🍒" عـــفــاف قـلـبـــي"🍒
أنــا لـك حـيـن يـثــقــل الـعــالــم عـلـى كـتـفـيـك✨
🌼بـقـلـم: Douae Beniss🌼
#11
هاجر شافت فيه مغددة وماجاوباتوش و مع دوك الساشيات لي كانت تقضات لعائلتها بالصباح زادت تعنكشات..
ذياب : ماتقسحيش راسك حيت غاتجيبيها غير فيه
تبعاتو ليها الطوموبيل ديالو هازة نيفها للسماء و ماراضياش و لكن مالقاتش حل
حلات الباب اللوراني و طلعات حتا جاها صوتو و هو كايشوف فيها من المرايا هاز حجبانو.
ذياب : شيفور ديالك انا ؟
هاجر ناضت بزعفة جلسات حداه فالقدام و فالداخل ديالها كاتدعي ربي يخرج هادشي على خير
دوزو الطريق كولها و هوما ساكتين ماكايهضروش كان الجو متوتر بيناتهم و كل واحد فيهوم فاش شاغل راسو كايفكر
عطاتو العنوان ديال الدار و حطها بعيد شوية باش مايفهموش الناس غلط و نزلات:
هاجر (بابتسامة ): شكرا
ذياب ماشافش فيها باقي يدو على الفولون: هادا واجب
دخلات للدار و سلمات على واليديها عطات ليهم بي كادو لي شرات و مشات للكوزينة تاكل حتا تبعاتها مها .
سعاد: كي بقيتي ا بنتي
هاجر : الحمد لله و الشكر لله
سعاد : مزال كاندعي فداك الشماتة الله يجازيه على فعايلو
هاجر : كوولشي دايز ، فيها خير
سعاد شافت برودة بنتتها فهاد الموضوع هي تجبد حوار اخر ماراداش للبال لهاجر لي ساهية كاتدير مقارنة بين ولد عمها و ذياب لقات مجال شاااسع، مايمكنش حتا تقارنهم!
بتاسمات فاش تفكرات ذياب لي وصلها فطوموبيلتو و زادو ملامحها ترخاو فاش تفكرات عطرو لي كان لاسق فالاوطو ،عطر عميق و قوي خلا حواسها يتخدروو!
أنت تقرأ
🕯عفاف قلبي🕯
Romance#قـــصة_قصـــيرة: 🕯️عـــفـــاف قـــلـــبـــي🕯️ ✒️كـــتـــابـــة و تـــأليـــف :𝐷𝑜𝑢𝑎𝑒 𝐵𝑒𝑛𝑖𝑠𝑠✒️ "كلهم محطات و أنت المقر " 🎷 انك تخسر شي شخص ماكايعنيش النهاية... الحياة ماكاتوقفش على شي حد كيفما كان حيت قليل لي غايبقى معاك حتا للخر و ل...
