🕯عفاف قلبي🕯

chapitre 9🌟

🍒" عـــفــاف قـلـبـــي"🍒

أنــا لـك حـيـن يـثــقــل الـعــالــم عـلـى كـتـفـيـك✨

                  🌼بـقـلـم: Douae Beniss🌼
#9

عشات العشية و هاجر مشغولة بالمهمات لي عليها و خدامة من نيتها و دايرة فحالها رحم الله من عمل عملا فأتقنه ..

وصلات وقت البوز ديالها و دخلات للقاعة الخاصة بالناس لي خدامين تماك هي تلقاها خاوية كل واحد فين مشا ، صلات العصر و جلسات هازة روايتها كاتقرى فيها حتا دوز ربع ساعة د الراحة
كانت  سمعات الحس و لكن ماتسوقاتش حتا حسات بجسد جلس فالكرسي لي حداها هزات عينيها هي تلقا رجل فمنتصف العمر بلباس دالخدمة و البادج معلق فصدرو دليل على أنه تاهو خدام فنفس القهوة ..

سمير : سلام ختي نتي هي لي جيتي جديدة ياك ؟

هاجر ماهزاتش فيه عينيها و قالت بهدوء : و عليكم السلام اه انا هي

مد ليها يديه و قال بابتسامة عريضة: انا سمير مرحبا بيك معانا

هاجر دارت ليه نصف ابتسامة و بلباقة قالت : ربي يخليك (شافت فيديه لي ممدودة ليها ) مكنسلمش سمح ليا ا خويا .

سمير جمع يديه باحراج و رجع قرب لعندها: ايوى ماتعرفيناش عليك ؟ 

هاجر بعدات كرسيها عليه بلا مايحس مارتاحتش ليه و باغية تصدرو ماعارفاش ان ذياب مراقب الوضع من البيرو ديالو و متبع كولشي من الكاميرات و دمو كايغلي غير بوحدو..

فثواني لقا راسو نازل عندهم ماحسوش حتا دفع عليهم الباب ديال ديك القاعة و وقف كايسوس يديه و كايحاول يتحكم فراسو، شاف فيهم و قال بصرامة خلعاتهم و بنبرة قاسية قليل فين كايخدمها:

هادي بلاصة الخدمة ماشي ركن التعارف ( شاف فسمير و ضرب يديه مع الطبلة) تهزززز سير لخدددمتك

غير خرج سمير ضار عند هاجر لي غير كاتشوف و ريقها واحل ليها ماقادراش تسرطو..

ذياب (بهدوء مريب) : واش عاارفة لاش كاينة نتي هنا و لا لا ؟ ماشي غانجيبك من النهار اللول غاتبداي بالمشاكل و التهاون يا ديري خدمتك يا الله يعاون