانت بقمة سعادتها بسبب ردة فعل ام ترف: هلابتس خالة ريحانة، مو كثر زينتس
ريحانة ابتسمت على ردودها: يازين البنات بس ، تعالن اقعدن ترا ما عندي احد يسولف معي انا
ترف : يمة ليش ما تنادين خالة ذكرى
ريحانة: رايحة للدوادمي
جيلان باستغراب: غريبة تعرفونها ، تراها زوجة خالي
ريحانة بصدمة: انتِ بنت بندر؟!
جيلان: ايه
ريحانة : ياربي ياصغر الدنيا سبحان الله والله حسيت بالشبه بينتس و بين ندى
*ندى هي ام جيلان*
جيلان من سمعت طاري امها حن قلبها: صدق اشبهها؟
ريحانة مسحت على راسها: ايه والله نفس الجمال تبارك الرحمن
ترف : يعني جيلان تقرب لي وناسة
جيلان: ما ودي اصدمتس لكني اصير بنت اخت زوج خالتتس يعني الله يصلحتس ما ينقال عنها قرابة حتى
ضحكت ريحانة ثم قالت: بنيتي جيلان البيت مفتوح لتس اربعة و عشرين ساعة و متى ما بغيتي تجين حياتس
ترف : يمة تكفين خليها تنام عندنا
جيلان: لا عيب اش
ريحانة : لا لا حلفت غير تنامين عندنا ما به عيب
ترف : كفو يمة والله انتس بطلة
ضحكوا جيلان و ريحانة على كلامها ثم طلعوا يلعبون بالحوش
*في المغرب*
جيلان : يا ورعان
العيال : نعـ..
مطلق : و الله ما الورع الا راستس
أجود: بغيت اقول نعم
جيلان ضحكت: بس انتم قلتوا اصلاً هههههه
أنت تقرأ
يَا نَجمِي اللي تالِيَ الليل وقَّاد
Romanceروايتنا تتكلم عن جيلان اللي تكون عايشة مع ابوها بعد وفاة أمها و لكن فجأة يتعب ابوها بلا سابِق انذار ، فَ يضطر انه يرسلها مع خالها اللي عايش في منطقة ثانية و يكون بيته في وسط مزرعة، و من هنا تبدأ أحداث الرواية الكاتبة: فَرد الجُمان