🍒" عـــفــاف قـلـبـــي"🍒
أنــا لـك حـيـن يـثــقــل الـعــالــم عـلـى كـتـفـيـك✨
🌼بـقـلـم: Douae Beniss🌼
#7
وقفات آيات اللوطو ديالها قريب من الكافي لي جات عل البحر فموقع راقي و استراتيجي كايجر السياح
و نزلو كايتمشاو على رجليهوم حتا وصلو قدام واحد المبنى كبير و شاسع من برا مصبوغ بالبني و البيج و اللافتات ديالو كانو بالاسود مكتوب فيهوم بالذهبي
هادي هي اكبر كافي فالمدينة كامل فيها الطوابق غاتلقا فيها قاعات الشاي و محلات د الحلويات...، كاتقدم جميع انواع القهوة و المشروبات و قسم خاص بالمثلجات ...
دخلو و مشاو للمكتب ديال ذياب لي كان متبعهوم فالكاميرا واخة ماكايبانوش مزيان
دقو عاد دخلو و تلاقات عين ذياب الحادة بعين هاجر العسلية لي كاتخليك تغرق وسطها بحال شي كوب دافئ من القهوى المرة...
وساعو عينيه من الصدمة و دغيا دور وجهو ماطولش
الشوفة.. اللولة ديالك و لاخرة عليك!
ماقدرش يتيق انه بعد هاد المدة كامل غاتبان قدامو عادي حتا فقد فيها الامل و قال عمرو يشوفها و لكن كولشي عند الله قريب
عاماين هادي كان كايشوفها كاتجي مع الاب أو الأم ديالها و حتا صديقاتها بانتظام جرو هدوئها و شخصيتها المتوازنة و القوية و كان كايعجبو لباسها الانيق و فنفس الوقت المناسب للاسلام هي كانت كاتعرف كيفاش توازن بين كولشي ببراعة خطيرة، فاش مابقاتش كاتجي حس بغيابها و مع الوقت مابقاش كايتسناها رغم انها عمرها خرجات من عقلو
اما هاجر تاهي هبطات عينيها احتراما ليه ، كانت شافتو شحال من مرة فاش جات لهنا ديما واقف على شغلو و مخنزر كايبان قاسح فتعاملو
هضرات آيات هي اللولة بحماس: ذياب هاهي موظفتك المستقبلية ، هاجر هاهو مديرك المستقبلي
وقف ذياب بلبسو الرسمي رحب بيهوم و كلامو قليل و مختصر
خدا الملف ديال ابتهال حتا قراه بتمعن مانع أن الاعجاب بسيرتها يبان على ملامحو باقي بتغوبيشتو ماهازش حتا راسو فهاجر :
سيفي ديالك نقولو عليه مقبول و لكن هادشي ماكافيش خاصنا نحطو الشروط د الخدمة باش مانبقاوش فالصداعات حيت ماعزازاش عليا ا مادموزيل هاجر
حركات هاجر راسها بتفهم و بداو كايتفاهمو على التفاصيل و الصالير و آيات حداهوم عارفة خوها ماغايبغيش يبقا مع هاجر بوحدهوم و هاجر نفس الحاجة
أنت تقرأ
🕯عفاف قلبي🕯
Romance#قـــصة_قصـــيرة: 🕯️عـــفـــاف قـــلـــبـــي🕯️ ✒️كـــتـــابـــة و تـــأليـــف :𝐷𝑜𝑢𝑎𝑒 𝐵𝑒𝑛𝑖𝑠𝑠✒️ "كلهم محطات و أنت المقر " 🎷 انك تخسر شي شخص ماكايعنيش النهاية... الحياة ماكاتوقفش على شي حد كيفما كان حيت قليل لي غايبقى معاك حتا للخر و ل...
