🩷رواية #حبيبة🩷
🌱 الحلقة الثالثة 🌱
🌹Hăbošh🌹للكاتبة
....................... 🩷🩷🩷🩷🩷🩷🩷🩷🩷🩷🩷
خشت شهد لغرفتي جايبتلي شوربة ساخنة و انا كنت دوبني واعي و جسمي ايصب عرق من شدة الحمى ، قعدت تهتم بيا لدرجة اطعم فيا بيدها و اني كنت فعلا مريض مش عارف اللي معاي امي ولا شخص ثاني..
خشت حبيبة واول ما شبحت عمتي علامات الاستفهام على وجهها سلمت عليها و سالت عن البنات قصدها على شهد واختها
عمتي: سارة في الجامعة و شهد قاعدة في دار تميم
حبيبة: 💔😡 شبحت لامي؛ تميم في الحوش !!؟
امي: اي حبيبة: 💔😡 شبحت لامي؛ تميم في الحوش !!؟
امي: اي راقد في داره
حبيبة: بلعت ارياقها؛ اهااا ؛ مشت تبي اتخش دارها كاتمة غضبها و حابسة دموعها 💔 شبحت شهد طالعة من داري في ايدها السفرة ابتسمت بخبث
شهد: هاااي
حبيبة:😡 جت لعندها؛ بعدي 😡؛
بعدتها من الباب وخشت عليا الدار، شبحتني راقد بالنوم و اني فعلا كنت مغيب عشان الدواء كان فيه نسبة منوم و مش واعي لاي حاجة حتى شهد مش واعي ان هي اللي كانت معاي و اتوكل فيا، عاتبته بخبث
شهد: برفعت حاجب؛ شن تبي منه خليه راقد؛
عضت على اسنونها بغضب و رجعت صكرت الباب و مشت من غير ما اترد عليها بس قلبها مليان حقد، خشت دارها جت عينها ع الدبدوب اللي جايبهالها هدية نتشاته بعصبية و عزقاته فوق الدولاب 😡 وبعديها طاحت ع السرير تبكي 💔🔥
خشت تسنيم عزقت شنطتها و تمتم بالكلام
تسنيم: خزي شن يحساب روحه باش يدخل في حياتي الحقيررر ، اووووف؛ قعمزت على سريرها و شبحت لحبيبة؛ قولي لتميم ايجي هو ايروح بينا راه اني
مرة ثانية مش امروحة مع اسامة؛ سمعت صوت شهقتها عقدت حاجبها وجت لعندها ؛ حبيبة!! خيرك تبكي!؟
تسنيم: تحرك فاها؛ حبيبة ندوي معك
حبيبة: بصوت مغموم؛ مريضة
تسنيم: شنو دورة؟
حبيبة: اي 😢
تسنيم: لاباس حبيبتي، تبي انجيبلك حاجة تشربيها
حبيبة: بالشهقة؛ لا مانبيش ، بس خليني نرقد توا نقعد كويسه
تسنيم: اوكي على راحتك؛ ناضت تبدل في حوايجها و بعديها طفت عليها الضي و طلعت
شهد و امجاد كانوا ايجهزوا في الغداء و عمتي تهدرز مع بوي في دار المعيشة و امي جاية اتشوف فيا مشت طلعت بطنية ثانية من الدولاب حطتها عليا و طلعت مشت لدار المعيشة
امي: شوف اسامة ايجي ايتغداء معانا
بوي: هيا توا انرن عليه
عمتي: بعد ايروح باخته توا اديرله غداء معه و خوه
امي: العفو خلي ايجيبهم ايتغدوا اهني
بوي: قاعد يتصل؛ السلام عليكم، اسامة كيف حالك
اسامة: الحمدلله يا خالي كيف حالك انت و كيف حال خالتي و البنات
بوي: بخير الحمدلله،وين قاعد
اسامة: ماشي لشركة، خير يا خالي تبي حاجة
بوي: سلامتك بس بنقولك لما اتروح ب اختك تعالوا تغدوا معانا
اسامة: حك شعره؛ شن انقولك يا خالي والله عندي شغل لفوق راسي، سامحني مرة ثانية
بوي: تمام على راحتك، ربي ايعونك
اسامة: تسلم يا خال بارك الله فيك؛
جاء يبي ايصكر تذكر حاجة رجع تكلم؛ ااا يا خال في مدرسة كويسة يعطوا حتى في كورسات لطلاب الشهادة ااا لو تسنيم تنقل فاها مش احسن
بوي: تمام توا انشوف تسنيم لو تحب تنقل ننقلها
اسامة: برتباك؛ اااها اووكي؛صكر منه و نفخ ؛ الفرخة هذه ضروري ننقلها 🤔
