🩷رواية #حبيبة🩷
🌱الحلقة الاولى 🌱
🌹Hăbošh🌹للكاتبة
🩷🩷🩷🩷🩷🩷🩷🩷🩷🩷🩷.......................
و باليل خذيت بوي دخلته داره باش يرتاح و امي كانت تجهزله في سريره شبحلها
بوي: بحزن؛ وين حبيبة ماشبحتهاش!؟ ؛
وقفنا برتباك نشبحوا لبعض رجع عاود السؤال
بوي: خيركم تشبحولي حبيبة وين، جيبوهالي انشوفها
امي: تنهدت بوجع؛ حبيبة خذاها خالها ؛
انصدم بوي و عصب
بوي: كيف!! و من سمحله ياخذها
امي: قطعاته؛ بس هذا خالها و هو اولى بيها من بعد بوها و امها الله يرحمهم
بوي: بغضب؛ لاااا يا نواال البنت خلاها عبيدة امانة عندي
و انا مستحيل انرفط في الامانة طول ما اني عايش؛
شبحلي و باصرار؛
شوف خالك غدوة ح انسافروا لترهونة
امي: بس يا عادل انت مش حمل السفر و انت بال ...؛ سكتت
بوي: بوجع؛ كملي ليش سكتي
امي: سامحني و الله ما قصدي، اني بس خايفة عليك
بوي: خايفة عليا من شنو، فكرك اني خلاص معش نقدر نطلع من الحوش...؛ قاطعاته
امي: لااا اني مش هذا قصدي
بوي: بزعلة؛ قصدك ولا ما قصدك اني غدوة امسافر و مش راجع الا و معاي حبيبة؛
صكر راسه ان ايسافر معانا و فعلا ثاني يوم سافرنا اني و بوي و اسامة لترهونة و برغم المسافة مش طويلة هلبا بس بوي تعب في طريق و اول ما وصلنا اضطرينا ناخذوه المستشفى
لما سعفوه طلع السكر مرتفع هلبا دخلوه طول للعناية
بعد ساعة طمنا الدكتور بس قال ضروري يقعد في العناية 24 ساعة
اتصلت امي للمرة الخامسة و اضطريت انرد عليها
امي: ايوه تميم، علاش ما ترد على تلفونك
انا: كنت ناسيه في السيارة
امي: وصلتوا؟
انا: اي وصلنا
امي: وبوك كيف حاله
انا: بضيق؛ الحمدلله
امي: باهي الحمدالله، شفتوا حبيبة؟
انا: تنهدت ؛ لا مزال.اااء بوي تعب شوية اضطرينا نرفعوه المستشفى
امي: ضربت صدرها؛ ووااه عليااا هذاا اللي كنت خايفة منه، والله قلبي كان حاسس ؛
قعدت تبكي و تمتم بالكلام
انا: خلاص يا ام وضعه كويس ما تخافيش عليه
امي: ببكاء؛ كيف ما انخافش انت عارف صحة بوك اللي صارله مش شوية 💔😢
تميم: اطمني لو وضعه خطير كنت روحت بيه ما قعدناش اهني
امي: و شن قالك الدكتور
انا: كان عنده ارتفاع في الضغط و السكر و توا كويس الحمدلله
امي: تنهدت بقلق؛ تربح يا اوليدي دير بالك منه
انا: حاضر يا ام، هيا نبي انصكر تلفوني بيكمل شحنه، غدوة ان شاءلله انرن عليك
امي: باهي ، في أمان الله ؛
صكرت تلفون وطلعت من المستشفى مشيت باش نشحن تلفون في السيارة و قعدت اني و اسامة في المستشفى لثاني يوم و العصر طلع بوي من العناية و صرفله الدكتور شوية ادوية و منها كملنا طريقنا لحوش خال حبيية
استقبلنا ورحب بينا و بعديها فتح بوي موضوع حبيبة و قاله بوصية صاحبه و رفيق عمره ان اتعيش معانا و ايكون الوصي عليها و الحوار بدا فيه مشاحنة و خالها مستبعد فكرة بنت اخته تعيش عند ناس غرباء عليها و مش من عيلتها
المهم حاولنا معه بكل الطرق و هو شي صكر راسه و ناض عاقد حاجبه بحسم💔
خالها: سامحنا عاد، البنت نحن اولى بيها
بوي: بتجداي؛ يهديك الله هذه وصية بوها قبل ما ايموت ؛
قاطعه بثقة
خالها: و اني خالها مش حد غريب و يوم انموت تعال خوذها
بوي: خلي نتفاهموا بشويش الموضوع فيه امانة و وصية ميت
خالها: بنفاذ صبر؛ كيف تبي اتكون وصي عليها و انت بالوضع هذا و لا مش واعي اللي انت فيه
انا: نضت بغضب😡؛ هاايي هاايي احترم نفسك و ادوي معه كويس ...؛ قاطعني بوي عيط علي
بوي: خلاص يا تميم اسكت انت 😡
انا: شبحت لبوي ؛ تسمع فيه شن ايقول
بوي: بحسم؛ قعمز ما تدخلش؛
نفخت بعصبية و قعمزت نشبح لخالها تمنيت نحرقه بعيوني من كثر ما اني حاقد عليه 🔥😡
بوي: خذا نفس و زفر بضيق؛ اني و المرحوم عبيدة مش بس اصحاب نحن خوت و حبيبة انعد فاها وحدة من بناتي
خالها: علاقتكم شي و ترباية بنته شي ثاني و لو اتجي للعرف اتعيش معاي اهني احسن ما ايقولوا عايشه مع الغريب و خالها عايش
بوي: بس انا مش غريب عليها و ح...؛ قاطعه
خالها: ولو، البنت مالها الا خالها، نستاذن منكم نمشي انجيب الشاي؛ ناض نادا بصوت عالي؛ يااا ولد هااات الشاي؛
طلع من المربوعة و😠 اني جيت وقفت على بوي و نزلت لمستواه
انا: ؛ هيااا خلينا نمشوا
بوي: شبحلي بكسرة؛ و حبيبة
اسامة: يا عمي انت درت اللي عليك و زيادة؛
بوي: تجمعوا الدموع في عيونه؛ لا حول ولاقوة الابالله 😔؛
