🕯عفاف قلبي🕯

chapitre 12🌟

🍒" عـــفــاف قـلـبـــي"🍒

أنــا لـك حـيـن يـثــقــل الـعــالــم عـلـى كـتـفـيـك✨

                  🌼بـقـلـم: Douae Beniss🌼
#12

صباح نهار جديد...

فاقت هاجر صلات الفجر و قرأت وردها اليومي د القرآن عاد لبسات حوايجها و خرجات للخدمتها ....

بدات شغلها و عينيها كايقلبو على ذياب لي ماكانش ليه اثر داك الصباح  ، حسات بشي حاجة ناقصة...

لقات ابيل من عند آيات هي تبدا شادة معاها الجماعة  باش تحيد الملل.

هاجر : اختي راه تابعني مزال نجري حتا للدار نتغدا و نرجع ماعنديش مع الماكلة د السناكات كاضرني إلى كثرت فيها

آيات : انااااري غاتمشي حتا للداركم راه بعيدة ا صاحبتي علاش ماتجيش تغداي عندنا ؟ دارنا قريبة !

هاجر : شكرا ا الزين  مرة اخرى

آيات: بصح معاك و الله ماما نيت راه بغات تعرف عليك شحال عاودت ليها عليك و سمعاتني اما و ذياب كانهضرو عليك البارح

هاجر( باستغراب): نتي و ذياب ؟

آيات : غير سولني عليك و صافي ، مهم راه اندوز نطركك فاش غانخرج من الكلينيك ماترديهاش فوجهي

حسات هاجر بالاحراج و لكن مابغاتش ترجعها فوجهها   ماعندها غير قبلات

دخل ذياب و  كان دايز من حداها  حتا بانت ليه مشغولة فالخدمة ماراداش البال لبعض خصلات شعرها لي خرجو من الفولار،  قرب لعندها حتا وقف عليها و هي هزات فيه عينيها باستفسار هو يقول ببرود .

ذياب :حجابك !

هاجر : مالو؟

بعد تردد تنهد و مد يديه خشا خصلات شعرها تحت الحجاب و بالغلط يديه قاست بشرتها ، لمسة خفيفة خلاتها تبورش و رجع هو يديه لعندو بالزربة غادي ...

داز الوقت حتا وصلو ميساج من عند آيات..

آيات: خويا فاش تكون جاي للغدا جيب معاك هاجر راه اتغدا عندنا و كنت اندوز نجيبها و لكن غانتعطل شوية فالكلينيك عافاك غير هاد المرة ❤

مسح على وجهوو و عقلو كايقول انه مايمكنش هادشي كولو يكون صدفة و هاد الامور لي بداو كايخرجو على السيطرة مابقاوش عاجبينو...