( Unicode )
ကောင်းကင်ယံက ကြယ်ပွင့်ငယ်များကို ငေးကြည့်နေမိသော်လည်း မြင်မိနေသည်က မြတ်နိုးခဲ့ဖူးတဲ့ မျက်ဝန်းတစ်စုံကိုသာ...။
အဲ့ဒီ့မျက်ဝန်းတွေ...လီလီ့ ကို ရင်ခုန်အောင်ပဲဖြစ်စေ ၊
ရင်ကွဲအောင်ပဲဖြစ်စေ စေခိုင်းနိုင်ခဲ့တဲ့ မျက်ဝန်းတစ်စုံပေါ့။
လီလီ့ အတွက် အဲ့ဒီ့မျက်ဝန်းတစုံဆီကနေ ရှောင်လွှဲဖို့ခက်ခဲတယ်၊မေ့ပစ်ဖို့မလွယ်ကူနေဘူး။
အချစ်ကနေ အမုန်းပြောင်းသွားတဲ့အချိန်မှာလည်း
ဒီမိန်းမဟာ ကိုယ့်စိတ်တွေမှာ
မတူညီတဲ့ပုံစံတစ်ခုနဲ့စိုးမိုးနေတုန်း။
နှလုံးသားထဲမှာလည်း ဒီမိန်းမဟာအမုန်းတွေအပြည့်နဲ့ရှိနေဆဲပဲ။
အရင်က လည်း အချစ်တွေအပြည့်နဲ့ဒီရင်ထဲမှာအဲ့မိန်းမကိုပဲ ချစ်ခဲ့တယ်။
ဘယ်လိုပုံစံနဲ့ဖြစ်ဖြစ် ခင်ဗျားချစ်ဖို့ကောင်းခဲ့သည်ဖြစ်စေ၊ အခုမုန်းဖို့ကောင်းနေသည်ဖြစ်စေ ကျုပ်စိတ်ထဲကျုပ်နှလုံးသားထဲမှာ ခင်ဗျားပဲနေရာယူနေတယ် ဂျဲနီဂင်ရယ်...မုန်းလိုက်တာဗျာ။
အချစ်တွေဟာလည်းခင်ဗျားကြောင့်ဖြစ်တည်ခဲ့ဖူးသလို အခု အမုန်းတွေဟာခင်ဗျားကြောင့်ဖြစ်တည်ခဲ့ရပြန်ပြီ...ကျုပ်ပြုမူနေတဲ့အပြုအမူတစ်ခုစီတိုင်းဟာ စိတ်ဖြစ်တည်မှုတွေလည်း ခင်ဗျားကိုရည်ညွှန်းနေတုန်းပဲ ကျုပ် ခင်ဗျားကို အဲ့သလောက်တောင်ပဲရူးရသလား ကျုပ်ကိုယ်ကျုပ်တောင်အံ့ဩရပါတယ် တကယ်ပါ။
ပြန်စဉ်းစားကြည့်ရင်...သေချာစဉ်းစားလေ ခင်ဗျားအပေါ် တောင်းပန်စရာတွေလည်းပေါသလို စိတ်နာစရာတွေလည်း တစ်သီတစ်သန်းချည်းပဲ။
" ချစ်လို့ " ဆိုတဲ့စိတ်တစ်ခုတည်းနဲ့ ခင်ဗျားကိုသိမ်းပိုက်တာကကျုပ်စမှားလိုက်တဲ့အမှားတွေဟာ အဲ့ အချစ် ခင်ဗျားအပေါ်သက်ရောက်နေတဲ့ကျုပ်အချစ်တွေရှိေနသရွေ့အထိ ပက်ပက်စက်စက်ကို မှားပစ်မိခဲ့တာပေါ့။
" ချစ်မိလို့ " ဆိုတဲ့ နှလုံးသားအလိုတစ်ခုနဲ့ ခင်ဗျား ကျုပ်အပေါ် ဘယ်လိုတွေပဲနင်းခြေပြောနေပါစေ ဘယ်လိုတွေပဲ ဆက်ဆံခဲ့ ဆက်ဆံခဲ့ ဘယ်လောက်ပဲ ထိုးနှက်ပြီးပြောဆိုပြောဆို ရင်တွေသာအကွဲခံပြီး ခင်ဗျားနားမှာ ကပ်တွယ်နေမိခဲ့တာ သိပ်ကို ရူးမိုက်ရာကျတာကလွဲပြီး ဒီဒဏ်ရာတွေကလွဲပြီး ဘာရခဲ့လို့လဲ တကယ်...နင့်နင့်သဲသဲ ကို ချစ်ခဲ့မိတာ ဂျဲနီဂင်ရဲ့ ခင်ဗျား နားလည်ကောင်းပါရဲ့။
