🍒" عـــفــاف قـلـبـــي"🍒
أنــا لـك حـيـن يـثــقــل الـعــالــم عـلـى كـتـفـيـك✨
🌼بـقـلـم: Douae Beniss🌼
#1
كانت آخر شوفة غايشوفها فملامحها و كانت اخر هضرة غاتسمعها من عندو كلماتو السامة تسللو لاعماق قلبها :
ماجايش نخطبك نتي ، انا جاي باش نفهمك انه نتي ماشي محور الكون ( بسخرية لاذعة) كان كايحساب ليك نتي البنت الوحيدة لي كاينة فالعالم ! ماشي بوحدك لي كاينة فالدنيا كان عليك تعرفي هادي ....
**********
دموعها ماتحبسوش منين فاقت و غواتها لي مسموع فالسبيطار من سفاه لعلاه خلا الدكتورة تجي بالجرا لعندها
الدكتورة (آيات ): جيبو لي كالمون قبل يجيها انهيار عصبي .(ضارت عند البنت) كالم توا ماشيغي .
هزات هاجر راسها و مزال دموعها ماحبسوش كاتحاول تهدن و تفهم الوضع: عافاك شكون جابني لهنا ؟ (حطات يديها على راسها مخلوعة) و فين هو حجابي؟
آيات: انا لي جبتك و فولارك انا لي حيدتو غير تكالماي ماكاين حتا حد. كنت جاية لخدمتي اليوم بالصباح فاش خرجت فيك بالاوطو حيت كنتي كاتجري فالطريق الحمد لله خرجات على خير غير تفدعتي فيديك ماشي شي حاجة grave
هاجر شافت فراسها باقية لابسة فراشتها البيج ديال الجوهر لي ولات ملطخة بالتراب و الكحل كان سايح على عينيها هي تكتم نفسها و بداو الدموع يبانو فعيونها مرة اخرة..
وقفات ايات و مشات ناحيتها هي تحط يديها على ذراعها: مالكي ؟ واش عندك شي مشكل عاودي ليا نقدر نفيدك و لا بعدا غير نخفف عليك همك
هاجر ماجاوباتش بقات ساكتة كاتحاول تنظم تنفسها غير باش ماتخنقش...
عيطات ايات على الممرضات جابو لهاجر تيليفونها و دواء مهدئ و شي سكريات باش ماتعاودش تسخف
آيات: كولي و قولي ليا مالكي واش عندك شي بروبليم؟
هاجر هزات فيها راسها و قالت بواحد الالم بان فهضرتها:
لي جاري ليا قصة طويييلة ا دكتورة ، بروبليم معقد كثر ما كاتخايلي !
#يــتــــــــــــبـــــــــــــــع
أنت تقرأ
🕯عفاف قلبي🕯
Romance#قـــصة_قصـــيرة: 🕯️عـــفـــاف قـــلـــبـــي🕯️ ✒️كـــتـــابـــة و تـــأليـــف :𝐷𝑜𝑢𝑎𝑒 𝐵𝑒𝑛𝑖𝑠𝑠✒️ "كلهم محطات و أنت المقر " 🎷 انك تخسر شي شخص ماكايعنيش النهاية... الحياة ماكاتوقفش على شي حد كيفما كان حيت قليل لي غايبقى معاك حتا للخر و ل...
