اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة 35
مش موافقه
انصدم صفوان وهنيدا خبطت بنتها وشيرين فنصت فيها
صفوان:يعني بتقنعيني انك مفسختيش عشانه؟
ريان تخزرطت وشيرين قالت:مالاخير البنت تبي تربيه
صفوان فنص في شيرين وهي نزلت عيونها:ماشي نعطوك مهله
ريان:بس يخالي قوله مش موافقه
صفوان شاف لي شيرين بي حده وهنيدا وشيرين يضحكن بخفيه:ربي يثبت علينا العقل والدين
مشي صفوان وشيرين وريان وهنيدا انفجرو بالضحك😂
---------------------------------------------d0aa-abd0
جي الصبح ونوضتها أمها بيش تمشي لكليتها ناضت فرحانه ولبست عالاقل تشوفه حتى لو من بعيد وأول ما طلعت بتركب مع خوها شدها بقوه من يدها وركبها فالسياره وهي نصدمت
مؤمن:هنا محاضرتين الي عندك منقعمز نراجيك فالكليه وحسك عينك يفردوس نشوفك ماشيه هك ولا هك
فردوس دموعها تنزل وحاطه يدها علي فمها ومؤمن حرك السياره بسرعه
---------------------------------------------d0aa-abd0
شاف جواد رسالة صفوان وخبط بيديه علي راسه:يااااربي الحل من عندك
شيع نقاله وكلم ريان ويرن ومحد يرد قريب 10 اتصالات بيش ردت😂
ريان:قتلك غالط يوخيي خيرك متفهمش
جواد:وحق لا اله الا الله متمشي لي خالك وتقوليله موافقه لمطربقها فوقي لوطي
ريان رعشت وجواد مسح بيده علي وجهه بعصبيه:ريان ارحميني
ريان:غالط قلنا😒
سكرت ريان وضحكت وهو لوح النقال وقعد يشد في شعره😂
---------------------------------------------d0aa-abd0
حطت هنيدا الغدي عالنار وقعدت سارحه في المطبخ وتسبح شوي ودق الباب ناضت حطت مصليتها وفتحت انصدمت بي مراه معاها عيل صغير
هنيدا:تفضلي
المراه شيعت خمارها:هنا حوش ريان رماح؟
هنيدا:أي هدي بنتي تفضلي تبي منها شيء
أنت تقرأ
لسابع ارض🕳
Gizem / Gerilimالدنيا عادله وتعطي لِكل دي حقٍ حقه👌 عشان هك مرات تحس نفسك في سابع سمي تلاحق في السحاب❤ ومرات تحس نفسك في سابع ارض غارق بين الوحل💔
