حبيبة

الحلقة السابعة

🩷 رواية #حبيبة 🩷

🌱 الحلقة السابعة🌱

  🌹Hăbošh🌹للكاتبة

.................... 🩷🩷🩷🩷🩷🩷🩷🩷🩷🩷🩷

ساعة احداش باليل
كان عندي اسامة سهران معاي و بعد ماروح الحوش خشيت لسريري و خذيت التلفون انتصفح قبل ما نرقد، 
جاء شعار مراسلة خشيت انشوف فيه لقيت مسج بالغة الانجليزية، بالاول ما عدلتش و بعدين لفت نظري الصورة  !
تذكرت انا وين شايفها و على طول خشيت للمحادثة
رديت ع المسج ( مرحبا )
شوية وردت بمسج ( هل انت قريب امجد)
بعثتلها (اجل، انا اخوه)
بعثت ( هل هو بخير)
بعثتلها( نعم هو بخير،  و من انتي)
بعثت ( انا انجيلا زوجته)
توسعوا عيوني بصدمة كل شي توقعته الا انه ايكون متزوج، رجعت بعثت باش انتاكد اخرى
( هل تقصدين زوجة امجد)
بعثت( اجل، الم يخبركم بذالك)
تملكني شعور واحد فقط وهو الغضب ما فكرتش و لا اهتميت ان زواج امجد ح ايكون في صالحي ، اللي فكرت فيه و اشعل نيران الغضب في صدري ان كيف ايخون حبيبة و يلعب بمشاعرها، قفزت نازل من السرير ناوي نمشي انشبعه ضرب و انطلع كل غلي فيه، وقفت ع الباب انفاسي تتصاعد و دقات قلبي سريعة ، شبحت لتلفون واصلني شعار مسج،
( ارجو ان تخبره اني اريد التحدث معه في امر مهم)
رجعت قعمزت ع السرير خذيت نفس عميق و رجعت بعثتلها
( لماذا لا تخبريه انتي)
بعثت( لم يتصل بي منذ ايام و هاتفه غير متصل بالنت،   ارجوك اخبره طلبي ان  يتصل بي )
زفرت بنفس طويل و كتبت ( حسنا) قعدت شوية انفكر بشي و متردد و فضولي خلاني نرجع للمحادثة،
بعثت ( هل لي ان اسال سؤال )
بعد لحظات بعثتلي (  قل ما سؤالك)
كتبت( منذ متى و انتم زوجين)
ردت ( ستة اشهر)
قبضت يدي و عقدت حاجبي بغضب، كيف يستغفلنا المدة هذه كلها و مزال مستمر استخفاف بعقولنا، 
تميم: بتنهيدة؛ لا وين تبي توصل يا امجد 😠
شبحت لتلفون بيدي وصلني منها ( اتعجب لماذا لم يعلن عن زواجنا حتى الان ، فقد سافر لكي ينهي خطوبته و يخبركم بذالك ) 
توسعوا عيوني بستغراب و بعثت(  انتي تعلمين بان امجد مرتبط)
ردت( اجل اخبرني بكل شي و اعلم ان اباه هو من ارغمه على الارتباط بيها )
ضحكت بسخرية و قهر، و رجعت تنهدت بضيق و نفس متقطع و بعثت ( استاذن اريد الذهاب)
ردت ( حسنا و ارجو ان لا تنسى ما طلبته منك، وداعا )
عزقت التلفون جنبي ع السرير و حطيت راسي بين ايديا انفكر و انخمم على حبيبة، كنت خايف ينكسر قلبها وقت تعرف بحقيقة امجد 💔 احترت كيف نتصرف، من جهة مش راضي يلعب على مشاعرها و يخدعها و نقعد انا عارف وساكت و من جهة مش هاين عليا نصدمها بالشخص اللي توهمت ان ايحبها و نكسر قلبها، كل همي و تفكيري بس في حبيبة مش هامني امجد لان هو شخص غير مسؤول و مذنب في حق حبيبة و في حق العيلة كلها...
عزقت جسمي للخلف نشبح لسقف و انفاسي غير منتظمة ،
قعدت وقت طويل على نفس الوضعية و مع هلبا مشاعر حسيت بيها و قررت فالاخير ان اني انواجه امجد بدون ما يسمعنا حد، و عشان الوقت متاخر اجلت المواجهة لغدوة،
فاتوا ساعات انتقلب في سريري ماقدرتش نرقد من كثر التفكير في الموضوع و قلبي نار معش بردت 💔
بعد الفجر رقدت و وعيت ساعة ثمانية على رنة التلفون، سحبته وانا ناعس رديت ع المكالمة
موظف: صباح الخير بش مهندس
تميم: بصوت ضعيف؛ صباح الخير
موظف: مش جاي للاجتماع؟
تميم: قعمزت شفت لساعة؛ اااو مانتبهتش للوقت، هيا مسافة الطريق و نكون في الشركة
موظف: تمام؛ 
صكرت منه وطرت خشيت الحمام وبعديها طلعت نلبس بسرعة و مشيت طول لشركة قبل ما نفطر او حتى ناخذ فنجان قهوة
خشيت المكتب ولقيت بادي الاجتماع، اعتذرت ع التاخير وقعمزت ، التهيت في الاجتماع على المناقصات و المشاريع
قعدنا تقريبا ساعة ونص و لما انتهى طلعت ماشي معاي اسامة  يدوي ع الشغل ،
تميم: اوكي تمام ح انشوف التصاميم و انقولك؛ لفيت نبي نمشي
اسامة: وين ماشي!؟ من اهني المكتب؛ اشر بيده
تميم: شبحتله؛ عندي مشوار؛ مشيت في طريقي
اسامة: بصوت اعلى؛ و الشغل ؟
تميم: توا مش فاضي  غدوة انتمه؛
طلعت من الشركة ركبت السيارة و خذيت التلفون اتصلت  امجد: الووو تميم
تميم: انت في الحوش؟
امجد: لا طالع انوصل في حبيبة، خير!؟
تميم: حسيت بنغزة في قلبي🔥؛ تقدر اتجيني الشقة
امجد: علاش في حاجة!؟
تميم: اي، تم برنامجك و تعال
امجد: اوكي؛ نزل التلفون و انتبه لطريق
حبيبة: بتردد؛ هذا تميم؟
امجد: بانزعاج؛ اهااا
حبيبة: بقلق؛ خيره شن  يبي
امجد: شبحلها بنضرة الشك؛ ما قالش؛
رجع يشبح بتركيز لطريق و حبيبة تفرك في ايديها بتوتر ، وصلوا الجامعة
امجد: بعد تكملي رني عليا
حبيبة:  اوكي؛
فتحت الباب نزلت و عقلها مشغول علاش نبي امجد ايجيني لشقة
امجد: عيطلها؛ حبيبة الشنطة
حبيبة: شبحت ليدها و مشيت خذتها ؛ نسيتها، شكراً ☺️
امجد: انتبهي ، سلام
حبيبة:  اوكي سلام؛
وقفت تشبحله بعد مشى كملت طريقها لبوابة الجامعة، شخص يمشي وراها عيطلها و الصوت كان مش غريب وقفت شبحتله بصدمة وخوف 😨
السبسي بين اسنونه و ابتسامة على جنب
سامر: و الله بعد زمان يا بنت عمتي
حبيبة: بارتعاش في صوت؛  سسسامر
سامر: قرب منها؛ اي سامر، كبرتي و حلويتي 🤤؛
شبحلها من فوق لتحت، خافت منه وخرت خطوة
سامر: بهزوة؛ خيرك تبعدتي شني خايفة
حبيبة: بلكلكة؛ ممشش خاايفة، تااخرت ع المحاضرة؛
لفت تمشي بخطوات سريعة، عيطلها
سامر: ح نستناك اهني ما تعطليش 😎
حبيبة: وقفت و رجعت لعنده بكل قوة؛ علاش تستنى شششن تبي مني؟ 😠
سامر: بببرود؛ شنو عيب كان استنيت مراتي
حبيبة: مراااتك؟ شن ااتخرف اانت، اامشي من اهني احسن ما نعيط للامن ايشدوك؛
شد ايدها ضغط عليها
سامر: عاض على اسنونه؛ ما تستفزينيش احسن ما انشدك من شعرك و تمشي معاي زي الكلبة 😡؛
نتشت يدها بالقوة و مشت تسرع خشت الجامعة و هي ترعش
و قلبها قريب يطلع من الخوف 💔
شبحت وراها و تاكدت ان مش لاحقها،
طلعت تلفونها و من رعشة ايدها طاح منها
حبيبة: يااربي الصبر؛ طبست تاخذ فيه وتلقى الشاشة مكسورة؛
لاااا مش وقتك 💔 حسبي الله ونعم الوكيل فيك يا سامر؛ قعدت تبكي  و تشوف لتلفون شاشة سودة مافيش كيف تتصل بيه، شبحت لمجموعة بنات في وحدة منهن تعرفها مشت لعندها
حبيبة: صباح الخير
ريهام: صباح النور، اهلين حبيبة كيف حالك؛
سلمت عليها
حبيبة: الحمدلله وانتي كيفك
ريهام: تمام الحمدلله
حبيبة: عادي تعطيني تلفونك نتصل بيه عشان تلفوني طاح مني و انكسرت الشاشة
ريهام: اي حبيبتي مافيش مشكلة، تفضلي؛
اعطتها التلفون
حبيبة: شكرا بارك الله فيك
ريهام: ولو العفو، خوذي راحتك ؛
مشيت تبعدت كم خطوة و كتبت رقم امجد و دارت اتصال
كان ايسوق و تلفون ايشرين جنبه شبح للرقم ما دورش كمل سواقة،  رجعت عاودتله مرتين ماردش عليها
حبيبة: بلعت ارياقها؛ ليش ما اترد ااوفففف 💔؛
كتبتله مسج انا حبيبة رد عليا و بعثتها بس امجد كان وقتها نازل من السيارة و خاش للكافي خذا قهوة و شيشة مية و طلع
استنت ايرد عليها و الوقت يمشي حست  بالاحراج لما شبحت البنات مشيوا لمحاضرتهن و ريهام واقفة تستنى
حبيبة: جت لعندها؛ اسفة عطلتك
ريهام: لا عادي، المهم اتصلتي
حبيبة: طرمت شفافها؛ ما ردش عليا؛ اعطتها التلفون؛ شكرا
ريهام: كان تبي رني اخرى
حبيبة: لا ما نبيش انعطلك، صحيتي
ريهام: والله تاخذيه هيا اتصلي اخرى
حبيبة: بامتنان؛ صحيتي؛
خذاته قبل تبي تعاود لامجد و بعدها غيرت و كتبت رقمي ،
تلفون ايشرين في الصالة و انا كنت خاش المطبخ انطيب في قهوة لان راسي كان يبي ينفجر
حبيبة: بحزن؛ لا حول ولاقوة الابالله 💔
ريهام: ماردش
حبيبة: هزت راسها بالنفي؛ لا، لو حد منهم عاودلك قوليله يتصل بيا ضروري
ريهام: تمام
حبيبة: صحيتي تعبتك معاي
ريهام: بابتسامة؛ لالا مافيش تعب، انتلاقوا، باي
حبيبة: بااي  ؛
مشت ريهام لمحاضرتها و حبيبة قعدت تشبح حواليها خايفة و حتى لما خشت المحاضرة كانت مش مركزة بكل وطول الوقت
خايفة و مرعوبة
.
.
رن جرس الباب
مشيت فتحت و اول ما شبحته شديته من رقبته دفيته داخل و صكرت الباب
امجد: قريب فقد توازنه وقف يشبحلي بغضب ؛ خيررر اامك الززح شن فيه!!!؟
تميم: جيت لعنده وشديته اخرى؛ منو انجيلا و شن علاقتك بيهااا؟
امجد: فنص اعيونه؛ من وين تعرفها؛ قاطعته
تميم: بغضب؛ اانااا اللي نسال فيك، تكلمممم 😡
امجد: فك روحه و مشى خطوة؛ صديقة تعرفت عليها في الجامعة
تميم: برمته من ايده ؛ كذااااب؛
نتش يده بعصبية وعيط عليا
امجد: شششن تبي تعررف بالزبط
تميم: الحقيقة اللي دااسها عليناااا
امجد: اهو انت عارف كل شي علاش تسال
تميم: بغضب؛ يعني صح ااانت متزوووج
امجد: يشبحله بحقد؛ كنت اتجسس عليا، برااافووو 👏🏼
تميم: بعياط؛ يا حقيررر مرتك هي اللي اتصلت و قالتلي
امجد: بعصبية؛ و ااانت من ووين تعرررفهاااا؛
قاطعته دعست عليه خنقته
تميم: بنرفزة؛ ااانت مشكلتك بس كيف عرفت، يعني مش هاامك الكاارثة اللي دايرهااا، لاااا و بكل وقاحة تبي اتزوج حبيبة و ترفعها معك، اانت شنووو يا اخي!!؟ كيف اتمشي في امورك عادي و مش خاايف تكشف حقيقتك؟ 😤
امجد: دفني؛ حبيبة مش ح تعرف لاني كنت نااوي انطلقهااا اول ما نوصل لندن
تميم: ضحكت بستهزاء؛ لااا هكي تمام 👌كويس ان تبي اطلقها هذيك 😡؛ عضيت على سنوني و بتهديد
تميم: تحلم ان اني نسمحلك اتزوج حبيبة و اتهينها ، اانسى
امجد: و اانت من تسمح ولا ما تسمح، خوها ولا بوها؟! االا اذا كان في رابط بيناتكم و اني ما نعرفاش
تميم: على شنو اتلمح
امجد: قرب مني؛ انت تعرف على شنو ، تحسابني اني راقد على اوذاني و مش عارف شن في راسك 😠
تميم: دعست عليه؛ ااادوووي معااي كوويس ياا حيووان  😡؛ قاطعني دفني بالقوة
امجد: بعياط؛ معش ااتمد اايدك علياااا فاااهم و ااحسنلك ما تدخلش بيني وبين خطيبتي، انااا نعرف كيف انحل اامووورري
ماالكش دعوة اانت؛
جاء يبي يمشي هجمت عليه ضربته بوكس 👊 و معش عرفت انسيطر على اعصابي و مشاعري
تميم: بعصبية؛ يااا كلب كنت جاااي تفسخ خطوبتك منها و بعدين صحلك تبي اتزوجها؛
رفعت اصبعي في وجهه و  انفاسي تعلوا و تهبط؛
و الله لو نبي انموووت ما انخليك تلمس شعرة منها بعد خيانتك ليها 😡
امجد: يشبحلي بحقد؛ انت الخاين اللي بعت خووك و مشيت تجسست عليه باش تلقى شي يمنع زواجي من حبيبة و يفضالك المكان، ههه توا فهمت علاش تبزعت عليك الشاي لما سمعت بقرارنا اني و حبيبة، غيرتك فضحاتك بس للاسف نحن كنا مغفلين 😤
تميم: زدت ضربته 👊 بغضب؛ مااا تقلبهااش علياااا، ااانت طلعت متزوووج من وراانا  فااهم شن يعني متزوج ، متخيل ان بوي و حييبة يرضوا بالشي هذااا 😡
امجد: شاد فكه من وجع الضربة؛ مافيش حد يعرف الا اانت و لو كانت شكوكي غلط مش ح اتقوللهم و تفسد على خوك؛
مشى لباب
تميم: عيطت عليه؛ اافهم زي ما اتحب، انا مش ح انغطي عليك لازم كلهم يعرفوا انت متزوووج و اولهم حبيبة 🔥😡
امجد: شبحلي و شاد الباب؛  يعني متخيل بكل بساطة لو اني ما اتزوجتها اتزوجها اانت !!؟ هههه😎  ؛
طلع وخبط وراه الباب
خلاني في حالة ثوران اول مرة نعصب هك تمنيت اني نقتله ، بديت نضرب كل حاجة اتجي قدامي و انكسر و انسب فيه ، كلامه مش بس استفزني وحرق دمي  هو خلاني  انحس بالضعف و انخاف ناخذ اي قرار، نزلت على اركابي شاد بطني من قوة الالم و عرقي ايصب وجههي احمر و عروق رقبتي بارزات، خلاص حسيت روحي انموت، زحفت بصعوبة و كنت نبي بس نوصل لدار و ناخذ دواء المسكن و بعد جهد وصلت لكمدينو عليه شريط الدواء خذيت حبة زمطتها و قعدت مقعمز ع الارض ماد رجليا و ساند ضهري بالسرير و صدر ايتحرك من دقات قلبي و انفاسي السريعة
.
.
اما امجد بعد طلع كان معصب ركب السيارة و اتصل بي انجيلا
هي اول ماشبحت اتصاله فرحت تحساب يبي يسأل عليها
انجلا: هلووو امجد كي...؛ قاطعها بعياط
امجد: كيييف تتصلي بخوووي و تقوليله انتي مراااتي، ااانا شن قايلك مااا تتصليش باي حد مهم صااار للليش اااتصلتي 😡
انجيلا: بزعلة؛ لماااذا تصرخ امجد، ماذا فعلت حتى تغضب الى هذا الحد
امجد: ااانتي دمرررتي كل شي بااتصاالك،  ..؛ قاطعاته
انجيلا: بغضب؛ اامجد انا كنت قلقة عليك و لان هناك امر مهم يجب ان تعرفه و لم اجد وسيلة تصلني اليك غير ذالك
امجد: مااا تكذبيش انجيلااا اانتي تبي عيلتي تعرف بزوااجنااا ..؛
انجيلا: عيطت عليه؛ لااا تحدثني بهذه اللغة، انت لا تعلم ماذا حصل لي حتى تتهمني بهذه الوحشية، اامجد اناا حاامل و امر بوقت صعب يجب ان تااتي فوراً
امجد: بصدمة؛ كيييف حاااامل!؟
انجيلا: بصوت اهدا و تعب؛ ااجل انا حامل في الشهر الثاني؛ سمعت صوت عجل سيارة و صوت مرش؛ اااامجد ااامجد هل تسمعني ااجيب ااامجدد💔😨؛
انقطع الاتصال
كان امجد مش امركز في الطريق و يجري بسرعة و الخبر اللي سمعه من اجيلا زاد فقد تركيزه و السيطرة ع السيارة جاء يبي ايتجنب الاصطدام بسيارات المارة طلع برا الطريق و نقلبت بيه السيارة 💔
.
.
سامر: ايوة
حنان: انت وين
سامر: في طرابلس
حنان: شن تبي فاها، علاش مشيت
سامر: ماشي انشوف حبيبة
حنان: فكني منها الكلبة، هيا تعال رؤح للحوش
سامر: بعقدت حاجب؛ شني اتكلمي في ولد صغير، راني راجل بشناباتي ما نبيش حد يأمرني ايووه
حنان: يارب صبرني، شن في راسك بس
سامر: اللي في راسي بندير بالقانون و لا بالغصب، و ربي ماني مسيبها 🔥
حنان: ووووه ووووه، طلعت باش اديرلي مشاااكل يا همي
سامر: نفختيلي راسي هيا نبي انصكر؛
صكر عليها و خلاه ع الصامت و حطه في جيبه
قعمز على صندوق السيارة و ايدخن مرة اينابش بنت مرة متعارك مع حد،
اما حبيبة طلعت من المحاضرة مافيها نقطة دم 🩸
بعد ما رؤحوا كل زميلتها مشت قعمزت مع مجموعة بنات ما تعرفهمش المهم ايكون معها حد باش تحس بالامان...