🩷 رواية #حبيبة🩷
🌱 الحلقة الرابعة🌱
🌹Hăbošh🌹للكاتبة
...................... 🩷🩷🩷🩷🩷🩷🩷🩷🩷🩷
لما طلعنا انا و حبيبة اتصل اسامة على امجد و طلب منه ايجي يقعد معه باش ايروحوا بالعيلة و بالصدفة امجد كان في الحوش
امجد: و تميم وين ؟
اسامة: برتباك؛ صايرة مشكلة مع حبيبة رفعها للحوش
امجد: بستفسار؛ مشكلة شنو
اسامة: الحق ما نعرفش شن في بالزبط
امجد: اها تمام، امتى طلعوا؟
اسامة: من شوية
امجد: اوكي ؛
صكر منه و طول رن عليا بس وقتها كنت مشغول في حبيبة انسكت فاها،
طلع قعمز برا الحوش و كل شوية ايشوف لساعة بنفاذ الصبر و لما فات ربع ساعة مشى لسيارة دور ع المفتاح في جيوبه طلع ناسيه في الدار، رجع خش الحوش و نحن وقتها كنا واصلين،
كنت مقهور من اللي صار معها، نزلت فتحتلها باب السيارة و خشينا الحوش،
وقفت قدامها حطيت ايديا على اكتافها
تميم: هيا حبيبة خشي اغسلي وجهك و بدلي حوايجك، ح اتشوفي كيف ناخذلك حقك منهن
حبيبة: لا يا تميم ما نبيش اتعارك مع حد بسببي 🥺
تميم: نشبح لعيونها بثقة؛ و حياتك نمسح بيهم الارض عاللي داروه فيك ؛
لما شبحت كيف نزلوا دموعها بغزارة ضعفت و بدون ما نحس قربت منها كنت نبي نحضنها
امجد: 😠 تميييممم 🔥؛
وخرت خطوة نشبح لامجد بصدمة جاي لعندنا و يشبحلنا بستغراب
امجد: فهموني شن اللي قاعد ايصير!!؟
تميم: برتباك؛ تعال نحكوا برا؛ جيت بنحط ايدي على ضهره و ناخذه معاي
امجد: وخررر عني تميم ، اني بنفهم منها هي ؛ قرب منها هلبا ؛ علاش تبكي
تميم: امجد البنت اعصابها تعبانة تعال معاي ندويلك
امجد: باصرار؛ لوسمحت تميم نبي ندوي مع خطيبتي ياريت تخلينا بروحنا؛
جسمي رعش و كنت نبي انبعده باي وسيلة المهم ما يقعدوش بروحهم دقيقة
تميم:بلكلكة؛ بس اا اسامة يستنى فيك باش اتروحوا بالعيلة
امجد: لالا فوتني ماليش مزاج لجو اهوا، امشي انت روح بيهم
؛ رجع يسال في حبيبة و انا قعدت نشبحله كيف ايكلم فاها بحنية، حسيت روحي مقيد و عاجز ، و كان اجباري نطلع و بكل خيبة سحبت روحي و مشيت طلعت ركبت السيارة انشغل فاها و ايدي ترعش ماحوتك علقت المفتاح 🔥
بعد الحاح قالت له تعاركت مع شهد و اضطرت اتروح الحوش
طبطب عليها بحنية و لاول مرة كان ايحس بشعور الحب و المسؤولية اتجاها
امجد: خذا ايدها شد عليها؛ خلاص حبيبتي ما اتضيقش روحك بعد اليوم مافيش مخلوق يقدر ايزعلك ولا يدوي معك بكلمة، و اي شي ايصير معك اتجي تدويلي، اوكي
حبيبة: هزت راسها بارتباك ؛ ااوكي؛ جت تبي تمشي عشان
ما توقفش معه اكثر من هكي بس امجد حاب ايكون معها فترة طويلة يتعرف عليها اكثر خاصة ان كل حديثهم ع تلفون كان على امور سطحية مالهاش علاقة بارنباطهم ولا كان فيه اي مشاعر و حاليا تغيرت الصورة و بدا ايحبها و ايشوفلها بنضرة اخرى غير اللي ايشوف فاها قبل
امجد: عيطلها؛ حبيبة
حبيبة: وقفت و شبحتله؛ نعم
امجد: ابتسم لين بانت غمزاته؛ لما بدلي حوايجك تعالي نقعمزوا في الجنان نبي ندوي معك
حبيبة: مرتبكة؛ خليهااا مرة ااخرى عشان مزلت نبي انصلي و مرات انتاخر، يعنييي...؛
امجد: تمام، مالا غدوة نعزمك ع الغداء برا و نحكوا على راحتنا، اوكي؟
حبيبة: باحراج؛ اي اوكي؛
مشت خشت دارها وصكرتها قعدت واقفة ع الباب وجهها ايتلون و دموعها ينزلوا زي المطر ، شعور انك اتكون مع شخص وقلبك مع شخص ثاني مميت خاصا لو كان الشخص هذا من سابع المستحيلات ايفكر فيك او في يوم من الايام ايكون ليك،
اما انا طلعت بالسيارة نجري بسرعة جنونية مقهور و متوتر بشكل مش طبيعي، اول ما وصلت رنيت على امي و قلتلها هيا اطلعوا
اسامة: جاء لعندي؛ رنيت عليهم
تميم: بسرحان؛ اييي
اسامة: كيف حالها حبيبة
تميم: كويسة؛خبطت ع الكلاس؛ اوووف كانهم عطلواا الززززح؛ قعدت انسب اعصابي محروقة
اسامة: بعقدت حاجب؛ تي خيرك مولع 🔥 اصبر شوية
تميم:بعصبية؛ شن نصبر من الصبح واقف على رجليا خللااص ال🔞 تعبت
اسامة: ليش ما خليت اسامة جاء بدالك،؟؟ اي صح هو وين ؟
تميم: زفرت بنفس طويل؛ في الحوش 💔
اسامة: اهااا، هذا علاش انت معصب!!
تميم: مررت ايدي بشعري؛ ااااخ قسم بالله نفسيتي تعبت
اسامة: صدقني مزال تتعب اكثر لو تقعد اتفكر فاها ، انت لازم تلقى حل لمشكلتك
تميم: حل شنووو بس، ااوووف، متخيل الشي بيدي؟
اسامة: لما اتكون قدام عينك، طبيعي مش ح تقدر تنساها
تميم: و الحل برايك شن ، كذا قولي!!؟
اسامة: سكت شوي و بتردد؛ اتسافر معه
تميم: بغضب؛ كيف اتساافر معه ، اانت اهبل!؟
اسامة: قصدي قبل ما ايسافر يعقد عليها و يرفعها معه
تميم: بنرفزة؛ تمشي ااتشوفهم يطلعوا ولا نمشي و ايدوروا مع من ايروحوااا
اسامة: هيا توا انرن ؛ طلع تلفونه ومشى قدم ع الباب الصالة
قعدت في السيارة ما نزلتش و عقلي مشى لعند حبيبة، شوي و طلعت امي و باقي النسوان
و اسامة و زوز من الشباب العيلة يرفعوا في الحاجات اللي فضلوا من العرس ايحطوا فيهن في سيارة خالي و بعديها روحنا للحوش
اول ما درست السيارة نزلت خذيت كم حاجة باش اندخلهم الحوش عشان انشوف حبيبة و امجد
خشيت السور و شبحت امجد طالع من المربوعة و انتبهت ان حتى بوي قاعد معه، ارتحت شوي و اعصابي هديت و كملت طريقي اتجاه المطبخ
اما حبيبة قاعدة في دارها ما تبيش تلاقى مع عمتي و شهد
لما نزلت الحاجات في المطبخ وطلعت شبحت شهد خاشة الحوش و راها امي و كانت رافعة حاجات للمطبخ، وقفت نستنى فاها ع الباب
شهد: بابتسامة؛ عقبال عندك يا رب
تميم: بهدؤء؛ نزلي اللي بيدك وتعالي نبيك في كلمتين
شهد: اوكي؛
توترت عشان عرفت علاش نبيها من طريقة كلامي معها،
مشيت لامي لقيتها تبكي، باركتله و مسحت على خدها بحنية
تميم: علاش البكاء توا
امي: الله غالب طلعت البنت شينة 🥺
تميم: معليش هذه سنة الحياة
امي: شادة وجههي بين ايديها؛ عقبال ما نفرح فيك انت وخوك و انشوف اصغاركم 🥹
تميم: خذيت ايديها نزلتهم لفمي بستهن؛ ربي ايخليك لنا و ايطول بعمرك؛
خشت عمتي و البنات قعدت تقولي عقبالك انت و اسامة و امجد واني كاني ما نسمعش فاها خليتهم لين خشوا لصالة و طلعت شهد، مشيت دقيت ع الباب
تميم: حبيبة افتحي ؛ استنيتها لين فتحت الباب؛ هيا تعالي؛ رفضت تمشي معاي، شديت ايدها و مشيت بيها لصالة و كانت ترعش و ايديها مجمدات، شبحولنا بستغراب وقفنا قريب عليها
تميم: شنو يا عمتي الكلام اللي قلتيه على حبيبة، مش عيب اتبلي عليها
عمتي: تكذب عليك انا ما قلتلها شي، هي اللي قللت ادبها ترفع في صوتها عليا
تميم: بغضب؛ شن دويتي عليها باش رفعت صوتها عليك، شوفي يا عمتي الكلام اللي قلتيه لو يتكرر راه ما ينسكتش عليه ، وقتها معش نعرف حد 🔥😡
امي: بستغراب؛ تميم شن فيه، علاش الدوة هذه كلها!!؟
تميم: ما تعرفيش شن داروا في حبيبة، تدوي انتي يا شهد ولا ندوي انا
شهد: بثقة؛ هي الاول غلطت في امي، تبي نسكت لها
تميم: فنصت فاها؛ من اللي كان يدوي عليها!!؟ و يشوه في سمعتها، شنو يا عمتي ترضيها في بناتك ؟ ؛
ما عرفتش شن اتقول ولا تقدر حتى ادافع على نفسها عشان عارفة هي غلطانة و ماعندهاش كيف اتبرر موقفها
تميم: رفعت اصبعي بتحذير؛ حبيبة خط حمر ما نبيش مخلوق يفتح فمه عليها و اللي يغلط فاها كانه غلط فيا، فهمتوا علياااا ؛
امي: تهدي في الجو؛ خلاص تميم اكيد عمتك مش قصدها و اللي صار ان شاءلله مش ح ايتكرر
تميم: قصدها ولا مش قصدها ما يهمنيش اللي ايهمني تبعد شرها عن حبيبة 🔥
شهد: بحقد؛ راك زودتها، ششن ولت هي ؛ جت نبي نهجم عليها
امي: وقفتني؛ تربح سلم ولدي العن الشيطان و امشي
حبيبة: ترعش؛ خلاااص تميم 😢
تميم: لااا مش خلاص و مش طالع لين شهد تعتذر لحبيبة 😡
شهد: تحلم😠
تميم: رفعت حاجبي بتهديد ؛ تبي تعتذري ولا 🔥
امي: تشبحلها؛ يا بنتي مشي هالليلة على خير
شهد: عقدت حاجبها؛ اسفة، تمام هكي
تميم: شبحت لحبيبة؛ شنو؟
حبيبة: هزت راسها؛ اوكي ؛
رخيت ايدها و مشت خشت دارها لحقوها تسنيم و سارة و انا طلعت ع الشباب برا
المهم برد قلبي شوي و درتلهن حدود باش مرة ثانية يعرفوا مع من يغلطوا...
