🩷رواية #حبيبة 🩷
🌱 الحلقة الثامنة🌱
🌹Hăbošh🌹للكاتبة
..................... 🩷🩷🩷🩷🩷🩷🩷🩷🩷🩷
نزلت من السيارة و نزل السائق رفعلها الشنطة و رن جرس الباب
جت حبيبة تبي تمشي تفتح
امي: اااستني حبيبة ما تفتحش ااانتي؛
كنا خايفين عليها من الخطف ناضت امي باش تفتح الباب
امي: منووو؟
انجيلا: اوبن ذا دور بليز
امي: عقدت حاجبها؛ شن قالت 🤔، منووو انتي
انجيلا: افتهي مدااام ؛
فتحت الباب و عيوني امي اتفصل فاها من فوق لتحت و استقرت عينها ع الشنطة
انجيلا: نشبجلها؛ يو مام اامجد؟
امي: بستغراب؛ ااامجد!! و هذه من وين تعرف امجد يا غبابيري ؟ يستر الله ما ايكون في وراها مصيبة
انجيلا:بعدم فهم؛ I don't speak Arabic well
امي: شن اتقولي و الله ماني فاهمة عليك؛
قعدت تجمع في كلمات العربية اللي تعرفها باش تقدر تفهم عليها
انجيلا: اانا ااااء اااريدو ااان ااسالو ان امجد
امي: بعقدت حاجب؛ تبي تسالي على امجد؟
انجيلا: حركت ايدها؛ ييييس؛ قربت منها شدت ايدها؛ بليززز وير از هي
امي: بعدت منها وعيطت لحبيبة ؛ ياااا حبيبة
حبيبة: سمعتها مشتلها تجري و لما شبحت انجيلا بطئت خطواتها تشبحلها بستغراب
امي: تعاالي بالكي تفهمي عليها
حبيبة: جت لعندهن؛ هذه منو يا خالتي؟
امي: والله ماني عارفة تدوي انجليزي مافهمت شن تبي
حبيبة: حتى اني ما نفهمش انجليزي هلبا، ااءء
What do you want؟
انجيلا: I want to see Amjad
حبيبة: اامجد!؟؛ شبحت لامي؛ قالت تبي اتشوف امجد!!
امي: بقلق؛ زعما اتكون جامعته سمعت امداير حادث و بعثة حد يسال عليه!
حبيبة: يمكن
امي: قوليلها اتخش توا ايجي عمك ايشوف شن قصتها
حبيبة: شبحت لانجيلا؛ Come in
انجيلا: ابتسمت؛ Thanks ؛ شدت شنطتها سحبتها و خشت لسور تمشي و تشبح في المكان وامي وحبيبة يمشوا قدامها و يتهمسوا عليها
حبيبة: وصلت للباب شبحتلها؛ Please come in
انجيلا: سكرا ☺️
حبيبة: اافون 😒؛
خشت انجيلا قعمزت في الصالة و قعدت حبيبة تسال فاها عن اسمها و من وين جاية، عرفتها باسمها و جنسيتها و رجعت سالت على امجد
انجيلا: Is Amjad okay?
حبيبة: Yes؛
امي: شن قالت
حبيبة: تسال كيف حال امجد
امي: مممم، نوضي ضيفيها القهوة خلي انرن على عمك؛
مشت حبيبة للمطبخ و امي اتصلت على بوي و قالتله في وحدة اجنبية جاية تسال على امجد ، و انجيلا تشبحلها اتحاول تفهم منها كلمة ، جت حبيبة بسفرة القهوة
حبيبة: coffee
انجيلا: هزت راسها؛ No No
حبيبة: نزلت السفرة ع الطاولة و قعمزت جنب امي ايتهمسوا عليها
انجيلا: نفخت بملل؛ Can I see Amjad?
حبيبة: He is in the hospital
انجيلا: ناضت بفزع و ذبلت عيونها بأسف؛
Oh my God, what happened to him?؛
شدت راسها حست بدوران قعمزت حطت ايدها على بطنها؛
is he okay 🥺
حبيبة: Yes, fine؛ قربت منها؛ You are well
انجيلا: هزت راسها باسف؛ I feel dizzy ( اشعر بالدوار)
يشبحولها بستغراب
امي: شن قالت
حبيبة: ماعرفتهاش كلمة اهيا؛
قعدت انجيلا شادة راسها و تاخذ في شهيق و زفير و تغير لون وجهها لاصفرار
انجيلا: بتعب؛ Where is the bathroom
حبيبة: Come here؛ ناضت مشت وراها و امي واقفة مش فاهمة حاجة، بعد خشت انجيلا و صكرت الباب قعدت اتغصص وصوتها طالع
جت امي وقفت مع حبيبة بحذا الحمام
حبيبة: بوجع؛ مسكينة
امي: بثقة ؛ شكلها حامل
حبيبة: بتعجب؛ كيف عرفتيها
امي: واضح من وجهها؛
طلعت ايدها على بطنها وجهها احمر وعيونها محلقات
حبيبة: You are fine
انجيلا: بتعب؛ fine 🥺؛ رجعت قعمزت
امي: استني نسالها بطريقتي؛ قعمزت جنبها اشرت عليها ؛ اانت ؛ كورت فوق بطنها؛ حااامل، بيبي؟
انجيلا: هزت راسها بايجاب؛ Yes
امي: شبحت لحبيبة؛ مش قلتلك
انجيلا: بقلق ؛ I want to go to Amjad
Please take me to him
حبيبة: شبحت لامي؛ تبي تمشي لامجد !!
امي: عقدت حاجبها؛ شن علاقتها بامجد عشان اتشوفه
حبيبة: طرمت شفايفها بستنكار؛ شن انقوللها توا !
امي: تنهدت بضيق؛ قلبي مش امريحني؛
حست انجيلا مزال ما يعرفوش بزواجهم و كان لازم توضحلهم باش تقدر توصل لامجد و تطمن عليه، طلعت تلفونها و فتحت ع الصور و حطت على صورة لابسة ابيض و امجد حاضنها من خلف مبتسم، قربت التلفون لوجه امي
انجيلا: Look
امي: فتحت فمها بصدمة؛ نهاااري الاحررف؛ قلبت في الصور وكلهن لامجد و انجيلا و كل صورة احرف من اللي قبلها، و حبيبة من شبحت امي كيف هي مصدومة قربت منها و تفرجت معها 💔
انجيلا: شبحت لبطنها؛ And now I'm pregnant؛
تحولن نضراتهن لحركة ايدها على بطنها و الزوز صاروا متقنات الجملة اللى قالتها ما استحقوش لترجمة
امي: بصدمة و ضيق؛ ما تصدقهاش هذه اكيد تكذب
مستحيل ااامجد ايدير الشي هذا، مستحيل؛ انهاروا دموعها
و حبيبة ما قالت ولا كلمة هي الاخرى مصدومة ، حست بانعدام الثقة في كل شي، 💔
