🩷 رواية #حبيبة 🩷
🌱 الحلقة السادسة🌱
🌹Hăbošh🌹للكاتبة
...................... 🩷🩷🩷🩷🩷🩷🩷🩷🩷🩷🩷
طلعت من الملحق سمعت حد اينادي بصوت ضعيف و متكسر
ركزت الصوت لحبيبة و جاي من دار الخزين مشيت نسرع جيت ع الباب لقيته مقفول من برا، فتحت عليها كانت عرقانة و ترعش هلبا ، اول ما شبحتني نقزت في حضني شادة فيا بالقوة و تبكي بصوت
تميم: زدت ضميتها ؛ من الحيوانة اللي قفلت عليك و دارت فيك هك
حبيبة: بهلوسة وصوت متقطع ؛ خ خ خوذني م م معك تميممم ما تخلنيش ب بروحي؛ ارتخيت اغمى عليها
تميم: نهز فاها؛ حبيبة حبيبة؛ قمتها بين ايديا و طلعت بيها، و اذا بامجد واقف يشبحلي بصدمة 😡 🔥
توقعت ان فاهم غلط من نضرة الشك اللي يشبحلنا فاها
تميم: ما تشبحليش هكي، البنت خايفة كان مصكر عليها الباب ؛ مشيت نسرع للملحق، جاء وراي
امجد: شن ادير في المخزن و الباب كيف ايصكر عليها ؟!؟
تميم: مش عارف بس كان مقفول من برا ؛
خشيت نزلتها ع الكرسي ضربت على خدها بخفة وامجد واقف يشبحلها بقلق ؛
تميم: خذيت يدها نمسح عليها؛ حبيبة، حبيبة تسمعي فيا
امجد: وخر خلي انشوف نبضها؛ طبس عليها و انا تراجعت خطوة، شد ايدها شاف النبض
تميم: بترقب؛ شن النبض كويس
امجد: بخوف؛ لا نبضها ضعيف، ارفع رجليها فوق ؛ مشيت طول رفعت رجليها فوق نشبحلها بخوف و امجد ايهز فاها و اينادي باسمها بدون نتيجة
تميم: بقلق؛ معش ناضت مافيش اسعافات اوليه اخرى اندروها
امجد: زم فمه بيأس؛ ضغطها نازل هلبا ضروري تمشي المستشفى
تميم: شاد رجليها الزوز؛ بس مسافة من اهني للمستشفى انخلوها هكي مغمى عليها ؛
حبيبة: بأنين؛ ااااءه 💔
امجد: اهي الحمدلله وعيت؛ رجع طبس عليها يمسح على اجبينها؛ حبيبة تسمعي فيا، هيا افتحي عيونك
حبيبة: ترمش في عيونها ؛ اااه راااسي
تميم: نزلت رجليها وجيت لعند راسها؛ سلامتك حبيبة
حبيبة: فتحت اعيونها بتعب ؛ اااني وين
تميم: انتي معانا ما تخافيش،
امجد: شن تحسي روحك
حبيبة: صقعااانة 🥺؛ على طول خذيت بطنية غطيتها
امجد: ؛ شبحلي؛ نمشي لصيدلية توا انجي، خليها راقدة و شوف حد من البنات تقعد معها
تميم: تمام؛
مشى خذا مفتاح السيارة و طلع، مشيت وراه شبحتله لين ركب السيارة و طلع من المزرعة،
________________________________________________
سارة: مش هذا امجد اللي طلع بسيارة
تسنيم: ااي هو
سارة: 😨 و حبيبة !!!
تسنيم: ضربت خدها؛ حييي غبارتنااا
سارة: ششششهد انتي يا دعوة
شهد: من روشن المطبخ؛ خيرك تعيطي
سارة: بعثتي لامجد
شهد: اي بس مش عارفة استلمها او لا عشان حذفتها
تسنيم: غباارتك، توا شبحناه طااالع يا همي
شهد: 🤷🏼♀️ اني ما دخلني
سارة: ماهو هذه الرومنسية بتاعك 😠
تسنيم: هيااا نفتحولها راه تخاف من الظلمة 💔؛
.
.
رجعت خشيت الملحق
شبحتها راقدة متكوره ع نفسها حاضنه رجليها لصدرها وملامحها جداً مرهقة و كانت ضاعفة هلبا عن اخر مرة شبحتها قبل الاسبوعين ، زعلت عليها و زعلت من نفسي اكثر من اهمالي لها ولومي الاكبر لو ما سكتت يومها و اعترفت بمشاعري ما راحت لامجد ، احساسي بالاستسلام هو اللي معذبني و يزيد ايشعل النار في قلبي وفكرة انها بعد كم يوم ح تكون مرت خوي ح تقتلني 💔🔥
