🕯عفاف قلبي🕯

chapitre 16🌟

🍒" عـــفــاف قـلـبـــي"🍒

أنــا لـك حـيـن يـثــقــل الـعــالــم عـلـى كـتـفـيـك✨

                  🌼بـقـلـم: Douae Beniss🌼
#16

ذياب : لا بغيتك على حاجة اخرى..

هاجر: خير ان شاء الله..

ذياب بقا دقائق كايحاول يلقا الكلمات المناسبة لي يهليوه يوصل ليها الفكرة بلا تعقيد و مع كل دقيقة قلبها كايزيد يضرب كثر...

ذياب : باش نطولوش فالهضرة ا هاجر،  من شحال هادا فاش كنتي كاتجي مع صاحباتك و لا عائلتك و انا راد معاك البال،  من ستيلك ديال اللباس كنتي كاتباني بنت داركم و هضرتك و تصرفاتك كانو كايزيدو يبينو البلان .. كنتي عاجباني مي مع الوقت غبرتي و صافي تشغلت بخدمتي و حوايج اخرى ماعطيتش للموضوع كثر من حقو ، حتا رجعتي بنتي من جديد و فهاد اليامات لي قربت منك فيهم كثر كانت فبالي حاجة وحدة هي نتزوج بيك...

مول كلامو على هاجر بحال الصاعقة كل مرة كايدير شي حاجة كاتصدمها و لكن هاد المرة جاب ليها التمام بقات غير كاتشوف شحال هاد ستنشقات الهواء الكافي و ابتاسمات ليه و هي كاتلعب بيديها بسباب الخجل و قالت:
نحطو النقط على الحروف ا ذياب إلى كان هاد القرار بسباب الموقف ديال الصباح فراه نتا ماشي مجبر صافي عادي...

ذياب قاطع هضرتها: هاجر فهميني انا باغيك من شحال هادا البلان د الصباح غير زاد شجعني على هادشي لي كاندير فيه

هاجر: ماعرفتش شنو نقول و الله...
نتا راجل لي كاتمناه اي وحدة فيك كاع المواصفات الزوينة و شحال من لعبة و لكن راه كانحس بحال إلى هادشي جا بالزربة و مزال ماستوعبتش

ذياب : ماكايهمنيش شحال من وحدة كاتمناني كاتهميني نتي دابا واش قابلة و لا لا،  الواليدة هضرت معاها الصباح و قلت ليها لي كاين كنتي قابلة من غدا نديرو لاكط..
(ناض واقف غادي جهة الباب )خودي وقتك فكري مزيان

هاجر حسات بخدودها توردو ،حنات راسها للارض و ابتسامتها زادت وساعت:
ماكاين لاش ناخد الوقت انا قابلة من دابا...