🩷رواية #حبيبة 🩷
🌱 الحلقة الخامسة عشر و الاخيرة 🌱
🌹Hăbošh🌹للكاتبة
.................. 🩷🩷🩷🩷🩷🩷🩷🩷🩷
خشيت دورت عليها في الدار اللي ترقد فها و بعديها مشيت لداري فتحت الباب اول ما شبحتها توسعوا عيوني بصدمة، كانت ع السرير مغطية جسمها بالحاف السرير و منهارة ابكاء ، ارتعبت من الحالة اللي هي فها و قلبي نغزني بوجع،
مشيتلها طاير ضميتها لصدري بحنان و هي بدورها زادت تبكي بالشهقة
تميم: بخوف؛ حبيبة شن صاير، خلاص ااهددي؛ بعدتها شوية و مسحت دموعها من على خدها بحنان؛ شن فيه حبيبة ليش تبكي؟
حبيبة: راسها لتحت وعيونها يمطروا دموع؛ تمييم ااانني اااسفة مش عارفه ليش درت هك
تميم: عقدت حاجبي بقلق؛ تكلمي شن صاير ؛
شديت ايديها الزوز طاح الحاف و طاحوا عيوني على جسمها وشبحتها شن لابسة، رخيت ايديها و بلعت ارياقي بتوتر ،
و هي بدورها قعدت اتشد و اتنزل ف الروب اتغطي في رجليها،
تميم:وخرت اعطيتها بضهري و تكلمت بضيق؛ علاش دايرة هكي في روحك
حبيبة: زادت ابكاء؛ غصب عني ؛
غطت وجهها بكفوف ايديها تبكي ، و انا مقعمز ع السرير و هي بالجنب
تميم: زفرت بحرقة؛ بس انا ما طلبت منك شي ، و من اول يوم جيتي لشقة قلتلك كل حد يرقد في دار، لان مستحيل نلمسك و نجبرك على شي و انتي تعرفي ليش
حبيبة: مسحت دموعها بخيبة ؛ اااي عارفة مافيش داعي اتذكرني انك تزوجتني غصب 💔؛
لفت روحها بالحاف و نزلت من الجهة الثانية لسرير،
مشيت بسرعة صكرت الباب
تميم: حبيبة ااستني انا مش هذا قصدي
حبيبة: بس هذه هي الحقيقة يا تميم انت ورطت روحك عشان تحميني من سامر و عارفة توا مش مجبور اتكون في علاقة بينا...؛
تميم: قاطعتها؛ لااا مش صح ؛ سكتت و زفرت بضيق ؛
ما نقدرش انكون معك زوج و انتقرب منك لاني عارف اتحبي امجد 💔
حبيبة: بانفعال؛ بس اااني عمري ما حبيته ليش ما تبي تفهم و تحس بيا
تميم: نفهم شنو!؟؛
حبيبة: ببكاء؛ ان اااني اانحبك اانت ؛
جت تبي تفتح الباب و تطلع شديتها و صكرته بجسمي
تميم: و امجد ؟ قعدت نشبحلها اتجاوب ؛ جاوبيني حبيبة
حبيبة: من بين دموعها؛ امجد انتم حطيتوه في طريقي مش اني اللي اخترته 💔
تميم: بعدم استعاب؛ بس انا شبحتك كنتي معه في المطبخ مصكرين الباب عليكم و سمعتك و انتي اتبرري و اتقوليله ان مافيش علاقة بينا، و الله اعلم شن في اخرى ماش...؛ قاطعتني
حبيبة: بغضب؛ وووخررر تميم و اانسى كل اللي قالتهولك؛ رخت الحاف و دفعتني بالقوة باش فتحت الباب و طلعت تجري لدار الثانية، مشيت وراها
تميم: حبيبة ااستني ما ت... ؛
خبطت الباب في وجههي وصكراته بالمفتاح؛ افتحي الباب حبيبة قاعد ندوي معك
حبيبة: مستندة عليه وتبكي؛ مافيش حاجة ندوو فها، اصلا مهما دويتلك مش ح تفهم 💔؛
زفرت بضيق و سمعتها تبكي بالشهقة
تميم: بوجع؛ ااااخ حبيبة ليش تبكي اانتي هك ااتعذبي فيا ، هيا عشان خاطري اافتحي
حبيبة: ببكاء؛ خلاص تميم اامشي 💔
تميم: مش قبل ما تعرفي حقيقة مشاعري شنو
حبيبة: بغصة؛ عارفة مافيش داعي اتقول
تميم: بثقة؛ تعرفي قاعد انحبك بكل مسميات الحب اللى في الكون، حبيبة انتي حب الطفولة و حالة خاصة من يوم اللي جيتي فيه لدنيا دخلتي قلبي و مافرقتيش ولا ثانية وحدة، شن تبي تعرفي اخرى،
سمعت صوت القفل و فتحت الباب تكلمت من وراه
حبيبة: بستعطاف؛ انت اتقول هك عشان ما تبيش تجرحني، صح 🥺
تميم: زدت فتحت الباب و خشيت تقربت منها؛ لا حبيبة صدقيني هذه مشاعري اتجاهك اللى كنت داسها من زمان في قلبي و ساكت 💔؛
قعدت انتقربت منها و هي اتوخر و اتحاول تغطي مفاتنها بايديها، تقربت اكثر لصقت فها
حبيبة: برتباك؛ تميم ووخررر عني
تميم: نشبح لجسمها بذوبان ؛ بس انا انحبك حبيبة اانحبك
حبيبة: بلعت ارياقها؛ لا انت تكذب عليا
تميم: و ربي ما نكذب عليك؛
كنت خلاص قريب من شفايفها و خرت خطوة لصقت بالحيط
حبيبة: بوجع ؛ لو كنت اتحبني زي ما اتقول ليش تخليت عني و رضيت ننخطب لامجد 🥺
تميم: والله ما كنت متوقع يبي ايصير هك و انا كنت غبي معرفتش انتصرف صح، بس انتي ليش واافقتي !!؟
حبيبة: لما حكالي خالي بالاول كنت متوقعته انت عشان هك وافقت و للاسف طلعت عايشة في ؤهم و عرفت لمن انخطبت 💔
تميم: مررت ايدي بشعري؛ معقولة طول هالسنسن قاعدة اتحبيني و مقدرتش انحس بيك؛
شبحتلها مش عارف روحي نزعل ولا نفرح، حاوطتها من خصرها و همست في وذنها
تميم: انحبك حبيبة و ربي انحبك و انموت فيك، اعطيني فرصة نثبتلك؛
نزلت لشفايفها طبعت بوسة خفيفة و كانت ترعش من الخوف والارتباك،
حبيبة: تمميمم اااني خااايفة
تميم: رجعت لصقت فها و همست بانفاس متسارعة؛ اوووصصص ما تخافيش حبيبتي؛
نزلت انبوس فها و استسلمت لرغبتي المتلهفة، بعد ما سحرتني بجمالها و انوثتها رفعتها بين ايديا و مشيت بيها لداري و نزلتها ع السرير، جيت قربت منها نمسح على خدها الناعم و نشبح لعيونها بذوبان، همستلها بحب
تميم: اليوم اسعد يوم في حياتي اللي ح تكوني فيه ملكي؛
توردوا خدودها و نزلت وجهها بخجل، رفعته بيد و نزلت على شفايفها انبوس بخفة و زدت تعمقت اكثر انبوس بشغف و انفاسي تتسارع بحرارة، كانت مستسلمة تماما و انا نازل انبوس في رقبتها و جسمها ، وخرت من عليها فتحت ازرار القميص نحيته و نحيت باقي حوايجي و كنت نشبحلها كيف وجهها متلون بالاحمرار من الخجل مع صوت انفاسها المرتعشة، رجعت تقربت منها مررت ايدي بشعرها و ايدي الثانية على خصرها سحبت جسمها لتحت وجيت فوق منها و....❤🔥
.
.
امجد: السلام عليكم
امي و بوي: و عليكم السلام
بوي: شن صار معك
امجد: قعمز؛ غدوة ان شاءلله ينهوا الاجراءت و نستلمهن
بوي: ان شاءلله على خير
امي: يعني خلاص تبي اتسافر 💔
امجد: ااي ان شاءلله الاربعاء
امي: بحزن؛ شن ايصبرني سنة اخرى
بوي: خلاص هانت كلها سنة يتخرج و تلقيه قدامك
امجد: بتلعثم؛ اااء يمكن نقعد اكثر من سنة مش عارف
امي: بصدمة ؛ شنووو ، رد بالك امجد اتقولي تبي تستقر غادي
بوي: اصبري خلي نفهموا منه
امجد: بلل شفته؛ اطمني يا امي مش ح نستقر غادي بس انجيلا مزالها سنتين و تكمل و انا بنزيد نقراء لين ناخذ الماجستير
امي: لا هكي هلبا و الله قلبي معاد يتحمل افراقك 💔
امجد: ان شاءلله في العطلات ح انجوا زيارة
بوي: ان شاءلله ربي ايسهلك و تروح مجبور الخاطر
امجد: امين
امي: دموعها نزلوا؛ ح يفضى علينا الحوش يا عادل و نولوا عايشين بروحنا
بوي: ابتسملها؛ كويس منها تلقي وقت لشغلك بدل ما قاعدة في الحوش
امجد: ههههه
امي: بحسرة؛ الحق قبل مريحتني امجاد و حبيبة الله يذكرهن بالخير
تسنيم: نقصت من صوت الtv ؛ شن قصدك ياماما يعني اني ما اندير في شي
امجد: بالضحكة؛ لا انتي اللسانك بس اللي يخدم في الحوش
امي و بوي: 😂 😂
تسنيم: شبحتله بطرف عينها؛ احسن من اللي راقد 24 ساعة 😒
امجد: برفع حاجب؛ على الاقل ما تنفخش الراس زيك 😁
امي: خيرها اليوم ما طلعتش ان شاءلله مش مريضة
امجد: واخذة كتب دينية قالت تبي تقراهم
امي: باهي ربي يثبتها
امجد: ان شاءلله؛
ناض مشى لداره فتح الباب و انجيلا مقعمزة ع الكنبة و تقراء في كتاب سيرة الرسول مترجم للغة الانجليزية،
امجد: كيف حالك
انجيلا: صكرت الكتاب و نزلت رجليها؛ بخير الحمدلله، هل كل شي على ما يرام؟
امجد: فتح الدولاب؛ اجل، اتممت كل شي و سنرحل الاربعاء القادم
انجيلا: بتنهيدة؛ لا ادري ماذا ينتظرني هناك و كيف سيكون لقائي بوالدتي 💔
امجد: زفر؛ لا تفكري بالامر ؛
بدا ايبدل في حوايجه؛ ماذا تقراين
انجيلا: قلبت الكتاب و بابتسامة؛ اقرا سيرة الرسول (صلى عليه وسلم)
امجد: عليه الصلاة والسلام
انجيلا: بفرحة؛ انه كتاب رائع و استمتعت كثيراً بقراءته
امجد: هذا جيد؛
مشى حط تلفونه في الشحن ؛ تريدين الجلوس مع العائلة ام ستكملي القراءة
انجيلا: لا سوف انهي القراءة و الحق بيك
امجد: اوكي؛
طلع من الدار و التفت لدار تسنيم و حبيبة كان بابها مفتوح و شبح ع الكمدينو علبة هدايا كان جايبها لحبيبة من بريطانيا، مشى خش لدار حط ايده ع العلبة فتحها و كان في داخلها الهدية و معها حاجات اخرى حطتهم حبيبة في العلبة، لفت نضره تلفونها القديم طلعه شبح فيه يبي ايشغله لقاه بدون شحن حطه في العلبة وصكرها وطلع، امي كانت ماشية المطبخ شبحاته طالع من الحوش
امي: امجد وين ماشي نبي انحط العشاء
امجد: شبحلها ؛ نازل لسيارة توا انجي ؛
كمل مشي و طلع ركب السيارة فتح الدرج دور على خيط شحن لتلفون خذاه و نزل من السيارة و مشى خش للمربوعة بدل الخيط بتاع الشحن و طلع التلفون حطه يشحن و غطى العلبة بالمخدة و رجع خش الحوش قعمز مع العيلة ايهدرز مع بوي
.
.
كنت في قمة السعادة و هي راقدة في حضني نشبح لوجهها الملائكي و نلعب بخصلات شعرها بكل حب،
تميم: يا الله يا حبيبة قداش كنت نتمنى فها الحظة هذه و الحمدلله تحقق حلمي و راقدة بحضني
حبيبة: ابتسمت بخجل؛ ربي ايخليك ليا حبيبي
تميم: قربت وجههي؛ شنووو ما سمعتش
حبيبة: بابتسامة؛ ربي ايخليك ليا
تميم: حركت خشمي على خشمها و بهمس ؛ وشن الكلمة الاخرى
حبيبة: عضت شفتها؛ حبيبي
تميم: ذبلوا عيوني؛ اااخخخ محلاها الكلمة من شفايفك اللي انموت فيهم ؛
نزلت لشفايفها انبوس فها و انتغزل بجمالها و.... ❤
بعد وقت خشيت الحمام دوشت و طلعت لابس الفوطة على نص جسمي و جيت خشيت لدار لقيتها مزالت ع السرير
تميم: هيا يا حلوة نوضي دوشي و تعالي المطبخ ، انا اليوم عازمك ع العشاء
حبيبة: قعمزت بكسل؛ نعسانة خاطري نرقد
تميم: بغمزة؛ مزال الليل باوله و ح نسهروا هلبا مش راح نخليك ترقدي
حبيبة: زمت فمها؛ لاااااا😩؛
نزلت من السرير و طلعت للحمام و انا نضحك عليها لبست شورت نص الساق و تيشرت و مشيت المطبخ كنت جايب عشاء من برا سخنته في المكرويف و جهزت السفرة و انا مستمتع بالشغل و انغني كان عندي طاقة اندير اي شي بدون تعب ولا ملل ،
تميم: عيطتلها؛ وووينك حبيبة العشاء جاهز
حبيبة:هيااا جيييت؛
خشت لافة شعرها بالفوطة ولابسة بجامة جت وقفت تشبح لطاولة؛ واوو الريحة اتشهي؛
جيت وراها حضنتها من خلف و غرست وجههي برقبتها انبوس فها
تميم: ريحتك اللي اتشهي 🤤
حبيبة: ضربتني على راسي؛ خلاص عاد
تميم: زدت ضميتها بالقوة؛ انا ما نشبعش منك 🔥
حبيبة: هههههه ممكن نتعشوا
تميم: ممكن يا روحي؛ طبعت بوسة درتلها علامة في رقبتها
حبيبة: بعياط؛ تميييم
تميم: هههههههه اوكي خلاص
.
.
خش المربوعة خذا التلفون من الشحن وقعمز ع الصالون شغله و لما ولع قعد ايقلب فيه خش ع الاستديو لقى ملف كله صور ليا بروحي و في بعض من الصور قاصتهم من صور جماعية، طلع من الاستوديو وقعد ايفكر ليش محتفظة بس بصوري طبعا مالقش اي تفسير غير ان ايكون بدافع الحب، فتح العلبة حط فها التلفون و قبل ما يرجع ايصكرها شاف مذكرة صغيرة خذاها فتح اول صفحة مكتوب اسمها و رسمة اب وام وسطهم بنوتة، الرسمة كانت لحبيبة رسمتها هي صغيرة قعد ايقلب في صفحاتها كلها رسوم و اخر صفحات كتابة بخط ايدها بتاريخ قبل يوم اللي ح تنقل فيه من حوش خالها لحوشنا،
كانت كاتبة هلبا كلام و بين الاسطر شاف لجملة ( برغم الخوف بس ح انكون سعيدة بوجودي قرب تميم ❤)
قلب الصفحة و قراء خاطرة كاتبة فها بالمختصر ان هي زعلانة و قلبها مكسور عشان انخطبت لامجد؛ رجع قراها مرتين
و اتضحت الصورة؛
رجع المذكرة و خش الحوش شاف تسنيم في دار المعيشة تهدرز بالتلفون خش لدارها حط العلبة ع الكمدينو جنب سرير حبيبة و طلع خش داره قعمز ع حافة السرير و فكر لو هما تزوجوا ح تعيش معه بس جثة والقلب مع حد اخرى والاصعب ايكون خوه، حمد ربي ان ما كملش في الزواج ،
نزل على ظهره استرخى و هو ايفكر ان اللي داره اسامة كان لصالح الكل،
.
.
تسنيم: باهي ما قاللكم تمشوا تخطبوله؟
سارة: لا لا، انتي من وين عرفتي!؟
تسنيم: سمعتها من برا
سارة: يا خية الناس اتجيب في كلام الشخص بروحه مايعرفهاش،
تسنيم: بس المصدر موثوق
سارة: اشاعة حبيبتي لو في شي مش ح اندس عليك
تسنيم: ممم
سارة: مافيش اخبار ع النتيجة امتى تطلع
تسنيم: اوووف ليش اتذكرني مش ناقصني هم احرف 😩
سارة: ذكرهم ونكد عليهم 😅
تسنيم: ح ايجي دورك السنة الجاية
سارة: عادي مش شايلة هم الدراسة، اني قاعدة انفكر كيف انفوتوا العطلة
تسنيم: وووووك ما تزيدش عليا خاصة توا قعدت بروحي في الحوش 😭
سارة: تعالي غدوة عندنا غيري جو
تسنيم: ممم توا اتفكر و نقولك
سارة: اوكي
تسنيم: هيا باي
سارة: باي؛
