🩷 رواية #حبيبة🩷
🌱 الحلقة العاشرة 🌱
🌹Hăbošh🌹للكاتبة
.......................... 🩷🩷🩷🩷🩷🩷🩷🩷🩷🩷
كانت حبيبة ادير في قهوة خش امجد وصكر الباب
حبيبة: بغضب؛ امجد افتح الباب واطلع برا قبل ما يشبحنا حد و يفهم غلط
امجد: نبي ندوي معك و انتي ما عطيتني فرصة انقول شن في قلبي
حبيبة: مانبيش نسمعك و لا نبي نعرف لوسمحت خليني في حالي يا اخي؛ جت تبي تطلع من الباب الجانبي فتحت الباب و نشبح امجد مع حبيبة ولما خشيت فتح الباب وطلع
تميم: 😡 بعقدت حاجب؛ شن كان ايدير معك؟!
حبيبة: مافهمتش سؤالك 💔
تميم: بغضب؛ سؤالي وااضح
حبيبة: دموعها نزلوا؛ ما نسمحلك تميم تغلط فيا
تميم: قربت منها؛ شنو قاعدة اتحبيه و ماهنش عليك فراقه💔😠
حبيبة: بلعت ارياقي بغصة؛ اانت شن تدوي 😢؛
شديتها بالقوة و فنصت فاها
تميم: ااي شي درتيه في الماضي نقدر انسامحك عليه، لكن بعد ما قعدتي مراتي لااا، فااهمة علياااا 😡🔥؛
رخيتها و مشيت من وين ما جيت، هربت من غضبي وخفت لو قعدت اكثر نتهور نجرحها او نضربها، ركبت السيارة وبدت معدتي اتقطع و المرة هذه حسيت بالم زايد اكثر من قبل، خذيت نفس طويل باش نهدا و الم مازال في معدتي و نزلت من السيارة خشيت الحوش نسرع ومشيت لحمام المربوعة قعدت انرجع و مع الترجيع طلع دم 💔
سمعني بوي وخش وقف وراي شاف الحالة اللي انا فها و انصدم من الدم اللي رجعته، وقفت ترجيع وفتحت ع المية نغسل في وجههي
بوي: هيا نرفعك المستشفى
تميم: بتعب؛ لا مافيش داعي انا كويس
بوي: لا يا تميم وضعك مش تمام، خلي ايشوفك دكتور
تميم: نمشي شاد بالحيط؛ شن يبي ايديرلي، ح يعطيني مسكن زي كل مرة
بوي: بقلق؛ انت لازم تمشي لتونس؛
تميم: التفتت عليه؛ الموضوع ما يستهلش شوي مغص وراح
بوي: والدم اللي رجعته؟ 💔
تميم: عادي اعصاب معدة، دويت مع حبيبة بخصوص العرس
بوي: لا اليوم نبي ندويلها
تميم: تمام، خليها تحط في راسها لو مش الاسبوع هذا الاسبوع الجاي العرس مش راح نستنى اكثر من هك...؛ 🔥
بوي: ما تشيلش هم ان شاءلله ح توافق، المهم انت توا امشي شوف دكتور يعرف شن قصة هالدم
تميم: ماهو داير منظار وخذين عينة، بس تطلع النتيجة توا نعرفوا شن سببه
بوي: بتنهيدة: باهي ان شاءلله خير
تميم: تبي شي مني
بوي: خليك وين ماشي
تميم: نمشي انشوف العمل ليا ايام ما مشيتش
بوي: توا انت مريض، اقعد تريح اليوم و امشي غدوة
تميم: لا خلي نمشي و باش اتقولي بعدين شن ايصير ؛
بوي: تمام، دير بالك على روحك
تميم: ان شاءلله؛ طلعت لسور خذيت نفس طويل و مشيت ركبت السيارة، كنت نبي حاجة تلهيني و مافيش خير من الشغل،
.
.
طلعت من المطبخ شادة دمعتها بالسيف و قلبها محروق من اتهامي ليها، خشت لدار و خشت وراها تسنيم
تسنيم: بتذمر؛ واااااك مبردها الوهمية زعمتلي كبدي
حبيبة: نفخت بضيق؛ اوووووف
تسنيم: اني بنعرف امجد كيف متحملها؛ وقفت ع المرايا فتحت شعرها؛ خسارة امجد حلو و شخصية حرام ؛ التفتت شبحتلها؛
خيرك ساكتة ما علقتيش
حبيبة: بضيق؛ علاش انعلق
تسنيم: لوت فمها؛ قولي حاجة، عبري عن رايك ، يعني ما تحسش بالغيرة بكل
حبيبة: عيطت عليها بغضب؛ غيرة شنووو انت الثانية، بالله عليك تسنيم خاطيني لا عاد تدويلي عليه نهاااائي 😤
تسنيم: بعقدت حاجب؛ باهي خلاص ،راه نهدرز عادي مافيش داعي انك تعصبي !!
حبيبة: بنرفزة؛ لااااا في داااعي و نص 😡؛ قعمزت ضمة ايديها و تهز بجسمها اتحاول تسيطر على زعلها و ما ينفجروا عيونها بالدموع
تسنيم: جت لعندها؛ خيرك حبيبة شن امزعلك ؟ ؛
و حبيبة ساكتة وجهها احمر و الدمعة محبوسة بعينها، قعمزت و شدت وجهها بين ايدبها و تشبح لعيونها
تسنيم: اسفة ما تزعليش مني ، اني و الله قلبي محروق عليكم انتي و امجد، و عقلي مش متخيل بعد خطوبة اربع سنين تزوجتي من خوه 💔 يعني كيف تبي اتعيشي مع شخص و قلبك مع شخص ثاني و المشكلة ان خوه
حبيبة: شدت راسها بوجع؛ خلاص تسنيم بالله عليك صكري ع الموضوع انتي مش فاهمة حاجة ، 😢؛ نزلوا دموعها و كل ما تمسحهم ينزلوا اخرى
تسنيم: بضيق؛ اوكي ح نسكت بس فكري في كلامي احسن ما تندمي بعدين 💔؛
ناضت خذت كتاب و طلعت تقراء لامتحان غدوة
.
.
